¹ Rarí, chi uze´ete de ca ofrenda ni ridopoa para ca ni runi cre Diuxi, modo naa viza´a ca yu´du stí Galcia, zaqueca´ la´atu naquiíñe gunitú. ² Lú niru dó xtí ti binábi, cada tobi de la´atu naquiñe cue´e chu´tu tindáa ne gapa´tu ní, bia´ modo xhíinatu. Lagu´ni ndí, tí ora na´a guenda´ ma cadi guidopa ca ofrenda ca´. ³ Ne ora na´a guenda´, cani la´atu gulítuqué, na´a zuse´endá ca ofrenda stítu Jerusalén. ⁴ Ne pá naquiíñé pé cha´a, la´acabe zine cabe na´a. ⁵ Peru na´a zendá ra nu´utu, ora ma tidé Macedonia. Purtí na´a zadidé Macedonia. ⁶ Zandacá na´a guia´ana niá la´atu o paca´a ranu´utu tíide ca be´eu nananda, tí zacá la´atu ganda gacanetu na´a ora ire´e cha´a ra tiíca si cha´a. ⁷ Purtí na´a que racaladxé dia´ yu´uya la´atu yanna pur ca´adxi si dxi. Pue na´a ribezá guia´ana nia´ la´atu xadxí huiiní, pá ná xaique stínu. ⁸ Peru zia´ana Efeso desde dxi raca saa´ xti ca hebreu. ⁹ Purtí ti perta´naróba nga ma bixhalé para na´a, ne la´aca nuu stale´ tu racala´dxi ucue´eza ní. ¹⁰ Yana ora ma gue´eda Timoteu, la gu´uya´ xhimodo chu´be ladetu ti cadi idxíbibe; Purtí la´abe cayunibe xhi´iña Diuxhi, cásica cayuné. ¹¹ Cadi udíí deche cabe la´abe. La gacane´ ganda gue´edabe ranua´a. Purtí ma cabezá la´abe ne ca xca´adxi bichibeca. ¹² Yanna, chitidxe´ la´atu de bi´ichinu´ Apolo, bira´ ucuayá lube niganna´nebe caxca´adxi bíichibeca la´atu. Peru que´nabe chebe yanna. Peru, zie´be ora ma ganda. ¹³ La gatana´, lauzuhuaa cha´ahuí lu ni runi cre tu, lagaca nguiiu´, ne la udxíi lú. ¹⁴ Intiisí guni tú laguni cani ne guenda ranaxhit. ¹⁵ La´atu runibia´tu ra lidxi Estéfanas, la´acabe nga ca nirudo´ ni binni cree lade ca binni Acaya ne la´aca ma gudixhe íque cá gacane´ca ca xdinni Cristu yanna, rinaba´la´atu, bichec´, ¹⁶ la uzuuba´ xtíídxa irá bi´chitu casi la´acabe ne guira´ca ni racane la´anu lu xhi´iña ne ca ni raca para Diuxhi. ¹⁷ Ne na´a cayeche´ purtí be´eda Estéfanas ne Fortunato ne Acico. Purtí la´acabe ma beda guni cabe ni ñuni tu. ¹⁸ Pue la´acabe ma biziganda cabe xquenda´ ne ngueca xquenda tu. Nga runi, laganna pabia´ risaca ca binni casi laácabe. ¹⁹ Ca yu´du´ de Asía cuse´enda diuxhi stítu. Aquila ne Pricila cuse´enda diuxhi stí ca xpinni Cristu, ne ngueca ca yu´du nuu neza ralidxi ca´. ²⁰ Guira´ca´ xhiiñi´ Diuxhi cuse´endaca xtiuxhitu. La ayaga diuxhi liza´a ne ti bixhidú cha´ahui. ²¹ Na´a, Pablu, cuca´andí ne´ca naya pia´. ²² Pa nu´u tu la´a cadi nadxíi xhaique stíno, ziu´u dí be. ¡ pa ñando sí ma ñe´eda xhaique stinu!. ²³ Ndaaya´stí xhaique stínu Jesús chu´ ne la´atu. ²⁴ Guenda nadxíi stine chá ne guirá tú pur Cristu Jesús.