¹ Naa nga naca' yaga uva dxandi', jne bixhoze nga ni rudxiiba'. ² Laabe nga raxabe' de naa ca na' yaga ni que rudii cuananaxhi, ne laabe ruchuugube cada tobi de ca na' yaga ni rudii cuananaxhi, ti ma ganda gudii ni' jma cuananaxhi. ³ Laatu jma naya'tu pur ca diidxa ni naa ma gudxee' laatu. ⁴ Lagiaana ra nua',ne naa zianania' laatu. Casica na' yaga ni que zanda gudii cuananaxhi de laa si', huaxha pa guiidi' ni lu' yaga uvas que', zacaca laatu que zanda pa que guiaana'tu ra nua'. ⁵ Naa nga naaca' yaga uvas, laatu naacatu ná' ni. Ni laa riaana ra nua', ne naa nua ra nu' la'?, nga zudíi xtale cuananaxhi, ti purti zitu' de naa gasti que zanda gunitu'. ⁶ Pa' tobi cadi nu' ra nua', nga suzaabi'cabe laa casi ti na' yaga ne zabidxhi; ne rutopacabe ca na' yaga ca' ne rula'cabe laaca lu gui' ne ruzaaquicabe laaca. ⁷ Pa laatu guiaanatu ra nua', ne pa guiananetu xtíidxa', intiisi ni gacaladxitu', zacani'. ⁸ Rari' nga ridxa' guendanaro' bixhoze': deque gudii'tu xtale cuananxhi ne gacaatu' discipulu xtine'. ⁹ casica' bixhoze' ma gunaxhii naa, naa laaca ma gunaxhiee laatu'. lagiaana lu guendaranaxhii xtine. ¹⁰ Pa' laatu gapatu' ca guendaruni mandar xtine, laatu ziaanatu lu guendaranaxhii xtine, casica naa ma gupa ca guendaruni mandar xti' bixhoze', ne nua' lu guendaranaxhii xtibe'. ¹¹ Naa ma gudxhe' ca ndi' laatu, para guendanayche' xtine chu'ne laatu ne para gendanayeche' xtitu guizaa. ¹² Ndi' nga guendaruni mandar xtine, ganaxhii lizaa'tu, casica' naa ma gunaxhiee laatu. ¹³ Guiruti' que gapa jma naro'ba guendaranaxhii que ndi', de que to'bi gudi' guendanabani xti' pur ca xamigu. ¹⁴ Laatu nacatu xamigua pa gúunitu' ni cayune' mandar laatu. ¹⁵ Naa que ra'be' dia' laatu ni runi xhiiña', purti ti ni runi dxhiiña que' gána xhi runi' xpixhuaana'. Naa rabe laatu xamigua, ti purti de guira ni binadiaga' de bixhoze' jma gudxhe' ni laatu. ¹⁶ Laatu cadi gulii'ditu' naa, peru naa gulie laatu, para zaca cheetu ne guziihuinitu, ne pa ni cuzihuinitu' ca guiaana, intiisi ni guinabatu' bixhoze' ne la'ya', laabe zudii'be ni laatu. ¹⁷ Ca ndi' ma bine mandar laatu: ganaxhii lizaa tu'. ¹⁸ Pa guidxilayu' gacananaladxhi laatu, la gána' de que niru' gucananaladxhi cabe naa que laatu. ¹⁹ Pa laatu ñacatu' xti' guidxilayu' di', guidxilayu' di' ñanaxhii laatu casi xti' peru purti' laatu cadi nacatu xti' guidxilayu' di', ne purti' naa guliee laatu de nda'ni guidxilayu' di', nga runi guidxilayu' di' nanalaadxhi laatu. ²⁰ laguiete nalaadxii diidxa ni gudxhe laatu: "ti ni runi dxiiña cadi naca jma naro'ba que xpixhuaana". Pa guzaanandacabe naa. laatu laaca zazaanandacabe laatu; pa laacabe gupacabe xtiidxa', laaca zapacabe xtiidxatu'. ²¹ Peru laacabe zunicabe ca ndi' laatu pur láya', ti purti laacabe que runibia'cabe ni bizeenda naa. ²² Pa naa que ñenda' ne ninie'nia laacabe, laacabe que ñapadi' cabe guendaruche', peru yaana laacabe ma que gapacabe xhi ginii'cabe xhi pur bi'ni'cabe ca guendaruche' ²³ Ni nanaladxi' naa, laca nanaladxi' bixhoze'. ²⁴ Pa' naa que ñune' ca dxiiña, ni giru'ti que nina' ñuuni laadecabe'. laacabe que ñapacabe guendaruche', peru ma biiya'cabe ne nanaladxhicabe naa ne bixhoze'. ²⁵ Peru ndi' naacani' ti ma ga'ca' ni gucua luca diidxa runi mandar xtiibe: "laacabe zaca nanaladxhicabe naa sin gune laacabe xhiixha". ²⁶ Ora ni rucha nisa nanda lúcabe, ni bixhoze' gusenda ranutu, ndi' nga', espiritu de ni dxandi', ni zeeda de bixhoze', guedanda', laabe zului'be de naa. ²⁷ Laatu laaca zului'tu ti purti jma guyu'netu naa dede ra bizulu'.