<<<<<<< HEAD
Capitulo 8
=======
Capítulo 8
>>>>>>> e52de67559b46fced95ad7a153406aca43c62116
1
Ja' yu'un yakotik ya yalel sk'oplal ja' ito, te ayix te muk'ul secerdote k'uuntike te nakalix ta swuk'ul naktijibal te mach'a k'ax bayal yutsilal ta ch'ulchane
2
Ayik ta at'el tabay ch'ul awilal, ja' te smelelil nail pak' te pasbil yu'un te kajwalti.
Ma ja'uk pasbil yu'un winiketik.
3
Spisil te muk' sacerdoteetik tsabilik yu'un ya ya'beyik xcha chap'al majt'aniletik sok milbil majt'aniletik. Ja skuentail te ya me sk'an te ay bila ya yak'uke.
4
Ja' uk meto te ayuk ta balumilal te Cristoe, ma ja' uk sacerdote te jich'uke.
Melel ay te mach'a ya yak'ik majt'aniletik jich te bit'il yal te mantalile
5
Ja' yakalik ta at'el ta bay snail pak', te ja' lok'taiybiltel sok te ja snokteal te bek ay ta ch'ulchane. Jich te bin ut'il a'bot sna' te Moises yu'un te Dios te k'alal jach spas te nailpak': La yal te Diose, '' JICH ME XAPAS SPISIL TE BILA LA KAK'BAT JA' WIL TA BAY WITS''.
6
Jich ta ora to te cristo ja yich'ojix te mero lekil yat'el. Jich te bin ut'il tejk'ambil ta k'op ta k'asesel te yach'il trato, te ja ak'bil ta skuenta te bek mero lek yaloj
7
Te manchuk te ay ch'ayem te sbabial tratoe, ma yejt'alik ay xan te xchebale
8
te k'alal la sta te Dios te banti ch'ayemik te lume jich la yal: '' ILAWILIK, YA ME STA YORAIL, JICH YA YAL TE KAWALTIKE, TE YA JPAS YACH'IL TRATO SOK TE SNA TE ISRAELSOK TE SNA TE JUDIOETIK
9
JA' ITO MAJICHUK TE TRATO TE LA PAS SOK TE MACH'ATIK JA CHICH-MAMIKE TE K'ALAL LA TSABEYEX TE AK'ABIK, YU'UN LA JNITATIK TEL LOK'EL TA SLUM TE EJIPTO.
MELEL MAJUK LA ST'UUNIK TE TRATO, JICH YU'UN TE LA KIJK'ITEY JILEL, JICH LA YAL TE KAWALTIKE.
10
Jich ay te trato te ya pasbey te sna te Israeletike te k'alal ya sta yorail, jich ya yal te kawaltike: Jo'on ya ka'beyex ja' naik ta ajolik sok ya me jt'ibubey ta yot'anik. Te jo'one dioson yu'unik sok ja' lum ku'un ya xk'otik.
11
Mayuk mach'a ya snojptes wan ta jujutul te yermanotake, te jich ya yal: '' Nabeya me sbaik te kawaltik'' melel spisilik ya me snabonik jba te muk' bik'itetike
12
Melel te jo'one ya na'bey yobolilsbaik yu'un te bek amne spasojike, sok mabal ya jna'bey xan te smulike.
13
Te k'alal ya yal '' yach'il'', yu'un pokobenix k'oem yu'un te sbabial tratoe sok te bila maba xtuunixe sok te yakik ta pokobele le nopol ya xtubisbeele.