¹ Jisasi amitami ago atate watae, wama Judiai olate ginava, Jodenisa wani omanda to undisa undi wataye, to wa wayambigi alagatawe, akeva ataluwa anava pugagauwema oilitae." ² Pilavitagina kaukandisa palisi kinambi ata kamana amba avigatawe," Taga taga nema," Pilavise kamana omava wa'mava wayapa uga atate wakiye umalandiya? ³ Jisasi'va oilitae," Mosesi'va anaviyema ulilitae?" ⁴ Pilavitaginava, ikeva olitawe, Mosesi'va pilamba itaema, pigo kano yagolama'va wa'waya agaluva kalakina wakimipa, akeva agola isapa kalatamagina agaluwakiye." ⁵ Jisasi'va pilamba oilitae, " Mosesi'va pilavise kamana kalatamine, anavie otamae, tikeva waya tipa agaluvakalakina pilagena yaga bindawe, ⁶ Anaviye otama buka bamba bavindisana avolakinava, Goti'va wa'ge waya'ke potatae. ⁷ Pimba amitaka, wamava ano'avapa atate waya bage umigagaye. ⁸ Pilavakimika kano au avolae, pilavikimika tova ama ama aune, kambae pagivuwakiye, kanone. ⁹ Ana pikinikaga Goti'va eku atatae, kano yagwalamaga kamba ekwasava kinae". ¹⁰ Dama'pindi bitagana, auta bigaga kinambi avigatagana. ¹¹ Akeva pila oilitae, " pigo kano yagwalamaga waya'ka agaluva kilambepa, to kupiyo analo pikilane" ¹² Pigo waya'mbaga kawae atate ama yagwalala wakilambepa, kakeva kupiyona anapikilane". ¹³ Ikeva amanawala anendesoso ivamete kanatawe jisasi tandi aya umba pule oigalanoma, Anaviye otama, Jisasi auta bigaga eliya kinambi igaluvatawe. ¹⁴ Jisasi auta bigaga kinambi pilasuana pitame igatate, Akeva amopitagina oilitae," Amana anedesoso'va atagana daketandi bete kanayo, tikeva a'ekuniyo. ¹⁵ Tagataga dake ulilitawe, wawaya bigitava anamawala anende kandama kamba bikilambe kagava, Gotinda kunu kumativa kamba wakilane. ¹⁶ Akeva amanawala anendesoso manda iyata umba eseginawa imitamagina, aya imindota atama pule oigalatae. ¹⁷ Akeva autasa eliya kina wambige pigo asolimbete wama mitagana, kano yagwalama agisavindi amba alaka'pulitaginava avigatae, " Aogi Polenda yagwalagae, ana pikiloti augima asiasima bima undawakina kumapa bekiluwe?" ¹⁸ Jisasi'va kamana watapa pilamba oilitae," Aliama, aogi Polenda yagwalama'va dage'enema, Bamba bavindiva kano aogi yagwalava kamba mindiye, Goti ake asaso aogi yagwalaviye. ¹⁹ Pilavise kamanapa ago avindane, Wanava a'alutese itae, amatova kupiyo anava apisema itae, pilavimikuna kamenda ku'anava apise itae, tova tikeva atalu kamanapa a'umagiti tivikaipa a'isema itae kanogava kamana aogima avima alagaise ma itae. ²⁰ Pila vitagina kwana yagwalamava Jisasi kamanatapa pila'oilitae, " Polenda yagwalama'o," Amana wala anendeso bitotapa pilavese kamanapa avima alagatauwe." ²¹ Jisasi kwana yagwalama'va avumetagina pila olitae, " Kano ana soga imambeyane olitae, kakeva to wamagina kogano kutaka uma aisamba kavonagina amo, Pila pikilambe Kavagamba kogano kutakapa inandisa kumati bikiye, Pilavotategina dakepa amba dalago," ²² Ake pimba kamana avitamipa, Kamba aogima amalagu pitagina bo'wagalatae. Anaviye otama, Akendava atalu kutawane. ²³ Jisasi'va autasa eliya kina waka igate kina pila oilitae, " Aviyoma" Atalu kutawa bikimibava Goti'nda aogi kumati wakina ana omava ekigiyambo puwakiye. ²⁴ Pila itagina Jisasi'nda autasa eliya kinambiva avite tave pilagena pitawe, Jisasi'va to'oilitae, " Anendebio, ekigiyambo puwakiye Goti kumati wakinava. ²⁵ Kameli'omava alaga da oma awavindiva pailikiya,? Ekigiyambo puwakiye bone kinamba Goti kumati wakinava. ²⁶ Pilaitaginiva auta dasigaga eliya kinambiva tave kamana itawe, " Pigo pilavikimi kave, kelo bekiye asiasima bikina kaumava," ²⁷ Pigo Jisasi ewalima igategina pila oilitaye, Wanamaga kamba pikilambe anava, Goti'va uga pikiye, aneviye otamaye, kano anamava Goti tapa kamba agapogalakiye." ²⁸ Pigo Jisasi pimbaba kamana ugalata ginava, Pitava Jisasi'va olitaye," Avena, takeva kogano analepa kalate kakege dasimamiunema," ²⁹ Jisasi'va pila olitaye," Tagamba kamana ugalanema, pigo kegavala damakano, anasagano kamanano, kano gavano, anendekano,bagano kamanandeke dakenekega pilagema be kanane. ³⁰ Anaviye otamaye kalate kanambe anava to bekilawe, 100 - oma avovolili bekilane bamba bavindi bitamikagava kona pimbanava pilambane damaka anasaga kamanapala, kano gava anendeka baike kogano anaike, kawandisa wa wayambigi, Goti kamana takaga kunda betama kinayagopa, ikeva asiasima bikina kumapa bekilawe, ³¹ Pilavoimika wa wayambigiva kegivala aitasa bikilame kina biva buka ambikilagana buka bitame kinambiva aitasa kanakilawe. ³² Pilavitaginava autasa eliya yakwalamiva asolimbetegini Jelusalemui watagana Jisasi'va igasamete ago palitamba bo'watae Jisasi'nda autasa eliya kinambiva uma agate pagulo potatagana, wa'wayambigiva ilambete kanatamepa iyekulupuwatawe pilavitagana Jisasi'va.12wa autasa eliya yagwala wakaga igeuma tikeva wana kamba binda bala waiyo oilitae,pigo wama umitaganava Jisasi'va akewa auta avolakimi kamanapa oilitae, ³³ Akeva agoma Jelusalemui ulikilome kava,pigo ikeva kamaginiva Wama anende amba avama atiyambi kinambige pilavise kamana ugagame polenda yakwalami iyapindi atakilawe, ³⁴ Pilavekinava ikeva kamana avigama alutikina pilagena pikilawe,pilavotate giniva amakinambito imikiliganava ikeva pigo alutikilawe. ³⁵ Sebedi mbasi lalava Joni'ge Jemisi'ge Jisasi ka malamba avigatase,"polenda yagwalamao tasikeva kano anaga kavigakilosimbe anava pulasitakilane." ³⁶ Akeva pigo isivitgatae,"Tisikeva ana pulilisitakiloka tisivigilisi ese?, ³⁷ Isikeva pila olitase,"alaga tasikeva kakege aoginaga pindiva alaga bikilusoma,kanopa kayatasati biyekina kanopa kayakemasi bikiye. ³⁸ pigo Jisasi'va palamba oilitae,"tisikeva kamba aganase anagavala davigasimbe anava,alaga dake dakilo wani'ka pindisava dakilaso?Dake bekilome wanipindiva alaga wanipa bekilaso?" ³⁹ Isikeva olitase," tasikeva uga bekilusema, Jisasi'va pila oisilitae tagane dake dakilo kapindisava dakilase pigo pailikilo wanipindiva pailikilase". ⁴⁰ pilamapiyo, kegavala daya tasati bikinayo dayakemasi bikinava dake eliyayane,pilaviyo kekipala ago alapotanda kinambindae. ⁴¹ Pimba kamana aviteginiva teniwa autasa eliya yakwalamiva kamba imalagupitawe Joni'ke Jemisi'ke kava. ⁴² Pila pitaginiva Jisasi'va ige uma akivoitama balabiyo oilitae,"Tikeva atiyambi yagwalava ago igaga oma, pimba yakwalamigiva ikeva amakinata alavamagini bigagawe,alava kinambi alavavoitama eliyapa imigagawe. ⁴³ Pilavimipiyo tikeva pilasuanava apese,pigo kano yogalamaga tikelipindili atiyambi yagwala avolakina pikilambepa,kakeva pigo ikenda eliya yagwala biyese. ⁴⁴ Pigo kegavala bukasa balu bekinava,eliya yagwala bi'itase. ⁴⁵ Wama anende kanatamipa ake eliya'ana pikilombe kaya kanatae,kambaye"Akewa aumawapa kogano wa'wayambitika aumawapa tamigalama gina pulikina kanatae. ⁴⁶ Jelikoi uma olatategina, Jisasi autasa eliya kina wabigige Jerikoi agasamete bo watagana atalu wa'waya bigiva igaluwabete watawe,kano aolika yagolava,Timausi anende agewapa Batamiyasie, ke oma awali bima gina biyeka ekauma bigagae. ⁴⁷ Pigo Jisasi Nasaletisa yagola kana mamiye kamana avitegina,tavewata ke ugalamagina jisasi o Deviti anadekae,kae kaumama punato olitae. ⁴⁸ Pila pitaginava wa wayabiva awavulitawe akeyoma. Pila pitamepa akeva kaba avida to ke otamaginava,Jisasi o Deviti anadekae, kaumama punato. ⁴⁹ Jisasiva kona keitami kamana avitegina uma asolimbagina aulika yogala olitae ago asolimbetegina wo olitae,dake kageluwe. ⁵⁰ Pila pitaginava autisanawa auguma bogalategina,asolimbetegina Jisasi tandi kanatae. ⁵¹ Jisasiva pigo pila olitae, ana pogatasinaga kaviema amakigatae? Pila itaginava aolika yogalamava olitae,Tave nembao dao agakina puwe olitae. ⁵² Pigo Jisasiva pila itae, kauma alugage pembe ana oma kaova agane olitae, pila itaginava aogawamagina Jisasi alabete watae.