¹ Bulus ke da nin gǝri Darbe na Lystra; se so pakuraucin gayi ba ci dlugun Timotawas a riwu, wun amak yahudaucin me bar jirewa; Afik gǝri nǝn Grika. ² Da rama hal gǝri bǝlan i rik yaganaucin wara a kun lystra na i Konium. ³ Bulus ancu dayin gǝri aci, se dami aci dayi da daji na aci gaɗa yahudaucin mi wara a riwu, gaɗa mak akshi zigadu Afǝk gǝri nen Grika ⁴ Lakwtu mi akshi adak dǝvakshi da kun Alkariya, da dlam gabdaɗ i ɗak ɗiga i da be mi wara akshi a ɗigau mi nda tarnikshi da ri mawanaucin gu na ndawa gasgaraucin gu i kun Urshalima. ⁵ Se ndak ɗigau da jǝb sǝkuna na dauza i kun bar jirewa. Akshi da jǝb sǝkuna fatawanke da tlanu wai. ⁶ Bulus na dak rakan gǝri ɗadgi da lardǝk Phrygia na Galiliya, gada nǝnwak Sǝku rami shi ma dayi da dlam wazik tǝlam gu i lardi Asiya. Akshi deu ntutu nye i kun Bithyniya, amman Nǝnwa Yesu da dapci na akshi. ⁸ Se da bǝnci da Mysiya, dan nakshi i kun Alkariya Troas. ⁹ Bulus daiki be ɗagai i kun sǝwan diviɗ: Nǝn Macedoniya da'i daura gǝri a rame ci ma, "A yen i kun Makadoniya ka banaci ja." ¹⁰ Lakwtu mi Bulus ika biwu tunu akshi da sapara nye i Makadoniya zigadu Sǝku daurakshi dayi da dlam wazik herr i ndau. ¹¹ Akshi da tlai da Troas, i kun daragai am, irɗu bai se kun Semo Thrace, da tlanu dan nakshi i kun Neoplis. ¹² Dasǝn se dai na ja kun phillipi, mi wara atu ne marum Alkariya ke Makadoniya, da mi ɗǝka du i kun Alkariya cedik Roma mi tlanikshi aɗa ja sekukuyikun gara ki yǝwan gawa. ¹³ Gafa subduwa jayi naja i akuk da i miya anku, ri ja tumangu ja bi na ri magita. jam mbasu naja ja jǝb rama na amatau mi ani i da gayi. ¹⁴ Amma ɗagai nda daura gara ma, Lidiya, atu a dubut Lomo dew da Alkariya Thyatira, mi ɗiga Sǝku a kurumta ja mǝgǝnyi rǝptu gǝshi gara dampi na ankal gara iɗak be wara Bulus a ramau. ¹⁵ Nda dlamitu Baptisma na yalgara tunu, atu da ramikshi maya in har kwa tenakun kwa barna jirewa na in, gaɗa mǝgǝnyi, wada wǝnduwa ga kwa sukakuyi i riwu," Atu da iyu na hankal ja. ¹⁶ Zam kasǝn, ja tlai jayana ja i wǝnduwa magita, se so ama ɗagai gamgam mik zǝwak da tase ja. Atu dan na riba be mi baci wǝnduwa gara bau da gaza. ¹⁷ Ammangu da jǝb ɗiga Bulus na ja, da jǝb kurwa, ramau ma, dangu guzabcin mǝgǝnyi Kakasǝku. Akshi a ramekun dǝvu raa. ¹⁸ Atu dlam kasǝn ki yǝwan gawa. Amma Bulus, da dlmatǝn gara na atu, da mas ci da rami zǝwak gu ma, "Na ramikun i kun dlugun Yeso kristi averi da tǝka ' Se zǝwak gu da vǝrin gǝri. ¹⁹ Baci wǝnduwa garau i ka dǝvu bi rǝbakshi na bai, da jǝb na Bulus na Sila daji na akshi da kun asak ɗa gu, dadi aya nakshi i kima garva. ²⁰ Lakwtu mi akshi jina akshi i kima garva tunu da ramma, "Ndangu yahudaucin akshi tlatla di ja hankal i kun Alkariya. ²¹ Akshi a gugza be mi wara dlam kalkalbai i ja, da gǝn ko da ɗigi kakai ndak Roma. ²² Se Algu da tli dar'i gaba na Bulus na Sila; nda garva da tlǝmpiyi na kachum shi da vǝrkidu da dawi da gubɗakshi na ngar. ²³ Aku akshi daɗgakshi tunu, da ɗawanakshi i kun dǝlo da gubɗi ndak dǝri dlam hankal na akshi da rawa bai." ²⁴ Lakwtu aci da gabaɗ tunu, babu dir mavgu, dilogu da dawunak shi i kwakunu da taksǝna zǝgǝr shi i kun dumbul. ²⁵ A gadavak dǝviɗ Bulus na Sila da jǝb magita a ruwa Kakasǝku se nda kun dǝlogu mi akshi a kunu a kǝrǝmtakshi. ²⁶ Go tasina se so marǝm ɗa ikun dǝlo gu, se impi vukshi limagu dǝlo gu da dlam rǝb da jiggu na tasuna bai se nakat-nakat mavgi dǝlogu da rupcin gara se sarakak zǝgǝr da kun dǝlo go da fut ki nakshi da pinakshi i ɗa. ²⁷ Babu dǝmai dǝlo gu sartu a yǝwan tla tunu se daiki mafgu dǝlo gu ruptungar; A ci da zimtai kasakar gǝri an ci tikina aɗa gǝri. A ci a tuman ma da kun dǝlo rawa nakshi. ²⁸ Amman Bulus da dlam kurwa da gǝrnyi na awayau ma, "Ka larita adaci bai, so ja, ja rawa bai ja rituku. ²⁹ Babu dumi delo gu da maki petila , da rawai i kun dǝlogu na kalau da vǝgi kǝma Bulus na Silas, ³⁰ daji nakshi vǝda, da ramikshi ma, "Mallamcin na dlam gumo bi ra? ³¹ Akshi da ramici ma, "A bar jirewa na mǝgǝnyi Yeso, ka bina ra naci na ndak wunduwa ci." ³² Akshi da rami ci tǝlam mǝgǝnyi na tike i kun wǝnduwa gǝri. ³³ Se babu dǝri dǝlo gu ngwakshi a lakwtu a kun dǝviɗ da jab jab takshi da vidikshi aci na yal gǝri da dlam dikshi Baptisma a riwu. ³⁴ A ci dan na Bulus na Silas i kun wǝnduwa gǝri da barikshi ta. Akshi da dlam pǝrdai na yal gǝri gaɗa akshi duk gǝn na Seku. ³⁵ Da tlanu tunu, nda garvau danai na tǝlam i baci dǝrǝk delogu ma, "Taɗ na nda tunu dayi nakshi." ³⁶ A ci da ram tǝlam wane i Bulus ma, "Ndak garva wane tǝlam ma na tadnakun kwai nakun" Gaɗa kasǝn a virina kwarda bai: ada i kun salam." ³⁷ Amman Bulus da ramikshi ma, "Akshi daɗgi ja bai, iɗa tike da mi Roma hagatakshi bai, da vǝrki na ja ikun dǝlo; gususku akshi anci daji naja go nǝn zǝgau? kasin bai jire akshi danna na aɗak shi da jija. ³⁸ Baci dimi gu da ram tǝlam Bulus i ndak garvau; ndak garvau da dlamnakshi i kalau. Akshi kǝma ma Bulus na Silas akshi ye da Roma. ³⁹ Se garvaucin gu dani i rikshi da barikshi kanadi: Da ji na akshi da kun dǝlo gu tunu da rami Bulus na Silas ma akshi daivi na Alkariyau dayi nakshi. ⁴⁰ Bulus na Silas da vǝrnakshi da kun dilo gu, dan nakshi i kun wǝnduwa Lidiya. Lakwtu Bulus na Silas ika yaganaucin tunu, da dauzakshi, se akshi daivi na kun Alkariyau.