¹ Gusuku Festus tifingiri cidi gu aku yuwan kwan, dayin giri da caesarea har Urshalima. ² Marimdigim Piristauchin na marimamin Yahudaucindanna nanga iɗa Bulus gada Festus, da thlam rama na awayau i Festus. ³ Akshi da jayi Festus i kimar gaɗa Bulus, gaɗa da ɗaracinye Urshalima gaɗa akshidat kinaci iɗak divu. ⁴ Amma Festus dan gumikshi maya Bulus da tausa a kaisariya, achina aɗa girike gususku a katayin giri. ⁵ "Gaɗa kasin ndiwa mi athlan du"acima dayinakshi na ja. In nabe bilanbai na waron, kwan bas tachi. ⁶ Aku irɗi ki yuwan danda fudu ko ki yawan guma, sai dayin giri kaisaraya. Sai ɗa thlanu, dambasin giri ɗa gwajere Shariya sai da ɗawe ndan dikshi Bulus. ⁷ Detin, Yahudaucin da Urshalima darɗi nakshi dantau, sai aksh danna karam sosai mi akshi adumu ta chi yinɗa aɗayim bai. ⁸ Bulus darina aɗagiri, da ram maya. Na thlam be gaɓsha iɗa linok Yahudaucin ko iɗak susu magita ko iɗak kaisar. ⁹ Amman Festus anchu da yuwai hankal Yahudaucin, sai darami Bulus maya, "Kandu kayi hari Urshalima na thla michi shanya iɗak bi tuka?" ¹⁰ Bulus darammaya, "Narɗi kima gwajen shariya kaisar rimi nda thlama shariya. Na thlimti ba yahudi bai kaki yadda kwasgau. ¹¹ Gada in na thlan be bilan bin ko na thlan na be mi nda tik nayu, i nakur mutu bai. Amma in mangakshi aɗa be bai, na nin me da ɗawayu i amikshi bai. Narameci kaisar." ¹² Aku Festus thlan rama na majahisa, da rammaya, "Aɗarima kaisar kwaya nakun iri kaisar. ¹³ Gususku aku yunanin, digim Agrippa, na Bernice zade nakshi ɗa caesar gaɗa zijara iri Festus. ¹⁴ Aku tlapi ritin ki yuwangawan, Festus jina rama Bulus iri digimi daram maya, "Nin dagai ndab zedi akau ri Felix i dilo. ¹⁵ Na kun Urshalima, digim dumaya na gazgaraucin Yahudaucin danna ara warau iri ga, akshi da jayi tik giri. ¹⁶ I ritin na ramikshi maya alada Romawcin bai dabari martapa nini gaɗar dir kima ndak mbastigiri dar ɗi dak ramau. ¹⁷ Gaɗaksin ashi de ɗe thlanin na mbasi ɗa gwajere sharya nda ɗare nin mi ndadedu gu danai. ¹⁸ Luktu ndak thlama ara thla daryi tin da thlam rama giri na tumangu go be mi nda nanga giri aɗau athlab sosai bai. ¹⁹ Gadasin, ackshi da thlam gamɗaya ɗagai na aci gaɗa gaɗa adinakshi na be nda rami ɗa Yǝso mi mutin giri, me Bulus atuman na aro. ²⁰ Najigtina (puzzled) gaɗa na withlgiɗa rama tin na jay a cin ko achi aye Urshlima, nda thlam ci shariya iɗa zada bi tun. ²¹ Amman laktu ndaɗare Bulus nda jih naci diɗa ɗinai digim (Emperor), na ɗawak shi da jipnaci sai ndaji naci ri kaisar." ²² Agrippa da thlam rame Festus, "I ye nanci na kimi nangu." "Anzharin", Festus daram ma kwa kimu na chi. ²³ Sai ɗa thlanu, Agrippa na Bernice danai na ngimuri gawa: akshi danai ku sugu na marimamin askarabu na marimamin ɗagu. Luktu Festus bar Linok gu, ndan dikshi Bulus. ²⁴ Festus maya, "Digim Agrippa, na diwa me aritiku na ja chachak, kwekina nagu; algik Yahudaucin". Chakchak thlan rama na Iyu i Urshalima na rituku cham, Akshi da girnyi da ga ma aci da thlaɓa na aro wambai. ²⁵ Na kima ma aci thlam be mi nda tik giri bai, amman gaɗa aci ɗari garva, na shawarci taɗi giri. ²⁶ Amma Ina be taɓas me na tarnyi i giri bai gada kasin, na de na ri kun, musamma ici digim Agrippa, gaɗa na bi be gawa mi natarnyi idak ramau. ²⁷ Athlaɓa kalkalbai i iyu nayina chin dilo, naba be mi natarnyi ɗa girbai.