¹ Ba kaseu ju, imam kepala falakat dumti tua-tua hi, dumti ahli-ahli Taurat, ti Sanhedrin hi be heu. Ti hi kaful Yesus, mohi po hut I, ti hi soi I be Pilatus. ² Monto Pilatus intun I, "Auwe kalan mat Yahudi ?" Monto, I jawab hi, "Aute mfu pon ne." ³ Monto gaupe, imam kawut hutasa Yesus bewai-wai. ⁴ Ti, Pilatus intun hoi po I, "Po panta min jawab tei na ? Meng, ko hi hut a sa Au tam toy ji be hi lawan Awa. ⁵ Wotita, Yesus I jawab ca hagara Pilatus ina heran. YESUS TI BARABAS ⁶ Ba Raya Paskah e, Pilatus majas ta i hapan mat tahanan nuha ta mat hi fol. ⁷ Dumti, mat nuha ta imsan Barabas tahi tahan i dumti pemberontak hi tahi fa pun do pemberontakan a ha. ⁸ Mat kawas hi pot ti hi fagam po Pilatus be hi famol saponta ifamol behi. ⁹ Ti, Pilatus i jawab hi ti infu behi, "Pon ne fudo min pasu ta be aka lai Kalan mat Yahudi be min i ?" ¹⁰ Ponta, in nuta para imam kepala hi soi Yesus ba hi lo tamde. ¹¹ Wotita, imam-imam kepala hi kan nau mat kawas be hi fagau po Pilatus be in lai Barabas. ¹² Monto, Pilatus infu hoi behi, "Be lai e, panta ak famol be mat tamin fui be kalan mat Yahudi ne ?" ¹³ Monto, hi wol ho yo, "Salib I !" ¹⁴ Monto, Pilatus infu behi, "Po ponta ? Kejahatan pana tai I hamol na?" Woti, tuno hi wol ba hi nga ta pale, "Salib I !" ¹⁵ Ponta idasu be mat kawas hi loba, Pilatus inlai Barabas be hi, bota himbil Yesus cambuk, in soi I be hi salib I. HI PAHINA YESUS DUMTI HI PEBE I KANCA ¹⁶ Ti, prajurit hi hut Yesus la istana, aiji deu pengadilan ti hi tun pasukan hi be heu behi fajul hi. ¹⁷ Monto hi pebe I fasun jubah ungu, ti hi nam mahkota kaleu a ha, hi pebe Yesus i sun. ¹⁸ Monto hi fu salam be I, "Salam, Kalan mat Yahudi !" ¹⁹ Ti hi i mbil kautu bamlei A ha ta hi tafu I, dumti ta hi duwun som I. ²⁰ Bota hi fam muru Yesus, hi lai jubah po Yesus, monto hi pebe I tasun hi. Monto, hi hut Yesus la hau lit be hi salib I. HI SALIB YESUS ²¹ Ti, fagigit be mat ta i tagel ji, Simon mat Kirene, ta i bot po desa, aiji Aleksander halu Rufus hi mam, bei iseu I salib. ²² Monto, hi hut Yesus la nu ta msan be Golgota, ta mangali nu "Tempat Tengkorak". ²³ Hi pe anggur pey tapajom ba mur wotita I na po. ²⁴ Ti ta hi salib hi monto hi tajet I kawui hi be hi, dumti ta hi te undi be hi tentuka ba ponta hi ha dedem hi. ²⁵ Bot, tai nunji jam Ai tol ti hi salib I. ²⁶ Ti kakes dumti kakes ta hi katen i Yesus mone hi kes, "Kalan Mat Yahudi." ²⁷ Monto, hi salib mat perampok halu dum I, mat nuha dodo I pal mlon monto mat nuha dodo I pal mi. ²⁸ Ti Kitab Suci ta genap infu late, "I tuno jou hi do mat durhaka ²⁹ Monto mat kawas ta hi tagel ji hi falek Yesus monto hi mlik hi kautu hi ti hi fu, "Hoi ! Au ta jobe mngen Kautu Helpo i deu monto jobe Au mjui be wol tol, ³⁰ Halamat Au diri ji mmei awa ti mlei hala salib !" ³¹ Aiji tuno imam-imam kepala, dumti ahli Taurat, kawek Yesus, ti nuha mfu be nuha, "I bebe mat naha halamat woti diri ji bebe halamat gapo. ³² Mahakin Mesias, Sang Raja Israel, mlei hala salib bai gang ne be am heng, ti am parca." Hi ta salib hi dum Yesus tuno hi fahina I. YESUS I PAP MAT ³³ Bota bot ja jam ainom, matan I jai be matip lotem hagara jam ai tasiu. ³⁴ Ba jam ai tasiu, Yesus infu ba inga tapale, "Eloi, Eloi, Lama Sabakhtani," taimangali "Kautuhelpo, Kautuhelpo, Po panta Au bohalakna ?" ³⁵ Bota hi ngo mat filan ta hi sol midin I i fu, "Meng ! I ntun Elia." ³⁶ Monto, mat nuha i hanga, monto hi halin anggur ka do do kaso hou monto hi pedo mlei aha, monto hi pebe Yesus in nim, mo hi fu, "Do, fu teng fi po Elia naibot be katahoi." ³⁷ Monto Yesus Infu bainga tapale monto I sun I ta be hat. ³⁸ Bo tai ji bai bui kapan ta do Bait Allah hagau do kapan aiw pohanlok hagara bot au pa. ³⁹ Dumti, bai nunji kawut pasukan, ite insol taja Yesus, ineng del ta Yesus i sun ni tabe hat e lape ti infu, "Mlonde, inunpei Wai kantu hel po !" ⁴⁰ Do tenta tuno waju hafilan ta hiheng pomau lit, hita todota e Maria Magdalena tuno idodo, ti Maria ta ya Yakobus Muda inen, dum Yoses ti Salome. ⁴¹ Bota Yesus ido wilayah Galilea, hitun I monto hi melayani iji. Dumtita di tenta waju kawas naha tahippot dum Yesus la Yerusalem. HIMAN YESUS ⁴² Bota mkan ji mnom heu, ponta mkan taije mkan tai tahi mtot hi ba A dum mkan Sabat po de. ⁴³ Yusuf mat Aritmatea i bot, anggota Majelis Nuha tai kaliu ta hi ta be i, ta i diri ituno don ling Kerajaan Allah, ta jo bot, ibebe iloi barani be bosi Pilatus be i fagau ⁴⁴ Yesus imcu. Pilatus induki ta ingota Yesus inmat heu. Intun kepala pasukan monto intuni, pone fudo Yesus inmat benlon di. ⁴⁵ Bota Pilatus in nu po kawut pasukan, i be mngat be Yusuf. ⁴⁶ Monto Yusuf in fong bui lenan moi fandol mngat Yesus, monto inban ni ba bui lenan Ji, ibei dodo lop ta in wat do hel kapat. Monto i kamlol kapat a ha tasun la kufut. ⁴⁷ Maria Magdalena dumti Maria ta Yoses inen hi heng nuta mngat Yesus imne dodo.