¹ Zika ni umanza ahira, kasi mi sa in manza ahira Ugomo Asere. ² Aname inze izin ninozo na Asere inini, barki izin nu rengeze nan mi anyimo konde yani, izin ninonzo nishi ahira utarsa anabo rep sama naya shi. ³ Mi ma nayara irusi, unaje anabu Ugomo Asere mani, una je. U vana u eh unubo mani una je u vana Asere mani. ⁴ Vat desa ma una birengara nani mabuki ure ubeze nichi ne meme innu impo, macara iriba una kura ame ane. ⁵ Vat vanue eh sa nauna birenge nichi numeme innu impo nani ma buki ure ubize sarki impo uni chi, ma cara ireba una kara ame ani ma ze rep nan desa ma kara techi tumeme. ⁶ Vanau eh sa madi da nichi ba, nani makare tichi ti cukuno magetu imum imu eh mune vanau eh makare tichi tumeme, caki ma impe nichi numeme. ⁷ Daki yauna ure vana uruma ma impo nichi numeme ba, baki me abarki aneme, abarka me kasi Asere nannu gongo wa Asere vanau eh ugogon unubo mane. ⁸ Barki vanau ruma ma suro nipom ni vanau eh mani ba. ⁹ Daki abarka vanau ruma barki vanua eh ba, barki aneme, abarka vanu eh barki vanu ruma. ¹⁰ Ine ini yauna vanau eh made beze ubare, kasi bibeu ba Asere. ¹¹ Vat anime, ahira uruma uneme, daki aharawe ba, ane ani daki aharawe nan nuru mame ba. ¹² Kasi vanau eh mani ahira a vanau ruma, ane ani anau ruma kasi uyo uvanau eh mani, vat timumme tsuro ahira Asere. ¹³ Wekine inne chi asheme, memmiru ine vanau eh mau birenga sarki impo une chi? ¹⁴ Nani utanda, wabezeshi imu eh ine vana uruma machiki tich tumeme sarki ukarsa? ¹⁵ Ingusa utanda wabezeshi age vanau eh mazen tich kan, ninonzo neme nen ba? Barki ma inpe nech nine. ¹⁶ Inka uya manayara mauze matara barki tize tigenome, haru tizen ure utanda, ati dage ta Asere ba. ¹⁷ Ubukame sa uhaka daki nanon zeko shi ba, nigura nishi me nirere nini ba ni uzatu kadure kani. ¹⁸ Inu tuba me, uganiya sa yazi nigura ni udege Asere, ma kunna agi uharzina urani anyimo ashi me, ma tubi hem in tize me. ¹⁹ Gai ini akem anu a matara anyimo ashi me, barki arusi anu kunna utize anyimo ashi me. ²⁰ Barki inka ya gurna ahira inde, azo imum yare Ugomo Asere ini izi na re me ba. ²¹ Uganiya me sa i zin are imum yare, konde avi ma ri imum yare ime ukasu udi ku ri imum yare iwe. Uye ma kunna ikomo, uye mamu teu. ²² I so shi in tikura sa i di rizi i kuri i sizi ni? Ya cara ni nipum nan Asere ya nokki ande sa wa zo in imum ba? Nyanini indi buki shi? In nonzuko shi? Indi da nonzuko shi ba ahira imum igeno me! ²³ Barki ma kaba ahira Ugomo Asere ine. ini ma nya shi, Yeso vana Ugomo Asere, aniye me sa azizi me, ma ziki uborodi. ²⁴ Sa ma bize apuru arum, ma pusi uni ma gu, "Nipum num na zige me, sa ni zi barki shi. Wuza ni ani me bati i ringizi in mi." ²⁵ Ani me ma zeki bito me sa a Mara are imum yare, "Ma gun, 'Bito bige me bi u'inko utize u soo anyimo a maye mam. Wuza ni imum ige me vatt uganiya sa idi si, bati i ringi in mi." ²⁶ Barki vatt uganiya sa idi ri i uborodi ugeme kuri isi bito bige me, I buy abanga iwono i vana Asere senke ma aye. ²⁷ De Sa, ma uborodi nani ma sa bito bi vana Asere in madini, madi Cari nipum nan mate ma vans Asere. ²⁸ Ca unu ma tubi u gunkuno u nice nume, madi ku ri uborodi ma so bito me. ²⁹ Barki de sa ma re ma kuri ma sa sarki rusa nipum nume me ahira Asere ani, ma re ma kuri ma sa uweki utize ti nice nume. ³⁰ Ine ini ya wuna maro ma aye anyimo ashi me wa so in nakara nan tikoni, aye ashi dusa a timoro. ³¹ Inka ta barka ace aru, Vana Asere ma dida weki haru tize ba. Inki Asere ma wekin duru tize, a barkan duru, bati kati a weki duru tize nan unee. ³³ A anime, anuhenu um, inki ya aye a re, be ni acece. ³⁴ Inki uye ma kunna ikomo, ca ma ha akura maka re, barki inka gurna ahira a inde idida cukuno me i uweki utize ba. Ukure abanga tire timum be sa ya nyettike, in do bezi inki ma aye.