¹ Shawulu atka gabad in dak ɗiga misyi, ma aci a tik na akshi, se aciu daji iri marum prise ² da jayaci dabari ci kǝkkadi in ye susaucacpa Yahudaucin kǝ Damashka gaɗa aci ba nin, nin gimsik ko gamaɗ dan nak shi da tausa i Urushalima. ³ karakan tun, aci de dan tau na Damashka, natasam, bai, se so bayan dagai da dusku da vaikina rimiwara aci dari; ⁴ dagamin gǝri i ɗa se da kum wura ɗagai da dusku da ramici ma, "Shawulu, Shawulu, gana gǝmo ka gizataga? ⁵ Shawulu dauri, "Ciutai, migyi?" se migiyi da ramicima, "Iyune Yǝso miwara ka gizatau; ⁶ amman a tli katfi kun ɗasu, i ritin darama dici bimiwara ka dlamau." ⁷ Dawa mi a rakan na aci dar, i sam gorama, gaɗa akshi kǝmina, vamau, aman ika nibai. ⁸ Shawulu da tli daɗagu, rubtu dagǝritun se daki adamu lawan wambai, dawa da yiwici inta ɗa Damushka. ⁹ Yuwan gǝri kwan a lawabai, aci sa ambai ta, tabai. ¹⁰ Na baci ɗiga Yǝso dagai idamashka dlugun gǝri ma, Hananaiya, suku ɗa dlamawu rama ikun Lawan, daraci ma, "Hananiya." Se da rami, "Iki ina ritku, migyi." ¹¹ Suku da ramici ma, "Atlikayi i ɗa duvu mida ɗaurauma. Pirat, ajayi wunduwa Yahuda, kajayi nin ɗagai nin Tarsus, babu dlugun shawulu; gaɗa atka magita; ¹² I kun Lawan aci ika na nin dagai baci dlugun Hananinya, tifeu din pici amai, gaɗa da bi Lawan wam." ¹³ Aman Hananiya dan gumi ma, "Migiyi nakǝma dari dawa gawa ida nin tuku, bana mi wara aci dlamu iɗa dǝk digaci i Urushalima. ¹⁴ So tai marumamin pǝristaucin bardi izini da jib na nin tawanke baci ɗsura dlugunci." ¹⁵ Aman se suku dara mici ma, "Aji gaɗa acieu na cikidana aci gaɗa wana ga gaɗa da dlam wazik ga iri ndawa mi wara akshi Yahudaucibai na digamcin her na mamu Israila cam; ¹⁶ gaɗa naya tatkeci gawa bone miwara aye sau ga ɗaga." ¹⁷ Se Hananiya diyi wunduwaw, danpici amai iɗagǝri darama, "Yagana Shawulu, migiyi Yǝso, Wara pakeci iɗa duvu lokwtu mikani, wane na iyeu gaɗa kabi daci wam na nunuwa suku." ¹⁸ Natasina bai se beɗagai ka dlukwakurak dafgai da daa Shawulu, se da banji Lawan; da dlatun se da dlamawu babtisma; ¹⁹ daci ta da bina awayaw. Aci basi na muwa naucin yuwan gatkasa ikun da Damaskus. ²⁰ Se da banji wazik Yǝso win suku susau cacpa Yahudaucin. ²¹ Gid ndawa mikǝrim taci a japta, a ramau ma, "Su acibi ko baci bana i dak ɗiga Yǝso i Urushalima? Aci deritku gaɗa dan nakshi da tausa iri marum pǝris." ²² Shawulu da jib dlam awayau in kun zigayi gǝri, tlatlin ankal Yahudaucin kǝ kun Damasku, atka tatkeshi jire Yǝso acine Masihu. ²³ Aku yuwan gawa, Yahudaucin sapirati idagayi anci datkina Shawulu. ²⁴ Saparatashhiu se dani agud Shawulu. ²⁵ Aman duvid dlamugara tu pukuracin gǝri dawurtai na aci da garu ɗagu ikun daɓir. ²⁶ Loktu mi aci kate i Urushalima, makitufa i gadava dǝk ɗiga, aman makshi a kalau gǝri, akshi kurna kasakta ma aci cam akum muwaanaucin. ²⁷ Amman barnabas da maci danna aci iri muwanaucin. Da barikshi labar kǝ be baci iɗa duvu iye Damuskus, na rama miwara suku dlamawu i ɗa duvu, nawazik mi aci dlamu i Damuska, iɗa Yǝso igadava ɗawa. ²⁸ Dan dagimi na akshi iri tufayi na ri vura da kun Urushalima. A rama gokalau in da her kǝk suku wara Yǝso dlamu, ²⁹ arama na Yahudaucin da kǝmu helinaucin, amman akshi fata wanke amaka datkina aci. ³⁰ Lokwtu miwara dakɗiga kǝmatun, se dayina aci iɗa kaisarisa, da dabaci in ye Tarsus. ³¹ Daritun, dak dakɗiga Yǝso kǝ laridi Judiya, na Galili na kǝ Samarisa dabi kilabpiya da jib ta kǝma; a rakanshi ikun kalau suku na viji gishi kǝ nunuwa suku, da ɗigau se atkasukuna na ɗigau se atkasukuna na ɗawa. ³² I lokwtutku, Biturus vaikina gid lardiu, her da ni iri dak ɗiga i lidda. ³³ Iritun da bi nin ɗagai ga ranak, baci dlugun Iniyasu iɗa rakigǝri, gaɗa dlam na aman danda hudu ngabai. ³⁴ Biturus da ramici ma, "Iniyasu, Yǝso gatinaci adli kamirakeci." Go tasana se da dli. ³⁵ Dawa gid kǝ ɗa lidda na ɗa Sarona dakaci, da barnajirewa migiyi. ³⁶ I yafa kǝ na miɗiga ɗagai dlugungara ma, Tabita, atune, "Dokas, atu na kunu gayi a her isak tluwa. ³⁷ Hu dlam fura se damcingara; akshi viyatu tun, da sinna atu, se da sinna atu iɗa rakai, i susau dusku. ³⁸ Gaɗa lidda a dantauna yafa, daɗigau kǝma ma Biturus a ritun, akshi da wanyi n dawa shirin dayi da lagotaci, "Dani kaɗe kaɗe." ³⁹ Biturus da di dayi na akshi. Lokwtu mi aci zade tun, dan na aci isusau diskugu. Gudugwamcin gu mak dan nakshi ibragǝri atka adan a tatkeci zananin, na papacin mi Tabita barikshi lokwtu mi atu na aro. ⁴⁰ Biturus daji nakshi i vuda da susaugu, se dapi kufu gǝri ɗa, da dlammagita se da musci iri guvugu da ramma, "Tabita, a tleu." Se da rubci dagara daki Biturus se da tli dan bashi. ⁴¹ Biturus da baritu amai da suktatu, se da ɗaura da ɗaiga na gudugwamcin, da barna atu na arogra i akshi. ⁴² Bitku dlamugara gasgayak i lardi yafa dawa gawa barna jirewa i migiyi. ⁴³ Se Biturus basu Jafa kǝ yiwan gawa i wanduwa Simon baci Kulɓa.