¹ Penatua Gayus aramateng, fekde sa esa ukarang puin med fom mateng bolang araham. ² Diail tenang el, na iri u'aome honi e i birang nok ham'nok barpi, ahol honi e sa obo di birang, mang fekde olaman di onok o'ham ahol. ³ Fekde, na iri ubad herang diail bar i'ho e i'mateng bolang ho oatino bit, sam fed ho'omi iday mateng bolang ho o atino bit eh. ⁴ Diail bar nairi ukarang ina onok tepanen med ikaresang baleta mi diail tenang el araham. ⁵ Med tenang el araham, onok oham karesang araham med diail araham, mang fekde name ho name let. ⁶ Sipi o atino bit fekde esah ukarang reala araham. i'onok fe panen i'fetang om homi onok oham tepanen sipi ukarang olame otoh om homi opanen ho Lahtal om araham. ⁷ Fekde, sipi Ani horo puin lame name nok afom apahang, honi e sana o atino bit. ⁸ Honin fe, mae pi tatang taunung puin am fe pi esah ukarang sipi araham fekde pitara tenang el mateng fetang ho u baleta. DIOTREFES MED DEMETRIUS ⁹ Na sura hul med reala en, sobo med Diotrefes, sobo sasari med na homi feu, fekde sa e sipi med nene. ¹⁰ Mang fekde, naho na inokna uma, honi e i'haai name ebit ho opa sah fe bit e, horo nene sobo, sasain med diail bar ho e sah bit sipi e inung haai reala oma sa hain ereeng. ¹¹ No diail bana ukarang, haai name sah opanen ho med alol ataain e, sobo onok fe panen. sari ho onok fe bit Lahtal araham, honi sobo name onasah panen ho, edun Lahtal ahol dai. ¹² Namenok barpi na onok horo panen ho u Diotrefes aramateng, honi esa name ahol honi e, mateng fetang horo o atino bit. ADA MAHEN O AMUIJMI ¹³ Name tofang om nahul tahou sam med en, honi sobo na e pena med tinta puin nahul med en nene. ¹⁴ Na ubang asam naho aholam honi ho ubang honi e ni sam nipongta sahol. ¹⁵ Il'luling ara hara'am. tenang el ho omi ada mahen tahou med en. honi sobo ni ada mahen hodi tahou namenok arian med diail bar hemo midi araham.