¹ Bota Yesus ibohala deu Allah, monto I murid hinuha infu bey, "Guru, mengko kapat ti dew foi nun hita sacap dum !" ² Ji Yesus infu beyi, "Pon ne fudo min mengko dew foi nunta caphi nedi ? Kapatai ha ta nbai do kapat nahaipojeipa ta kadui gatei." MANTAN PO KANCA ³ Ji belau tei Yesus inted dodo Bukit Zaitun ipojei tanauhoi la Bait Allah, Petrus, ti Yakobus, ti Yohanes, ti Andreas hitun Yesus ninei, ⁴ "Mfu bema, wofilan taponfoi nunhi jai, ti ponta jai fajai be pon foi hine heu fadauna ?" ⁵ Monto, Yesus infu behi, "Mangaingatan befi be mat kan nau min na. ⁶ Mat foi tadohi pot ba Akmsan hifu, "Aknunpei." Ji hi kan nau matfoi nunji. ⁷ Bota minggo ta parang ti habat ta parang, mdat na. Pon foi naune na jai, otita ahet po pon beheu ta dum jaitei. ⁸ Habab, bangsa in sol na lawan bangsa, ti kerajaan nalawan kerajaan. Na hanol ijai do nu beheu; mdop mo do. Ponun ne jai po mat tai hapat taindfai mde. ⁹ Dumtita majak audiri. Hababta mat hi na so yau be pengadilan, ti na min mepen habagal po sinagoge-sinagoge ti na minsol do Sanhedrin imolo ti kalanhi poti Aka, halaku kasi behi. ¹⁰ Ji, Injil nunji befalusi nata be mat beheu. ¹¹ Ji, bata mat hihutau wa ti hisoyau wa, mdat po ponta au fuhina, jita mfu ponbeheu karunya tabeu nunji bai ji dumti ji au teufalus po aiji Roh Kudus. ¹² Ji matnuha e insoyi no bei nmat, ti imam bei way. Wai mahi sol fajet dumhi mat takaliuhi ti hi pun hi ¹³ Ti mina mat beheu hengfi minpo poti. Ak msan, oti mat ta inatatap ilo hagada boti kate aye inepen halamat." PANTA FITEI TA BEHABA HAGADA MEY (LEK) ¹⁴ "Pe to bota min mengko mat ta hikamngen hisoldo nuta fi tei hi ta tado Yudea hangala hel. ¹⁵ Mat ta tado dew iupung lei bei hapan pon beheo ta dodo deu lomul icana. ¹⁶ Ti mat ta tado dan, in ley bei naikawui hinal juba. ¹⁷ Cilaka behi tahi hamjes ti hita pesui be waima tahi hasui ba wol nan nunji. ¹⁸ Hambayang be ponfoi nun ne be jai ba musim ta pato na na. ¹⁹ Habab, ba wol nan nunji na kanca takaliu ijai ta dum jai lohatei po mantan tat mam ifamol hagada wol ne, ti ta na jai catei. ²⁰ Ti, wol nan nunji befu at mami famol katetei, mat nuha ta nepen tahalamati po. Otita, fibe nantai nfis, nanta Infis heu, mkanhi nunji Ibebekate. ²¹ Befudo, mat ta doi falus bewa, 'Meng, Kristus dodone !' Tepo, 'Meng, I dodo tanta !' Msom mi na. ²² Habab, Mesias kawas ta mtolentei ti nabi kawas ta mtolentei na hisol ti pajathi fajai ti panfoi tamtolon tei ta beinut matla mata kanca befu ga ti mat tahi parca. ²³ Majak befi ! Ponfoi hi nun ne Akafube min bemtup. ²⁴ Otita, ba wol hinunji, bota kanca ta kaliu nuni jai, 'Pon mo jai be matip ti na ihapani manyan po. ²⁵ Kamou hidolpo mat, tiymanou kawasa foi ta dodo met lei.'" WAI MANCU IBOT ²⁶ Bot mule, hi heng Wai mancu tai dodo met lomul ibot bai kawasa tiy kemuliaan ta kaliu. ²⁷ Monto Ipasul malaekathi fajul mat tainfis hi po au wo hafat neimohi, po matan kate hagabe bot met kate. ²⁸ "Mpangajat po misil be hai arah batai kangal hinuni mday tiy pahi hapan, poiji e timin nuta fudo musim bitus nuni midin bau. ²⁹ Bot min tuno laido, be min meng pon tajai, mnuti ta fudo Imidin bau, ³⁰ Akafu pon del mtolon be wa, waima kaugul nun tehi ne hi heugapo be haga. ³¹ Met ti matan ne bisa hea, oti Ak-firman ne heo gapo." MANGAINGATAN TI MAJAK ³² Oti ta, mkan ti jam nunji, mat nuha tai nupo, haga bot malaikat hi ta todo surga Iwai monbe pado, hat ti At Mam. ³³ Mangai ngatan, ti majak. Habab ta waktu nuni bote min nu po. ³⁴ Ponune halaku sati mat ta doi bo. Bota ibon bay deu ti bekawasa bei nulathi, dumti karajaan be dedemhi, ti beparente dum be mat tai najak mabata be tatap tai donajak. ³⁵ Peto, majak tido pota min numti del wolai lana ta mat nuntai ni deu nuni bot na, wol taha msem, tepo mnom punlo, tepo takek hitong, tepo kaseu cu matib, ³⁶ tena mintajol tita ibot tiy bot minta mdom ne. ³⁷ Ponta kafube mina, Aka fu be mat beheu: 'Majak befi !'