¹ Pigo Jelusalemi be kanatamepa, Betpesiyaie Betanige olivisa amukegela amba avavitawe ,Jisasiva tala auta bigina poilenda pugagami kina isiagatae. ² Oisilitae, " damatuwali wama olatawe a'ga donki uma agakilane wanamava kamba agavindane. Pigo uganda'va isovakalama bete bedamiso. ³ Kawina kanama anaga isovane? Ekenapa, olese tave'yagwalama agambete agasaga kananomae," ⁴ Pigo watasimbepa, tavekige oma aomati aga Donki ugubalanda uma isovatasigina. ⁵ Wanama'va isivigatawe, anavikina Donki nepe isovanema. ⁶ Oisilitami sapuma Jisasi igela olitagina, pigo alagae oisilitawe. ⁷ Pigo tala auta'bigina poilenda pugagami yagwalala'mava isiu'tisanava akuma agulotama, " Jisasi'pa be amitasigina. ⁸ Pigo wa wayam biva kaiyage, yenale yagepe bema keta agulotatawe. ⁹ Pigo, bekanataginava wa wayam biva aleuma, Hosana kano aogina bete kanami yagwalave," Tavelemba agela kanami yagwalae itawe. ¹⁰ " Hosana'uma awagauma inatapo," Deviti tupindisa amba avolakiye itami yagwalave pigo kanae. ¹¹ Pigo Jisasi'va Jerusalemi wama Goti awagauna damaka uma agatae, 12- puwa auta bigina poilenda pugagami kinambige tale itagina Beteni watawe. ¹² Asava Jisasi'va Betenisa kigeti watamipa agavulitagina. ¹³ Bolo agatamipa Fiki'ye ana kutali puwate bitagina anda'pa alave vema uma agatamipa, anda alakina kasiya kuna ana oma awagitawatagina. ¹⁴ Kwana Fiki'ye gava pila olitae, kawinama'va anda wape kamba igimba dakiye itagina auta bigagame elia kinambiva avitawe. ¹⁵ Pigo Jisasi'va Jerusalemi, Goti awaga una damapindi ima agatamipa, bonepa etamavite aisaganava'pite alapepa aisagate puma bitagana. ¹⁶ Jisasi'va oilitae aisagana puna damaya'ne oilitae. ¹⁷ Pila oilitae," Kamba kalamalatayo, kogano kinambinda pule una damane mava? Bape kukinambinda yava awayane oilitae. ¹⁸ Alotu damapindisa alavakinambige, pilavise kamana kalagagamikinambi'geva Jisasi'pa alutikina kasa itamepa, ataluma Jisasi kamana avitami wawaya ka'iye kulupitawe. ¹⁹ Pigo taleitagina'va Jelusalemi'va itaotate. ²⁰ Avaya pigo bowatameti bomba fig'yeva asawanda uma agatawe. ²¹ Pita'va pilavite olitae,Tisa'o ago! figi'eva ago awavulembe yeva ago asawatae." ²² Pigo jisasi'va olitae "Goti'ka kauma alugagevo oilitae. ²³ Tagataga'ka uliluwe kegavala kauma alugagewama bamba amukage omaka epakumbete kayo wanipindi tumoma, tala pilagenava kamba vinda kano aumala ikimipe Goti've pikiye. ²⁴ Piyaka,alugagema kogano anaga divigakilambepe bekilane,taga bekilane oilitae. ²⁵ pigo pule ikina'anava,wanamaka kaliya kauma potanda,kamba alaganawapa begalagano, Goti'va kamba laga anagape begagalakiye." ^{26 27} Jisai'va to Jelusalemui Goti awaga una damapindi umitaginava,Goti awaga una damapindisa, amindo yakwalamage, alava yakwala yage, pila vese kamana kalagagami kinayagepa Jisasi tandi watawe. ²⁸ Pila uma olitawe, kakeva ke'esegi analasa bala anava pita dasene kwana eseginava ke'kamimi eseginalasa vene?" ²⁹ Jisasi'va pila oilitae,"Pigo dakeva kano kamana tivigauwe, unaligi ulileno,ke'eseginalasavala puwema. ³⁰ Jono wani beitatamipa Goti kumatisa velo wanama'tandisae?" baunaliyo itae. ³¹ Pigo ikewipa yoke uma aliyalasa oilikilunema, "pigo inandisa kumatisae ekanava piyapa anaga tiumava kamba alugagevewe ikiya?" ³² Pigo wanamatandisae ikilombepa,Joni tandi iuma ewali puma Goti'nda eliya kinane emekuna ema, wanaga iyekulu pitawe. ³³ Pigo Jisasi'kava pila olitawe, kamba agandune olitagana Jisasi'va pila oilitae, dakelova ake eseginalasa pumava kamba ulilikiluwe oilitae.