79 ⁸ اَمرَه اَمی پئرانِ گوناهانِ وَسی مجازات نوکون، اَمرَه رَحم بوکون، چره کی خیلی ذلیل بوبُسته دَأریم. ⁹ خدایا، ای اَمی ناجی، خودتِ نامِ جلالِ وَسی اَمرَه یاری بفرما و اَمرَه نجات بدن، خودتِ نامِ وَسی اَمی گوناهانَ بیامرز. ¹⁰ چره قؤمایِ خدانشناس وَأستی بوگوید: اَشَأنِ خدا کَ یَ ایسَه؟ وَأهَأل اَمی چومِ اَمرَه بیدینیم، کی تی بنده یانِ خونِ فوکودنِ وَسی، اوشَأنِ جَه انتقام گیری و دوشمنانَ مجازات کونی. ¹¹ زندانیانِ ناله یَ گوش بوکون، و تی دسِ عظمتِ اَمرَه اوشَأنی کی مرگَ محکوم بوبُسته دَأردَه، آزادَه کون. ¹² ای خداوند، اَمی قؤمایِ همساده یَ کی ترَه بی حُرمتی کوندَه، هفت برابر مجازات بوکون. ¹³ پس اَمَأن کی تی قؤم و تی چراگاهِ گوسفندانیم، ترَه تا اَبد شُکر کونیم، و نسل در نسل ترَه ستایش کونیم.