¹ Sa ya cukuno inzin intize in alem anabu, nan alem ibe ya Asere, in ani me in zom inu su, ma cukuno ni garereng na so akang nani biruma bi aso akang. ² Ingi ya cukuno inzin in bibe bi kurzuzo utize nan u rusa vatt kadure ka anyimo sa ka hunzi, inu rusa um nani inzin unu nya iriba, ingi daki inzi su ba, mi azo iri imum ini ba. ³ Ingi a cukuno ma nya timumum tum vat barki anyizi anu dira, ikuri in witi nipum num barki a punsi. Inka inzom unu su, daki ma kem iri imum ba. ⁴ Usu ume uni iriba isheu, usu uda wuza me is in a ba nani u wuza u yeze unice ba. ⁵ Udira umu eh. Uda ehze inu nonzo nice ba. Uzo unu debe uhirza iriba ba, uda basa me timum tizenzeng ba. ⁶ Uda wuza apuru arum un boo tize ba, in anime uwuza apuru arum in kadure. ⁷ Usu utiri zaza,iriba anyimo timum vat, uyeze, in ti timum vat u kabisa timum vat, u nyiza iriba in timum vat, ukuri ukabisa timumvat. ⁸ Usu uda marsa ba, inka u kurzuzo utize u rani, wadi mari. imum in cukuno anime irani, idi aki. Inka tilem tirani, curno me inka urusa urani, udi aki. ⁹ Barki tizinu urusa cin-cin, ti kuri tizinu boosa cin-cin. ¹⁰ Uganiya sa unu rusa udang ma aye, se unu cin ma aki. ¹¹ Uganiya sa ma zi vana, ma busi tize ti hana, ma basa tize ti hana, idi nyizi tize ti hana. Sa ma una ma bari unu ma ceki timum ti hana. ¹² Ana me ti hira cin-cin kasi u hira umangani, roni um henu nan mu henu, aneme in rusa cin-cin, uganiya idi kem urasu dan, kasi sa awuzum urusa udang. ¹³ Ana me timumti taru tigino me ta cukuno anime; U iko iriba eze, nan usu se imum idang anyimo aweme ine ini usu.