¹ Ja dena ja tunu, jakǝm maya nda ɗarak jugam ma malta. ² Nda riyu tlamija bari gawa, larhada fita aka gaɗa ga am dǝsku na mama. ³ Amman lakwtu wara Bitrus chacpina chachawa tunu ndan da pǝdu aka sai kan kakarcha davirai da kunu gaɗa fau akau, da yaydin gǝri aikok gǝri. ⁴ Lakwtu wara nda auye ku ika kasǝn tunu se darami tikakshi maya, "Nanangu bacik tǝk gǝnǝn wara vire kun anku. Amman duk na kasǝn jirewa abza gǝri bai." ⁵ Amman achi virki na bǝkdau i kun akau gobe wara ba chi. ⁶ Akshi a dǝri daki ko fura ajibana achi ko dan damcin gǝri. Amman aku lawtu akshi a lawana ci sosai na be wara ba chi bai, se akshi maya sutku baci garǝm. ⁷ I lakwtu a damtuna miyakam dǝgǝm dagu baci jijam mi nda dara gǝri ma Publius, Ginnaja da barija taa kiyiwan kwan. ⁸ Lakwtu kumma afuk Publius dan dajibin gǝri na zazzapi guva na zawaɗ lawktu wara Bulus ji ri gǝri tunu sai da dlam magita dan dampi ammai i adag gǝri se dan dangacin gǝri. ⁹ Aku sutunu, gagǝzhin ndawa ki ba ka jigam wara akshi chamin ga abai deu akshi da bina rama. ¹⁰ Ndan tlami ja herr gawa i lakwtu wara jayanaja tunu, bari ja be min janchu. ¹¹ Aku tǝra kwan jan ja gayi daragai ki ndak Alezanda wara ndan guvutu dlagun maya, miyayin shirin. ¹² Sai jan jafuwe i syracuse, ja tlan yiwun kwan. ¹³ Da sunu sai jayi i ɗa mi da rarau gara ma, Rhegium. Aku yuwan gayi se zǝwak da aɗau da varai se ikun yuwan shirin ja aɗa puteoli. ¹⁴ Iri tunu jabi yaganaucin gatkasa jambasu na akshi. Na kasǝn har ja zade i Roman. ¹⁵ Dasǝn yagananin kǝma ma ja deu tunu, dani i rija har asik Appias na Tavern kwan. Lakwtu Bulus ika yaganancingu tunu, ndan da tlam godiya i Kakasǝku. ¹⁶ Jatfi i Roman tunu, ndan daivina Bulus na askarawa gǝri na ndak sirita gǝri. ¹⁷ Se aku yuwan kwan Bulus da rari ndawa wara marmamin i kun yahudaucin. Lakwtu akshi deu iɗagayi se a ci da ramishi maya, "Yagananinga nai, ko da na tlam be gapshu bai in dawa ko kilado. Ndawa kiwaci. Nda barayu kaki dilo da Urshalima i amai Romaucin. ¹⁸ Aku jaya ganai, akshi ntutu da taɗna iyu gaɗa nda bayu na linok bai miyara nda dawi ndat kayu. ¹⁹ Amman lakwtu wara yahudaucin anchu nda tlan be wara akshi anchu tunu, se dole na mi ara na yindi kaisar gaɗa kakika nan chu nayina ara ndaja bai. ²⁰ Gaɗa zam ara gagu, gada naki chi, nan na tlamchi rama. Gaɗa ndak Israila a kun arawi gǝshi gaɗa tawasga na zayi tǝku. ²¹ Akshi da ramici ma, "Ja gǝn kakkadi bai dari ndak Judiya i aɗa ci, zam jawam jaika nǝn gayi bai dari yaganancin ci. ²² Amman jan chu ja kǝm da miya ci gaɗa na zadak ndantiku aramekshi i rawan ke. ²³ Lakwtu wara akshi shirya tuna yǝwan gayi i a ci tunu, ndawa gawa danai i ri gǝri ari mbasu gǝri. se a ci dan dan dik ramakshi bewara wara se dan dek shi rama wunduwa Sǝku. tkan ƙoƙari da yuweshi da zigi rama gamena Yeso, dari dumaya Musa na ki nabaucin, da pǝdǝk har aduwau. ²⁴ Jǝgab da yardati nak shi na be wara nda ramikshi amman jǝgab in tutubai. ²⁵ Lakwtu wara akshi ba jirewa i gadavakshi bai, se dayi nakshi lakwtu wara Bulus tlan rama iɗak kalma gayi se nunuwa Sǝku da tlam rama da ri nabi Ishaya miyara achi nabaucin i ja afafkin shi ki sǝkur. ²⁶ Rammaya ade i rikshi kwa ram maya, "I kunu kwa gǝndo amman kwa gane to bai na i lawan kwa lawandu amman kwa kǝrǝmto bai. ²⁷ Gada gǝshik ndawa tlamin gara ayiwa. Aguɗ shi tlamangara dukshi, chin na dakshi; Gaɗa a sanuta na dakshi bai da kǝme na aguɗ, Shi da genaci na gǝshak shi ndan da mistina akshi ndan gatakshi takshi ²⁸ Gaɗa sǝn, azgamaya rama Sǝku ndawa iri ndawa mi ziga Sǝku bai, akshi da kǝmi. ²⁹ Lakwtu wara achi ranna siritin se yahudaucin dayi nakshi. A gamɗaya i gadavakshi. ³⁰ Bulus mbasu amman shirin a wunduwa haya. agǝn dǝk nǝn wara de iri gǝri. ³¹ A chi a wazik garva Sǝku, a gugza iɗak mǝgǝnyi Masipu Yeso na kalu bai. Na nǝn mi rotachi bai.