¹ ۔ مَیں شارونؔ کی نرگِس۔ اَور وادیوں کی سوسن ہُوں۔ ² ۔ جیسی سوسن خاردار جھاڑیوں میں ویسی ہی میری محبُوبہ لڑکیوں میں ہَے۔ ³ ۔ جیسا سیب کا درخت جنگل کے درختوں میں ۔ ویسا ہی میرا محُبوب نَوجوانوں میں ہَے۔ میں شادمانی سے اُس کے سائے میں بیٹھی ہُوں۔ اَور اُس کا پھل میرے مُنہ میں مِیٹھا لگا۔ ⁴ ۔ وہ مُجھے اپنے مَے خانے کے اندر لے آیا ہَے۔ اُس نے مُجھ پر اپنی مُحبت نچھاور کی۔ ⁵ ۔ کِشمش سے مُجھے قرار دو۔ سیبوں سے مُجھے تازہ دَم کرو۔ کیونکہ مَیں عِشق کی مریضہ ہُوں۔ ⁶ ۔ اُس کا بایاں ہاتھ میرے سر کے نیچے ہَے۔ اَور اُس کا دہنا ہاتھ مُجھے گلے سے لگاتا ہَے۔ ⁷ ۔ اَے یُروشلیِمؔ کی بیٹیو! مَیں تُمہیں جنگل کی ہرنیوں اَور میدان کی ہِرنیوں کی قَسم دیتا ہَوں ۔ میری محبُوبہ کو نہ جگاؤ نہ اٹھاؤ۔ جب تک وہ خُود نہ چاہے۔ دوسری غزل ⁸ ۔میرے محبُوب کی آواز دیکھ وہ آرہا ہَے۔ پہاڑوں پر کُودتا ہُؤا ٹِیلوں پر پھاندتا ہُؤا۔ ⁹ ۔ میرا محبُوب ہرن بلکہ جو ان ہرن کی مانند ہَے۔ دیکھ وہ ہماری دِیوار کے پیچھے کھڑاہَے۔ وہ کھڑکیوں سے جھانکتا ہَے۔ وہ جھلمیلوں سے تاکتا ہَے۔ ¹⁰ ۔میرا محبُوب بولتا ہَے اَور مُجھ سے کہتا ہَے۔ اُٹھ اَے میری محبُوبہ " اُے میری جمیلہ ! چلی آ۔ ¹¹ ۔ کیونکہ دیکھ جاڑ ا گُزر گیا۔ بارش ہوچکی اَور ختم ہُوئی۔ ¹² ۔ زمین پر پھُولوں کی بہار ہَے۔ گیت گانے کا وقت آگیا ہَے۔ قُمر یوں کی آواز سُنائی دینے لگی۔ ¹³ ۔ اَنجیر کے درختوں میں پھَل پکنے لگے۔ اَور تاکیں اپنی خُوشبُو دینے لگیں۔ پس اُٹھ اَے میری محبوُبہ ! اَے میری جمیلہ ! چلی آ۔ ¹⁴ ۔ اَے میری کبُوتری ! جو چٹانوں کی دراڑوں میں اَور کراڑوں کی آڑ میں چھُپی ہَے۔ مُجھے اپنا چہرہ دِکھا۔ مُجھے اپنی آواز سُنا۔ کیونکہ تیری آواز شِیریں ہَے۔ اَور تیرا چہرہ خُوبصُو رت " ¹⁵ ۔ ہمارے لئے لُومڑی کو پکڑو۔ یعنی اُن چھوٹی لُومڑیوں کو جو تاکِستانوں کو خراب کرتی ہَیں کیونکہ ہمارے تاکِستانوں میں شگُوفے نکلے ہَیں۔ ¹⁶ ۔ میرا محبُوب میرا ہَے اَور مَیں اُسی کی ہُوں۔ وہ سوسنوں کے درمیان چَراتا ہَے۔ ¹⁷ ۔ اِس سے پیشتر کہ ٹھنڈی ہوا چلے۔ اَور سایہ بڑھے اَے میرے محبُوب ! پھر آ۔ غزال کی طرح یا جوان ہِرن کی مانند ہو۔ جوباتر کے پہاڑوں کی طرح ہَے۔