¹ Lakwtu na ndawa ɗagai a ri mi yeso a riwu, se da barici labarr nda Galili lakwtu a dlama sanam shi se Bilatus da ɗawi nda rǝbi akshi. ² yeso da ngumi da ramma, "kwa tumangu ndak Galili wara Bilatus ɗawu nda rǝbi gu ɗǝka tike i aipu bi, i kunu nda Galili gu mak, akshi da shi bone kasau?" ³ O, o, Na rame kun dlam tubi binin gǝɗ kun kwa kambeta na kun kasǝn. ⁴ Ko ndawa gawa awayau dandafuɗu wara lǝma rǝbgu i aɗakshi i Silom damci nakshi tǝnu, kwa tumangu akshi dǝkana gagǝshin ndawa mi a Urshalima mak i bike bi? ⁵ Na ramekun, O, o, Amman kun cam kwa dlam tubi binin, mak cun kwa kambeta na kun. ⁶ Se Yeso da dlamikshi rama na gagǝnawa ma, "Nǝn ɗagai na waka ayawu i kunu kam geri, se da nai da makǝɗi i wakau, amman ba ko gayi bai. ⁷ Se warau da rami baci ankalta kamgu ma, "Aiki, na jǝb ni har kǝ aman kwan i maka ɗi da waka ayawu tǝku, amman galtle na ba ko gayi bai. A karmi na wakau. Gada gǝmo atu a cima rai i vatku?' ⁸ Baci ankalta kamgu ngumici ma, 'Alangǝpuro, aivi wakau ba kǝ davanangu yaye na ɗalmi arugu na gagai, na pitu amm na taki t;laparr, waiki wam dǝgo. ⁹ Dlam na ɗi wayak nin to, dlam bi nin wa kǝrmudu!''' ¹⁰ Gafa putuyuhudaucin, Yeso a tǝka gugza i kunu lema cacpa yahudaucin. ¹¹ Se so ama ɗagai a ri wu, mi gaɓshu zuwak, sa na atu tunu, aaman guma ayau ɗandafuɗu fǝrau dǝbadlu na atu, a dǝmu dǝma tǝka gara bai. ¹² Yeso ikatu tǝnu, se da ɗaura tu da ramitu ma, "Ama, nda ngatu nam da fǝra tǝku." ¹³ Da mpi ami gǝri i aɗa gara, ko sukwakuya, fǝra garau da dǝmǝn gara rr, se atu da ɓanji sakǝrrta Sǝku. ¹⁴ Amman mǝrǝm kunu lǝma ri cacpa yahudaucin gu da shitǝn nin gǝri, gaɗa Yeso dlamu ngata gafa putu yahudaucin. Se marǝm kǝ ri cacpa da ngumi da rami ndawa ma, "Ai na yuwan zǝdu kǝ wana. Anna ba i kunu yuwungu, gaɗa nda ngaci kun, amman da dlaɓa gafa putu bai." ¹⁵ Mǝgǝngyi da ngumi ci da ramma, "Mǝgǝngyi! Tai afǝtka kwara gǝri ko kwam gǝri bai da yi di ri dǝɓa gafa putu? ¹⁶ To, so amangu ke wunya Ibrahim, mi lǝspǝr takwsu du har aman guma ayawo dandahuɗu, kane dlam kalkal bai nda ta'yatu gafa putu?" ¹⁷ Yeso ramikshi kasau tǝnu, nda gada gǝri mak da zhirwunakshi, amman gagǝzhin ndawa mak da jǝb pǝrrdai na bik saksakta mi acu dlamu. ¹⁸ Se Yeso da ramma, "Garva Sǝku gu dlam gǝnawa na tam? ke na kaktlu na tam? ¹⁹ A ri tǝnu, ka ayawa mustad, wara nǝn ɗagai mau da vǝrki du i kunu gadina gǝri, da rawi, da dlamǝngara marǝm waka, har ɗutatin da dlami sakikinshi i gabtatin gu." ²⁰ Zam da ramma, Na kakla garva Sǝku na bee tawan? ²¹ Ka kǝ yist wara ama ɗagai waiku i kunu kuyangi kwan kǝ apta alkama gaɗa da waiki nakshi, yist gu da ɗawi tlatlaru." ²² Yeso jǝbu dǝvu gǝri i nye Urshalima tǝnu, se da ɗǝgi da ɗa marǝmanin, na ɗa patatin gawa, a gugza i ndawa. ²³ Se nǝn ɗagai da jayaci ma, "Biwu, ndawa rap dagai bi a ye bi ra?" se yeso da rami ci ma, ²⁴ "A dlaɓina dǝi i maka tǝka da miya gamgam mavgi, gaɗa na rame kun, ndawa aye maka tǝfa, amman a dǝmu gu da tǝfi bai. ²⁵ Ba ci wǝnduwa tla da cim na mavgu nin, atǝro kwa rri'i i vǝɗa kwa b gwagdlau kwa ramma, "Mǝgǝngyi, abzhi ja, ja tǝfi' A ci aye wurau da rami kun ma, 'Nǝga kun bai, ko ri mi kwa vǝrau.! ²⁶ Kwaye ramau ma, 'Haba! Ja mi, ja tau na sau i kǝma ci, har ka dlam gugza i tarbobin ja.' ²⁷ Amman acaye wurǝkshi ma, 'na rame kun, nazga ri mi kwa vǝreu bai. Ada na kun da ri ganai, kun ndak dlama kǝlado!' ²⁸ Ndaye dlama aɗan na gaɗa yanau, lakwtu mi kwaika ibrahim, na Ishaku, na nabaucin mak i kunu garva Sǝku nin, amman nda vǝrka na kun i vǝda. ²⁹ Akshi aye ni da caɗ, na dǝkǝma, na zǝgar na aɗau, da mbasi ri tak masana i aɗagayi, i kunu gavra Sǝku. ³⁰ Ke a zǝgǝna na sau; akshi mi a akau, a dlaɓa nakshi kǝ kǝma, kǝ adlaɓa nakshi kǝ akau. ³¹ Daku rrap parrisaucin ɗagai danai da ramici Yeso ma, "Aji na ci da tǝkǝ na ci. ³² Yeso da ramikshi ma, "Aiki na da gaɓshu zuwawin, na tǝka ngata gususku na amzharu, i kunu yiwan kǝ makwan kǝ, na damna na wana ganai.' ³³ Ko da kasǝnu yaye, dolle ro na ci kǝma na rakan ga gususku, na amzharu, na afaɗagai ke. Gaɗa dlam kalkal bai nda tǝkǝ na nabi pǝɗǝm na Urshalima bai. ³⁴ Yawai! Urshalima, Urshalima, ɗa mi rǝbik nabaucin, ndak vǝrǝk mawanaucin mi nda wanǝu i ri kun. Zǝgǝr nawan maku na cacpi kutli kǝm i ɗagayi, ka kǝ mi gaza a cacpa kutlatlin gara kunakshi gabtatin gara, amman kwa lamǝnyu bai. ³⁵ To, aikina na bǝzu di kun, ke na rame kun, kwaye lawanga wam bai, se gafa mi ramma, 'Barka, katana i nǝn mi ba ci ni i kunu dlǝgun mǝgǝngyi.'''