³⁹ La cabe' bica bi cabe' la be' ne guni cabe: " Bixhose du' nga Abraham." Jesús gudxi la cabe': " pa ña ca tu' xiiñi Abraham la',la tu' ñu ni tu' ca dxiña' ni bini Abraham. ⁴⁰ Huaxha' yanna cuyubi'tu ná para gutitu ná, ti badu nguiiu ni jma gunine la'atu ni dxandi',ni na jma bica diaga de Diuxi. Abraham que ñunidi ndi'. ⁴¹ La'atu runi tu dxiña xti bixhoze'nu . " La'cabe gudxi'cabe la'be': "La du' cadi' gule didu' lu guénda ruché xti nguiiu ne guna'; ti bixhoze sidu nga napa'du : Diuxi." ⁴² Jesús gudxi la'be' : " Pa Diuxi nga naca bixhize'nu la la'atu ñana xhitu'na, ti ná senda de Diuxi ne nua rari'; ti cadi' senda de laaca' ná, la'be' nga ni bisendabe ná. ⁴³ ¿ Xiñe cadi' cayenetu ca xti'dxa ? Purti que gandadi gucadiagaca tú ca xti'dxa. ⁴⁴ La'atu la' xti bixhozetu,binidxaba la'atu, ne ruliu ladxitu gúnitu ca ni riu ladxi bixhoze'tu. Laábe' bitibe binni dede dxi bizaa lú guidxilayú, ne cadi' nudi'be lu dxandi', purti gaxti' ni dxandi' lugia'be ora la'be' cusi guibe laca la'be' rinibe de ni ná cabe; ne bixhoze guénda rusi gui'. ⁴⁵ Huaxha' ti runi ni rinie ni dxandi'la', la'atu que runi cre'ditu ná. ⁴⁶ ¿ Tú de la'atu caní napa guénda ruché la'? pa na rinie ni dxandi',¿ Xiñe que runi cre tu ná?. ⁴⁷ Ni zeda de Diuxi ca didxa xti Diuxi runadiaga; nga runi la'atu que runa diaga tu cani ti cadi nacatú xti Diuxi. ⁴⁸ Ca' Judíu que bicaabicá ne gudxicabe la'be': "¿Ñe'e cadi xneza nga guiniidu' dequé nacalú' samaritanu né napalu ti binidxába lá? ⁴⁹ Jesús bicábi lacabé: " Na'a que gapa' ti binidxába; na'a ruzisáca bixozhe' ne la'tu' rudxi' deche tu na'a. ⁵⁰ Na'a que ruyuube' guenda nandxo' xtine'; nu'u tobi ni ruyubi ni' ne rusaba dónda. ⁵¹ Dxandi dxandi'pé rabe la'tu, pa tobi gapa' xti'dxa, ndi' que siudi' dxi' gúya guenda guti." ⁵² Ca Judíu gudxica la'be': " Yanna ma nanadu' dequé lii napu' ti binidxába'. Abraham né ca' profeta guti ca'; peru lii naalu': 'Pa tobi gapa xti'dxa, ndi' que zaná xi modo nga guenda guti. ⁵³ Lii cadi jma naroóba'lu que bixozhe'du Abraham ni guti', ¿o nacalú' ni? né ca' profeta laca' guti ca'. ¿ tu'ndi ru'nu' laca lii? ⁵⁴ Jesús bicábi: "Pa na'a ruzisáca laca na'a, guenda nandxo' xtine' gaxtii naca ni'; bixozhe' nga ni ruzisáca na'a, ni la'tu naatu naca Diuxi xtitú. ⁵⁵ Ne la'tu' ca'ru gunibia'tu la'a, peru na'a runebia'ya la'be'. Pa na'a niniee': 'Na'a que runebia'ya la'be', na'a ñaca casi la'tu, ti ni rusi'guii'. Huaxape', na'a runebia'ya la'be' ne rapa xti'dxa be'. ⁵⁶ Bixozhe'tu, Abraham, bieche' ora bi'ya dxi' xtine'; ne biya'bé ni', ne biechebe'. ⁵⁷ Ca' Judíu gudxica la'be': "Lii ca'ru gapu' chupa late gande ne chi' iza, ¿Ne ma bi'yu' Abraham? ⁵⁸ Jesús gudxi' lacabé: "dxandi' dxandi'pé sabe la'tu: dxi' ca'ru giu' Abraham, NA'A NACA'." ⁵⁹ Ora que la'cabe undizacabe guié para gunda' cabe' la'be', peru Jesús bicachilú ne bire' nda'ni yu'du' qué.