¹ Nda tuman, baci gadofa, harr in a mayǝn ɗika guzǝb bini da acii na tamke na tamke yaye. ² A aami dnak jiba gǝri harr gafa mii afǝk gǝri ɗawu. ³ ka sunu i rilwa, gada wa ka mamau i kunu diga awayuk aada duniya. ⁴ A mman lokutu dlamun gara rankata tunu, sai sǝku da wanne wǝngǝri, 'wara aama na 'yawari i kunu sharia. ⁵ Gada acii da dlǝgde ndawa mii a kunu sharia nda kaci na wa i sǝrǝn kutci sǝku. ⁶ Tunda kun kutli tunu, sai sǝku da wanne nǝnwa wǝngǝri i kunu gǝshawa, a ɗaura Baba! Afǝk! . ⁷ Gada kasunu ci gǝzǝb wambai, amman matkam,gaɗa ci matkam tunu, ci baci gadofa gada kǝrmai sǝku. ⁸ Waci kwa zǝga sǝku bai kwa ɗiga, garamcin mii tun waci akshi a miya be wambai. ⁹ amman kususku kwa zǝgana sǝku tunu, da ngum nde ramma sǝku zǝga na kun tunu , a dlama nana kwa kalakci i rii acida mii na awayu bai , mii banata be bai harr kwa maka kalakta i digakshi? ¹⁰ So aada yuwan, na turarǝn, na kǝ luktu na kǝ aaman a bǝntakun bai!. ¹¹ Amman kwa barr dani kalau , da dlaba na dlam bone i da kun kǝ vatku bai!. ¹² Na wilata kun, yaganaucin, a dlaɓina kǝki 'iyu, gaɗa i ke na dlabi kǝki kun.Ngalte Kwa dlama aibu bai . ¹³ Kwa zǝgadu i dǝrǝ rashik kǝlapiya, na dlami kun wagǝrma i niga kǝ sǝkur. ¹⁴ Gada rashik kǝlapiya dabdikun saket dǝkna kasunu kwa tatka, mowa na nyanya bai sai dai kwa gǝnayu ka malaika sǝku, ko masipu na adagǝri ngum . ¹⁵ Zadak karak tawan kwa kǝmau gadaga? gada na zǝgadu da a dlamangara nin kwa kutkǝde na daakun kwa barr da nai! ¹⁶ ka sǝninna dlabǝnga, baci kura kun bi gada na rami kun jirewa ? ¹⁷ Ndangu ancu kun ka be dagai amman aniya bǝlan bai. intuk shi da bǝr na kun na ja, gad kun ke intutukshi. ¹⁸ In na niya bǝlan nin ai bǝlan fatawanke, nda intuci nin, gada sai na ada gayi na kun rukun bai. ¹⁹ Annina mamuga gangamin, na tsukuna sabone i ɗa kufu ka aama mi ɗi gada kun gada masihu da dlaɓi ii gǝshakun ! /v 20 Da dlaɓu a ɗa gayi na kun, ii gususku, na paki na wura ga! gaa mumutǝnga gada bǝ wara kwa dlamau. ²¹ A ramina ,kun mii kwancu sheria da dlaɓi na kǝrmai i ɗa kun, kwa kǝrǝm ta sheria bai? ²² Gada da tarna ma, ibrahim na kutli gamsak shirin, gayi wun kuyanga, gayi kuwa wun wunya gaama. ²³ Wǝn kuyangau nda "yawaci da dǝru aada, wǝn wunya gaamau kwa nda 'yawaci ii niya alkawar. ²⁴ Sutuk mak gaɗa gabaɗ gada aaqmatugu a ɗa alk awar shirin, gayi vǝkshi guguyak sinnai warra a ɗi gǝzabcin, atuu Hajaratu. ²⁵ Hajara atu ka guguyak sinai i lardi larabaucin, atu ne gagǝnawak urushalima kǝ gususku, gada atu na kutli gara mak gǝzabcin. ²⁶ Amman urushalima kǝ dǝsku atu ne wunya gamau, atu ne miiwa ²⁷ Gada da tarnu ma, A dlam kujno kǝm dǝgǝru mii ka ɗi bai, A dlam kurwa, kǝm mii ka ɗa kufu bai gada ɗi, gada be mii nda vǝrkǝdu dika aama mii mǝsǝk ii kutli. " ²⁸ Yaganaucinga, wake kutli alkawr kakǝ ishaku . ²⁹ Ka mayǝn mii nda 'yawu da dǝvu aada a tatka bone ii mayǝn mii nda 'yawu dari kǝrmai Nǝnwa sǝku har gususku kasunu . ³⁰ Amman kakkadu ramma tam? na wungara gaɗa ko rab mayǝm kuyangau aata gado aɗa gayi na matakam wunya gamau bai." ³¹ Gada ka sinu yaganaucin wa kutli kuyangau bai amman kutli wunya gaamau.