¹ Pigo Isu va, mitimbava atate-gina to amanam bali Judia, Jodeni wani atayi watae. Igoma wa wayapa egaulite wategana, pugagai sapuma posenda kamanapa oimitae. ² Kaisa parasi yakara, kanama Isu ka ataka kamana avigatae . "Tagamba, atalembi kamana gomava, wamava wayapa agarua kiyo?" ³ Isu va omitae, "Moses eva nanavie ulimie?"Igeva ⁴ piye omitae, Mose eva piya iyema, ka yagarama wayanga agarua Kena va isa kaima amitama agaruano." ⁵ Isu va piya omitae, "Moses kamana kautipa, nanavie otamaye, Tinda-omapa yege puwae wayati agarua kenava." ⁶ Piya mapa, mambavidi kaga ena agorima putindava, Anutu va wage wayake putae. ⁷ Pina agowaka, wamava anovapa atategina waya-gambagemigagae. ⁸ Piya pikana, isigeva ka isundana ma pugagase toma tomapa gisupa kambae. ⁹ Piya pikana nanavaya Anutu opataipa, ka yagara mava kamba igarua kiye." ¹⁰ Wae vindi mitindiniva to Anutu ka avigatae, ma kamana kava. ¹¹ Eva piya oimitae, "Ka yagarama wayanga agarua kaitegina to we mekivipa kupioena vikie." ¹² Wayama wa kaitegina to wa mekivipa pavikeva kupio ena pikie. ¹³ Pigo wa waya miva wena yakarandodo ivamete Isu ti kanatae aya atama nunu oigasa noma. Piya vutegana Isu nda ueria olakala miva igaruatae. ¹⁴ Yeria dokalami puja puteganava Isu va tavela amoena putegina oimitae. Wena yagarava itaigina teti kanaiyo, nana piyemae. Anutu kumapa kevaya wena yagara gandama mikivina daye. ¹⁵ Taga kasima neva ulimuwe, wa waya, wena yagara gandama kamba mikivepa, Anutu kumapa kamba agakiveye. ¹⁶ Isu va wena yakarandodo ivama ayati itama amundana imitama nunu oigaitae. ¹⁷ Pigo yeria dakara wambige agovima wata ginava, ka yagarama pugo suma kanama Isu agisala amba alaka vitegina avigatae, ogi posenda yagarao,"neva nanana puteginda ogima mima unda unda puwa kananava meku we?" ¹⁸ Isu va piya omitae, nana piye otama ogi posenda yagaraova unamene? Mamba vindisa ka yogi yagarava kamba mindie, Anutu asa-andoye. ¹⁹ Paisa esegi kamanapa ago napieno, wasanava a aigutegina, kupio enava a putegina, togina mindaenava a kundana puyegina igoma kambari kamanapa a utegina . Kano gava kamanapa avima egaro. ²⁰ Pi dagarama va Isu ka omiyae, posenda yaga ramao, neva wena yagarando miteginda kaga kamana egara tuwe. ²¹ Isu va pindagara agate, avuwate gina omitae kaeva kaena kavo puwana, to wateginakagaena gapa ma isatama miye kapa kavona gina imo omitae. ²² Eva pikamana avite gina andaoma kunda vuategina kamba amu putae. Nana viyemae, eva igoma kuta gaka napitae. ²³ Isu va yeria dagara waka iga tegina oimitae, "Avio, Igo mandana minda. Kivi dagarama Isu kuma pindi wakenava yesegi ena lakane omitae. ²⁴ Isu nda yeria dakarami pikanama vaitegini tavela pamivute gana to Isu va piya omitae. Yagaramio , Anutu ukma pindi wakenava yesegi ena lakane. ²⁵ Kemoli yaga oma pagunda na pindiva kanara ikiyo, monendaga ramava akepu maraka Isu kumapindiva ikiye." ²⁶ Yeria dakara wambiva tavela pami votalegini piya utae, auma mima unda unda puwanda enava ke mekiye. ²⁷ Isu va awema igategina oimitae. Wasanama katapa ake puwa kivipa, Anutu tapa wena enandoe. Etapa kamba kaen omava ake puwakie. ²⁸ Isu piya utaginava, Pita va omitae, agoma, taeva kaga ena lepa kaitegita kai amba egaraune. ²⁹ Isu va oimitae, taga kamana ulimie, kevaya anata vara yo, waya yagara wano, mawa no kaitegina, neka napitegina, kamanaka napikivipa. ³⁰ Eva to membekie, nana vaya kaitindanava 100 watato meva puma mekie. Piyamae, anata varayo,yagara yano anovayo, mawano, kaitegina Anutu kamanaka ama titipike nanavindi kundaena meki vepa, auma mima unda unda puwanda ena mekiveye. ³¹ Piya vikana, kevaya, amaru mikivinava ai kanakina vina mava asu paitakie. ³² Aindiva pigo, Isu nda yeria dakarava Jerusalem wate gana Isu va paitama watae. Pi agate giniva yeria dakala mige, wa waya migeva tavela pami vutegini, iyekuru vuwatae. Isu va tuo lupua oimitae. Anavaya eauta pikivindagana. ³³ Tigeva agayo, Jerusalemi iyekanava, wa waya miva waman dagara aya kumagini anogayambu yakara mike, kamana posenda yakara mike, iya pindi ataigini aigigatama aigugai kena kamana ikiveye. ³⁴ Igeva teteka sava otandini, isapa tipotandini, ala egugai kiveye. Piya vikivepa, kakaga yaga migaute gina mesu asiwakie. ³⁵ Sebedi dagara Semisige, Jonige, Isu ka avigatase,"Posenda yagaramao, Tasigeva kaena voma kaviga Kena puse utase. ³⁶ Isu va isivigatae, Tisigeva nana pulisita sanaga tisivie." ³⁷ Isigeva utase, tasita gala kaige kanara yesikiena gapindiva mikuso, kaya takandige, kaya kemasi gemava. ³⁸ Isu va oisimitae, "Tisigeva kamba alase nana gavaya naviga mendanava. Tisigeva ne nakuo kapu vindisava kanara nakivesa?"O ne wani mekuo kitapa kanara mekivesa? ³⁹ Isigeva omitase, "Kanara pukusema," Isu va piya oisimitae, Tagabana, tisigeva kanara ne nakuo kapuvindi savenate, wani mekuo gwanipindi sava meki vemembapa, naya takandige, naya kemasige mike nanava nendaena yane. ⁴⁰ Piya maye, naya kemasige, naya takandige mikenanava, ne kami Kenana yane, kambae, Kegivaya mekive yema ago ala potati kina mindae. ⁴¹ To kaisa teniwa dakalami, Semisike, Jonike kamana avitegini tavela imoena putegini kasivira tae. ⁴² Pigo aindiva, Isu va kaga yeria dakala wapa aki voitama oimitae. ano gayambu yakara wa wayata evavoita gagaipa ago aga gagaya. Tave yaka ramiva tavela igetapa eva poita gagae. ⁴³ Tigeva piya enva a piyo. ka tige tivaka pindisa ane gayambu yagara mikena vundanava tigenda yeria kina miyeno, ⁴⁴ kevaya tigenda ama rusa yakara milita kena vundanava, tigenda yeria kina miyeno. ⁴⁵ Wamandaga rava te yeria puma opikenaya tumitae, kambae, tawima tavame kena kaga auma wapa tami gatae. ⁴⁶ Pigo Jeriko va atategini, Isu ge, yeria dakala wambige wategana wa wayapa tave gina iyegara tae. Ka olika yagara, Timusi dagara agewapa Batamiusiye. Eva keta mima wa wayakamoneka ivigagae. ⁴⁷ Nasaretisa Isu ema aviteginava, mesu asiwama tavela kega ute ginava utae," Deviti dagara Isu o kandara punato." ⁴⁸ Piya uta ginava, wa waya miva piyava a yoma kavira tae piya ute pa eva to tavelasa kegauma piya utae," Deviti dagara Isu o, kandara punato!" ⁴⁹ Isu va avitategina piya utae," Olika yagara ava mete kanaiyo." Isu kageya avaga asite wo omitae wa waya miva. ⁵⁰ Avaga mesu asima auta sanava kaite Isu ti pugo suma watae. ⁵¹ Pigo, Isu va olika yagara gava nana pugata suwema avigata gina to no aga kena gauwe omitae. ⁵² Isu va omitae, kama titiena kamba ago kanara puga taya wo omita gina. Avagando ogate gina Isu egaurite watae.