¹ Manat Paskah,Manat roti ta ni bumbu tei,mkan talu fu manat i jai,Imam ti Ahli Taurat hisung ma,be hi pun Yesus. ² Hi be mathi,"Membe be bot wolai jie,min kaongom na. Hi hawan Yesus ba m'nik Narwastu ³ Bota Yesus do Betania,i do dum Simon si Kusta hi to tul do Meja tahapon do,laha waju nuha Ibot,i nut Mamol nuta pe m'nik ta kafamna,m,nik narwastu,m,nik tai pel pale,waju infet mamol nu,ti,Ikapup m,nik do Yesus,Ikautu. ⁴ Woti,doji mat naha,sata fakasal,hepopanta au m'ngam m'nik ji laina?. ⁵ M'nik ji ipel cintol dinar,lebaie au be be mat hamkin."Mat hi goi waju ji. ⁶ Woti,mam Yesus infu."Domoide, hepo panta min pasusu I na.? wafu ne hamol ponta fi be Aka. ⁷ Mat hamkin ne do dedem nu,woti panta at hamol be hina!. ⁸ Waju ne i hamol ponta i hamol ga,I hawan Ak ba m'nik Narwastu n'nata ta dum Aka mat tei. ⁹ Aka fu be mina,ponta m'tolon ,do nuta Injil,ibot do dunia,ponta waju ihamol,jai hoi ingatan be,i." Yudas hagat be Kanca Yesus. ¹⁰ Monto,Yudas Iskariot, Mat nuha po waima jamalu,i bo si imam kawut be soi Yesus behi," ¹¹ Bota,hi ngo talai jo,cahi lohawan dum,ti hi pe pip be Yudas,teta yudas insung maita fi bei soi I be mat hi". Kam,nan ta hi m,tot be Paskah. ¹² kam,nan paskah." Monto, Ipasul mat lu ti Infu be hi," M'bo la kota,m'bot mat nuha tai kendi ta auja do lomul, dumi. ¹⁴ I sun delpedo,min ¹³ fu mat tai ni deu,Guru infu, Helu nuta Ak waima hi ha perjamuan paskah do ho?" ¹⁵ Monto,Intil be hi lui ha ta do hanlok ta hi m'tot heu. ¹⁶ Mo waima hi po la kota, do ta hipot ja tita Yesus infu behi,monto hi m'to Paskah. ¹⁷ Bota, m'nom Yesus bot si waima jamalu. ¹⁸ Ti,hi totul hapon,Yesus infu behi," Aka fu ai ta m'tolon be mina,mat nuha po mine,tai napon dum Ak ne,baine i kancak -Aka". ¹⁹ Hi lo jus ti hifu Yesus nuha heu nuha,bukun aka, po?" ²⁰ Yesus infu behi,mat nuha po min jamahu ne,I ta ifalop roti dum Aka do kalas aka. ²¹ Ponta,wai mancu ibo,jati ta be'i,woti cilaka be mat ta poi'e wai mancu i kanca! Woti I,ta fie membe dum i neni hapati tei." At long'bot mam'I M'cu ti' Kristus Peu ²² Bota,Hi tul hapon,Yesus i na roti,ti infol barakat,I m'bang roti'i be kate ma,Ai i be be mat kawas,e'infu"M'ma Aine Ak m'cu". ²³ Ti I na hoi cawan,infol hoi barkat.I bebe hi ti hi nim beheu po cawan Ai tem. ²⁴ laha,Yesus infu be hi,"Ai ne Ak peu ta,taduk be mat kawas. ²⁵ Aka fu,"Aita m'tolon be min,Aka nim po hajal aine ca,e,hagada bot aita ka nim ai kawau do Kerajaan Kautuhelpo." ²⁶ Bota I nau su lan,rohani aha heu do ti hi po la hell po Zaitun. Waima hipo bai Yesus ²⁷ Mo,Yesus infu behi,baine min beheu m'bo m'bai 'Aka ponta,kakes aita do buk ne'Ak m'wum gembala, ti domba-domba be haga hi to taden.' Zakharia 13:7 ²⁸ Woti,membe haga kajui,Aka nata la Galilea." ²⁹ Woti,Petrus infu be I,hi "naha hi po bai Au wa,woti Aka do po." ³⁰ Ti,Yesus infu bei hoi, "Be kafui ta m'tolon be au wa"Dum ta kek man i dong lolu tei,Au kaduk lotol heu." ³¹ Woti to,Petrus I be jawab,"Masin AKa mat dum awa,Ak kaduw gapo!" Ti he beheu ni falus oi tem. Yesus dodo Getsemani ³² Bota,Hi popt nuiha ta m'san be Getsemani ti Yesus infu be i waima hi,"M'tul done be Ako Hambayang ho." ³³ Ti mat tol Petrus,e Yakobus,e ti Yohanes ta hi tumi woti sata hi dat. ³⁴ Laha,ti I nfu behi"Ak long ne sus,haga Aka fai de tifu do ka matpe,peto m'bai dore ti majak del,o" ³⁵ Ti'I bo maulit ai to taha,I sumla bat po jei ti hambayang membe,pon aine,wolne bo hala Aka. ³⁶ Ti,Yesus infu,"Abba! mam pon ta bukun aita bo pok long laiye Ai ta bo pou lom." ³⁷ Bota,lahai I nwa hoi be in nau waina hatol nu,woti hi ne cahe,ti iinfu be Petrus,"Simon Po panta min m'nena? min majak jam ha dum Ak gapo ,e? ³⁸ Majak deloti hambayang be m'dol la pencobaan na.Roh ne I na ngo woti At baran ne I manet po." ³⁹ Laha,I bo be hambayang e infu falus aitem. ⁴⁰ laha I bot,bot i waima hi ta nei,pota hi mokeji kaliufi,Ai panta hi jawab be I na. ⁴¹ Monto laha,e I bota aita hol,ti'I nfu behi,"Min,m'ne cahi,m'sum min e?wom,Aine min meng wai manen ta dobe hi pei be mat tai bardoso. ⁴² M'jui,bet to meng mat ta dobei bek be hi nu,hi midin hew." Hibu Yesus ⁴³ Fadau bai nunta,Yesus falus ca,Yudas mat nuha,po waima jamalu,I pot ti mat kawas,hi hut pedang ti pentung,hiji wang pasul po imam-imam kepala,ahli taurat ti mat du Yahudi hi. ⁴⁴ Mat tai kannal be mat kawas nu,I be fajai aha be hi heu,ta late,"Mat ta ak fatani,e mat numpe."M'bui ti m'bo muti woti min majake,o" ⁴⁵ Ti,Yudas i bot fadau midin Yesus ti infu,"Rabi!" Monto ifatan Yesus. ⁴⁶ Bota,hi i tut Yesus ti hi bu I. ^{49 47} Woti mal nuha po hi In sol ti infali pedang ti I n to dini imam liu ngalo. ⁴⁸ Ti Yesus Infu behi,"Pon nefu min bot mul pedang ti pentung be nu'buk ja perampok i? M'kan,hine Ak co dum min dodo Kautuhelpo i deu,mo min buk po.Pon ai jai be pas dum Alkitab." ⁵⁰ Befu,hi beheu pobai Au ti hi woi. ⁵¹ Wai kaugul nuka i bo dum Yesus i napaki bui lenan doi m'ten ti hi 'bui. ⁵² in bay bui lenan ji,ti in woi bai m'tem halon. Yahudi hi kawut na hakim Yesus ⁵³ hut Yesus la imam ta pale.Ti hi beheu,imam kawut,ti maidu Yehuda,Ahli Taurat hi fajul hi. ⁵⁴ Ti,Petrus I dum yesus po maulit,haga bot Imam kawut I deu aupadi.Do ta,i do n'tul dum pengawal ta hi m'so jap. ⁵⁵ Imam kawut ti Mahkamah Agama beheu hi sung ma be hi pun Yesus,woti hi hepen ma po. ⁵⁶ Ponta,mat kawas hi pe habat ta m'tolon tei be nalawan I,Monto,habat ji,nuha ni'iha,halolon po. ⁵⁷ Litaha,mat filana hi sol ti pe kasii ta m'tolon tei be lawan Yesus, ti hi fu: ⁵⁸ " Am ne ngo ta infu, Ak kop deu Kautuhelpo ta hamol ba mawa mancu,bota bot wol tol,Aka jui hoi sai kawau,bukun ijui ba mawa mancu po," ⁵⁹ Woti be pon aine,hi jai kasii hi falus hi halolon. ⁶⁰ Monto,imam kawut insol do hi punlo ti intun Yesus,"Pon nefu,Au be jawab be mat kawas ta hi jai kasii nalawan au po,i"? ⁶¹ ti'i be jawab po.Imam kawut Intun Yesus hoi,mo infu " Aune Mesias way Kautuhelpo ta Mat hi didin."? ⁶² Ti,Yesus infu : Ak ne I de.!"Baine na min meng wai Mancu ta do n'tul do pal m'lon pot Mam ta Kawasa ta inlei po met. ⁶³ Monto,I hagau i tasun malas nu,Imam kawut infu,"He popanta, am farlu kasii hoi na "? ⁶⁴ Am ngo hi falus ta,hi falek,panta min maputus na."? ti hi beheu pe hukum be,hukum mat. ⁶⁵ Mat filan ta tafui ba hapi,hi pui molo,hi katuti,ti hi fu bei " Aido m'til Au kawasa I de." Pengawal hi hai mo hi habat I. Petrus I kadu Yesus. ⁶⁶ Ti, baita Petrus I dodo imam kawut i deu aupadi,mo waju nuha Imam Kawut ti wang pasul I bot. ⁶⁷ Ti,I neng Petrus ta I nanso jap,waju I neng ti, Infu"Au tuno Yesus,I waima po,min,e'mat Nazaret." ⁶⁸ Woti Petrus,I kadu Yesus,ti Infu"Aka ken kanui po ti Aka nu katil ponta m"fu I po.Monto,I hapan la mabata Gerbang, ti takek man'i dong. ⁶⁹ Waju i neng hoi Petrus ti Infu be mat kawas ta hi sol do ji"Mat tene Mat nuha po hi'o" ⁷⁰ Woti tatap tai kadu I.tibe lautei,mat kawas ta sol, hifu be Petrus"Au ne mat nuha po hi,ponta min ne mat po Galilea. ⁷¹ Monto,Isom ti'i hangot" Ak keng kanu mat ta amfu'i po."! ⁷² Litaha,takek man i dong lolu ti Petrus ilo hoi bot ponta Infu Yesus." Dum takek man i dong lolu tei,Au kaduk lotol heu". Bota laha, Petrus inatahan na tei do ti Ingai.