58
1
ای حاکمان، واقعاً شومَأن عدالتِ اَمرَه حُکم کونید؟ ای قاضیَأن آیا انصافِ اَمرَه داوری کونید؟
2
اَطو نیه، شومَأن شیمی دیلِ میَأن فکرای پلید دَأرید و شیمی دسان زمین رو ظلم کونه.
3
شریران خوشَأنِ مارِ شکمِ جَه منحرفد، جی هون روزی کی بودونیا اَید دوروغ گوید و گومراهَ بود.
4
اَشَأن زهری دَأرد لانتی زهرِ مَأنستَأن، افعی مَأنستَأن کی خو گوشَ دوَده
5
تا جادوگرانِ آوازَ نیشتَأوه، هر چقدرم جادوگران مهارتِ اَمرَه جادو بوکوند.
6
ای خدا اَشَأنِ دندانانَ اَشَأنِ دهنِ میَأن بیشکن. ای خداوند اَ شیرانِ دندانانَ خوردَه کون.
7
بدَه آبی مَأنستَأن کی خوشکِ زمینِ رو فیوه، نیست و نابودَه بود، بدَه وختی تیر تَأودَأد اوشَأنِ تیر به هدر بیشه.
8
بدَه رابِ مَأنستَأن کی گیلِ میَأن فرو شِه محوَ بود و زَأکی مَأنستَأن کی مُرده بودونیا اَیه آفتابِ رنگَ نیدیند.
9
خداوند پیشتر جی اونی کی تیان، خیس و خارِ آتشِ جَه گرم دکفه، همۀ اوشَأنَ، تر و خوشک جی میَأن بوره.
10
عادلان وختی بیدیند کی شریران خوشَأنِ گوناه جزایَ دِئِن درد خوشحالی کوند، و خوشَأنِ پایَ اوشَأنِ خونِ دورون شورد.
11
آخر سر همۀ مردم گوید: راستی کی دوروستکاران پاداش فَأگیرد، واقعاً خدایی ایسَه کی جهانِ میَأن داوری کونه.