Jou Yesus En Lalau S’Mat Mali Woll Mamagal Ca ¹ Lolo Yesus en cung lali sinagoge puli tinana smat isa kakamo paona enmat. ² Smat na er derera Jou Yesus, mali woll mamagal ca lolona, bodem tan valau smat ta kakamo paona enmat ca gabe smat na erpetang. ³ Jou Yesus nua smat ta kakamo paona en matca, nosal mali hapaluan. ⁴ Jou Yesus nuasi bot hamafia pare bot hamayai mali woll mamagal cana etpoi hapaisapa lae pare bot puni smat tamanana si lioripa. ⁵ Jou Yesusen ningningo si mali lapori in hare entole yai kem ta eftole mali wlomev na gayai toleya mew pa ei masie new ega, gabe Jou Yesus nua smat ta kakamo pao na enmat ca emfaolang kakamo na nata smat ca en faolang kakamo nata, fare kakamo nama mafia. ⁶ Gabe tina smat farisi na effanci taga havo smat herodian na bot bosina fauo laisa bot pun sina. ⁷ Jou Yesus ireni wawai na erfasuse si lali talaga ca. S,mat na lal tas derera ii mali galilea na fare smat mali Yudea bena. ⁸ Smat mali Yerusalem idumen fare mali fara Yordan puli pao na fare mali tirus ine sinode e lapona smat na lal tarlonga harumi ta jou Yesus en peina harumi eflafo mali. ⁹ Mana smat na lal, Jou Yesus en mauting mali ni wawai nuasi efningo pelang haese mali sirkotale ipa. ¹⁰ Jou Yesus en lalau smat na lal eto tar mafia na harumi smat ta dowel na erkotale bordumi ii. ¹¹ Ibilis-ibilis na dem Jou Yesus fare ercuba ii fare ergigam hatutua aw Jou lahatala . ¹² Jou Yesus en habatal si mali fabinga yana ¹³ Jou Yesus en daugil nais lolas ca popo. Nolololau smat na boiresi gabe smat na erlafo lali gagau ca. ¹⁴ gabe in nafcual smat yafasa re silu bo iresi cobabita. ¹⁵ Gabe en posi kusa bor haungo ibilis-ibilis na. ¹⁶ Jou Yesus en nafcul smat yafasa re silu simon Jou Yes en pai ngasyo Petrus. ¹⁷ Yakobus entu Sebedeus Yohanes Teno yakobus Jou Yesus en pai ngasyori boanerges ta ni ngale guru ca ni mawai. ¹⁸ Andrea, Filipus, bartolomeus, Matius, Tomas ire Yakobus Alfeus en tusi tadeus ire Simon smat selot si. ¹⁹ Yudas Iskariot tan pua Jou Yesus na ²⁰ Jou Yesus encung mali ebai isa enlolai enfaiyalo smat na Jou Yesus endadi dan rot i na pa. ²¹ Gabe fatenou fare faraman erlonga gabe erlolai ga enjal Jou HYesus ga sidu Jou Yesus namolang panto. ²² kolano-kolano na er duri mali Yerusalem erfabinga infaungo setan na in pake setan riri smat mamagal ca. ²³ Jou Yesus en nololau si gabe lafo mantane en mauting na enpake ande-ande falai sa setan ca en faungo setan cana. ²⁴ Gagau isa en marapes gabe ni smat na sile tesil er hapon pun mali gagau ciana ermampo pa. ²⁵ Smat mali ebai isa lolo sile re sil hapun pun gabe ebai ca osta enmayani. ²⁶ Setan erpaling ega sila sil hapon pun gabe gahana pantoga ermat. ²⁷ Smat isa hawe ta bon cung mali smat ta ni ebai ta lolo amta na lal ca musti erpitan isu taga etyal ni ebai ca hare ni arata na. ²⁸ ya kua aw emmauting ta tutiyai na mali awi harumi wai nena fare smat magal na nimeu dosa re sal na Jou masie faren gogoro new ga en fayangis gabe lomenta nimew mauting na ei fabinga. ²⁹ Isa tanu re nafetang roh kudus ca ni mayai na i osta en gali ipa gabe nim dosa re salta mali adam ire hawa ini. ³⁰ Gabe kolano-kolano taurat nadu, Roh tanmayai ca encungi ³¹ Maping isa ire efma ramana er lafo mali ebai isa ga dosal patalil, encula smat ta manana dololaw sis mat tae r totolang na er jell Jou Yesus gabe du ii nim ae fare rumana tasa sipotalil si diyawa aw. ³² Jou Yesus nuasi nim ae ire ramam tasa si potalil diyawa au ga. ³³ Emningningo smat ta er totolang na fare nyel yelsi hare nua si fem nik ae fare ramak tasa. ³⁴ ise tan fanye nik mauting ta manica ya tenoki ta mapingiica ya ramak ii. ³⁵ Sebab, siapa saja yang melakukan kehendak Allah adalah saudara laki-laki-Ku, dan saudara perempuan-Ku, dan ibu-Ku.”