47
1
ای قومَأن دست بزنید و شادی بوکونید، آواز شادمانی اَمرَه خدا حضورِ جَه فریاد بوکونید.
2
چره کی خداوند قادرِ مُتعاله، اون همۀ جهانِ میَأن پادشاهِ عظیمه.
3
اون باعث بِه همۀ قومَأنَ شکست بدیم و همۀ طایفه یانَ اَمی پا جیر تَأوَأده.
4
سرزمینی یَ اَمی سکونتِ رِه اَمرَه میراث فَأده، سرزمینی کی یعقوبِ زَأکأنِ رِه باعثه افتخاره.
5
خداوند صدایِ شیپور و شادی میَأن خو تختِ رو بینیشت.
6
سرود بخانید، خداوندِه ستایشِ رِه سرود بخانید، سرود بخانید، اَمی پادشاه ستایشِ رِه سرود بخانید.
7
چره کی خدا همۀ جهانِ پادشاهه، سرودِ اَمرَه اونَ ستایش بوکونید.
8
خدا خو مقدسِ تختِ رو نیشته و همۀ اُمتانِ رو حکومت کونه.
9
جهانِ پادشاهان ابراهیمِ خدا قؤمِ اَمرَه جمعَ بود، چره کی اون همۀ لشکرانِ جَه قوی تره اون واقعاً مُتعاله.