V 1Yeso ika cacpa algagin tənu, se da gayingəri ɗa guguyak. Lakwtu mi mbasəngəri tənu, pukuraucingəri da ni i rigəri. V2 Da rəpci miyagəri a gugzekshi, a ramau ma, ³ Barrka Səku, katanas i ndawa mi na tlatluwa i kun rraglada, gaɗa garva dəsku/mazgai/janna kakshi. ⁴ Barrka Səku, katanas i ndawa mi a ɗanau, gaɗa nda dlama dikshi dlawapi/jəba amai. ⁵ Barrka Səku katanas, i ndawa warra go-rragdlaɗa, gaɗa akshi a ta na gado duniya. ⁶ Barrba Səku katanas, i ndak sa/ta maya na nda kəmu gəji adalta, gaɗa nda niya na akshi. ⁷ Barrka Səku katanas, i nda mugurəm, gaɗa akshi a bina kanjino. ⁸ Barrka Səku katanas, i nda gəshi warra go-aipu, gaɗa akshi a lawan na Kakasəku. V 9 Barrka Səku katanas, i nda nina saalam, gaɗa ndaye ɗaurakshi kutli Səku. ¹⁰ Barrka Səku katanas, i ndiwa mi ndaa barikshi bone(nda dlamekshi darari) gaɗa adalta, katanas garva dəsku(mazgai/janna) kakshi. ¹¹ Barrka Səku katanas kukun, lakwtu warra ndawa a nangakun, a dlamekun darari, ko a saanakun na bee gaɓshu tawanke, gaɗa ga. ¹² A dlamina kuno na pərrɗai, gada akeri(tumanja) kun a dəsku. Gaɗa kasən ke ndiwa dlam darari i nabaucin warra dlaɓu kapən kun. ¹³ Kun ne beeza kə duniya. Amman, beeza buku na manda kunugara nin(salamtəngara nin), nana, nda demu kaci du i beeza wam? Ngalte a dlaɓa bəlan i bee ɗagai wambai, se dai waaya, ndawa da tak'yidu na zəgər. ¹⁴ Kun ne wiɗa/ tlanu/bədlak duniya. Ɗa marəm mi a dək zəgawu warra a patata, a debsa bai. ¹⁵ Ngalte ndawa a ɓədla pətəle da mpədu i dəɗa daɓərr bai, amman se i dɗak bi mpi pətəle, gaɗa da dlam ɓidla i tike warra a kunu wənduwau. ¹⁶ Aivina, ɓədla kun da dlam parrak i kəma ndiwa, gaɗa daiki bee bəlalmin mi kwa dlamau , da sakərrci afakun mi a dəsku. ¹⁷ Kwa tumanta bai, ma, na deu ne gaɗa rəbga dumaya ko rama nabaucin, na deu gaɗa rebgagshi bai, amman gaɗa niyakshi. ¹⁸ Jire na ramekun, dəsku na ɗa a rəbgangara, amman ko ɗilok da kun təlam dumaya na rama nabaucin a nuta bai, se tawanke niyu(se tawanke wakatu) ¹⁹ Gaɗa kasən, tike mi kətlu kogayi da kun dumayayin təku nin, ko gugzi ndawa; da ketli nin, ndaye ɗauragəri nən mi rəma di gangam i kun garva dəsku. Amman tike warra ɗəgau, zam a gugzau nin, ndaye dauragəri nən marəm i kun garva dəsku. ²⁰ Gaɗa kasən, na ramekun, in adalta kun ɗəka kə malamcin dumaya na parisaucin bi nin, alambrram kwa tife garva dəsku(Janna) bai. ²¹ Kwa kəma rro ma nda rami kakancinkun,ma, 'Kwa təkaa nen bai,' zam , 'Tike təku nən nin a kun ɓaana shariya.' ²² Amman na ramekun, nən tawanke warra a gəshi na yaganau nin, a kun ɓaana shariya. Zam tike rami yaganau ma, 'Ci nən vatku! nin,' a kun ɓaana majalis. Zam tike ramu ma, 'Ci kakaɓu nin' a kun ɓaana aka larriya. ²³ Gaɗa kasən, kwa tanu ma wita kun na yaganakun na dləmatu gəshi, lakwtu mi kwaye dlam bari i kəma baga Pərris (kaya)nin, ²⁴ aivina na bee warra kwaye barugu i kema baga Perris, kwayi nakun. Sekurr a salotina na yaganau dəgo, damba kwanai kwa dlam baru. ²⁵ A dlamina na salo na baci nya na arakun tin i dəvu, kapən kwa zaji sharriyarram, binin, baci nyana arau a ɗawa na kun i ami liyarri, liyarru ye da bari nakun i dogari, da dawi nakun i dəlo. ²⁶ Jirre na ramekun, kwa dəmu vərayi bai da senu, se kwa ngumu tamke mi nda dəga kun mak. ²⁷ Kwa kəmau nda ramma, 'Kwa dlama tapai bai.' ²⁸ Amman na ramekun, tike mi launu ama na mangarrta nin, dlam na tapai na atu sərram i geshigeri. ²⁹ Daa ci kə mata a dawaci i dagamu nin, aaji na atu ka vərəkədu da rici. Gaɗa ngalko gayi da kun təpapin(pallalin) təkaci da kambecingara/da jingara, da miya nda vərəki na təkau cak-cak i kun aka larriya. ³⁰ Ko ami ci kə mata cam a ɗawaci i dagamu nin, a gəjidu, ka vərəkədu da reci.Gaɗa ngalko gayi da kun təpapin(pallalin) təkaci da kambecingara, da miya nda vərəkəna təkaci cak-cak i kun aka larriya. ³¹ Nda ramu wam ma, 'Nentawanke mi rakau amagəri nin, aci da baretu kakkadi ta'i.' ³² Amman na ramekun, tiye mi taɗu amagəri gaɗa tapai binin, ɗawu na atu i dlama tapai. Nəntawanke mi zebatu daku ta'igara ke, a teka tapai na atu. ³³ Zam, kwa kəmau, nda rami ndak zaman waci ma, ' Kwa taa yinɗa papiya bai.' ³⁴ Amman, na ramekun; alambarram kwa taa yinɗa bai, ko na dəsku , gaɗa atu ne gwajere garva Səku; ³⁵ ko na duniya,gaɗa atu ne ri mpi zəgər gəri, ko na Urrushalima , gaɗa atune ɗa marəm kə Dəgəm marəəm tlapar.. ³⁶ Ko na aɗakun, kwa taa yinɗa bai, gaɗa ko yaɗ gayi ngun, kwa demu məstau bai, da dlab arawai ko aiwa. ³⁷ Amman, aivina samana kun, da dlaɓi, 'Auwo, auwo' ko 'O-o, o-o.' Bee tawanke mi ɗəka na kasən, ani da ri kəlaɗo tənu. ³⁸ Kwa kəma dumaya rro tatku ma aipu/wala tawanke nda təmatau na larrutagara kalkal, 'Daa i miya daa, yanau ke i miya yanau.' ³⁹ Amman na ramekun, kwa dlama gamɗaya na baci kəlaɗo bai. Da miya kasen, tike maskalatu kun da jampel mata nin, a məstineci palla madawai gu cam. ⁴¹ Tike ɗawu kun i dolle, ma,kwa dlam rakan kə mel gayi nin, adaa na aci harr mel shirin. ⁴² Abarina i tiye mi jayi kun, ke, kwa dapte basa i nən wambai, warra maku mau da ri kun. ⁴³ Kwa kəmau nda ramma, 'A ntutina makapət kun kwa kuri na makura kun.' ⁴⁴ Amman na ramekun, a ntutina makurarin kun, ke kwa dlam magita i nda ngupta kun, ⁴⁵ gaɗa kwa dlabi kutli afakun mi a dəsku. Gahɗa aci a ɗawa afagəri da dlam ɓidla i da kəlado na nən bəlan, ke a wanayi aam dəsku i ndak adalta na ndawa mi go adalta. ⁴⁶ To kwa ntuta ndawa mi a ntuta kun nin, tumanja tawan kwaye biwu? Nda gən arrajo ngun a dlamau kasən bai? ⁴⁷ Ke kwa dlama ndəma i yaganaucin kun rukshi nin, tam kwa dlamau mi ɗəka na kə ndau jəgab? Ndawa mi zəga Səku bai ngun a dlamau kasən bai? ⁴⁸ Gaɗa kasən dolle kwa dlam bee tawanke kalkal, kakə mi afakun dəsku, aci kalkal goaipu.