¹ Na nin ɗagai i kaisarya, baci dlugun Karailiyus aci marum askarabu ki Italiya. ² Aci nin baci kaluku na nakwana na gid wunduwa gǝri, abarar dakda gǝri gawa i Yahudaucin, fatawanke aci baci nakwana i suku. ³ Gafa ɗagai i gǝri karfe kwan kǝ aduwaw, se daki malarika suku i fatata ikum Lawan, datfai in ɗagiri da ramici ma, "Cikarniniyus" ⁴ Aci dapilmala da ikum lakau sukusu da ramicima, masitaci na baraci jingora ikǝma suku, betanaul ke ikǝsiri. ⁵ Awayi iɗa yafa dan da ɗaure Saminu, mi da ɗaurau Biturus. ⁶ Aci danbasu i wundu wa Samini baci kulba ruvuk, mi wan duwa gǝri amiya am. ⁷ Loktu mi malaiku i vina rigǝrin, na askarabu gayi miwara aci a kalau na nakwana a suku dagadava aska rabaucingu wara a dlamawu wana. ⁸ Karniniyus da ram dikshi gid bi miwaar wakatiw, dan da wanakshi i yafa. ⁹ Da tlanutun atka rakanshi, dana dantau na ɗa, se Biturus da gayingiri iɗa susau imaista afa aɗa. ¹⁰ Maya jibna aci, maki da ci beɗagai. Loktumi da buna abingu, se da dlam lawan, ¹¹ se daki dusku rustingara, be ɗagai a fuwayi ka marum Gwadam, datka za rayi da misa gara fudugu. ¹² Ikinu gara na zadak fayin da wanke, dǝk vaga badli, na ɗutatin. ¹³ Se dakam wura ɗagai ma, "Biturus, atli, kan ka ziji aci. ¹⁴ Biturus da ramma, "Kasut kubai migyi; gada galte na ta be miwara haram bai ko bulanbai." ¹⁵ Se da kimi wurauwam, kǝ ki mashirin ram mai, "Bimiwara suku sarka ketidu, karama ma haram bai." ¹⁶ Da dlam su zigir kwan, se damina biwu i dusku. ¹⁷ Biturus atka dalura iɗa lawangu tam tun, natasinabai, dawami karni liyos wane tun, a miya mafgi, gaɗa akshi jayi na wunduwau siram. ¹⁸ Akshin da dlam jaya ma, Simon mi da ɗaurau Biturus ambasi iwunduwa tkubi? ¹⁹ I loktugu Biiturus atka dalura ida lawangu, se nunuwa suku daramicima, "aki dawa a makaci. ²⁰ Atli kiyi na akshi ka dlumta loktubai gada na waneshin iyu." ²¹ Biturus dani iri dawan daram ma, "Ine nin kwa makaugu. Kwaɗe gaɗe gimo?" ²² Se da ramici ma, "Askarabu dagai marum baci dlugun Karniliyos aci baci kakusuku, anakwana i suku, dawa kǝ Yahudaucin gid a rama kǝ haiggiri blan. Malaika suku da ramicima da makeci kana i wunduwa gǝri, gaɗa dakimi rama da miyaci." ²³ Se Biturus da ramikshi datfai dabasi na a ci. Akshi wunitun se da dli puɗuk dayin gǝri na akshi, dakɗiga da yafa ke daɗ ɗigagshi. ²⁴ Da tlanin ntun se da zadai i Kaisariya, Karniliyos ke a dirashi, aci daure na mangitugirina yaganaucin gǝri. ²⁵ Loktu mi Biturus tufi wunduwa giritun, se Karniliyos da gut ki i rizirgiri da dlamawu na kwana. ²⁶ Se Biturus dayina amigiri, da suktaci darami ci ma, "atlinaci! I cam nin kakici." ²⁷ Biturus a ramanaci tun, tufi wunduwaw daki ndawa gawa a dirakshi. ²⁸ Da ramikshi ma, "Kun na aɗakun kasgadu, kakaibai nin bayahudacin dani wunduwa dawa mi Yahudaucin. Aman suku tatka na ɗauri nin wambai, nǝn mina aibu. ²⁹ Gaɗa sutku ne nadau go rama ɗagai, loktu mi kwamakaga. Gada sun ne nanci nakǝmi kwamakaga gaɗa gimo. ³⁰ Karniliyos da ramma, Gusku Yuwan mafuɗu gǝri kere karfe kwan kǝn aduwaw, natka magita i wunduwaga, se naki nin dari ikǝmaga na arawai kare har ɗa. ³¹ Darama ma, 'Kaniliyos, suku gumu dici magitaci, barci i dak tluwa ke kakasku taninaci na atu. ³² Gaɗasu awa nyi dawa i yafa, da ɗaureci din dagai mi da ɗaurau Simon na Biturus. Ambasu iwunduwa Saminu baci kulba ruvuk, I miya amku. ³³ Gaɗa sun na tli dakaɗ, na wa nyi ndawa irici. Ka dlam da kaikal kadetun. Sotaija ja cacpinaja ikama suku, gaɗa jakǝmi bawara waneci na a tu." ³⁴ Biturus da rupci miya gǝri daram ma, jire gusku nasgadu suku akurnin wanbai. ³⁵ Gid ɗawa tawanke na zadak tawanke git baci kalau gǝri, nabaci dlamma kalkal bi ginyi iri suku. ³⁶ Kwasgana rama mikakasku wane i ku tlai Israila, loktu mi wane rama herr dari Masihu Yeso miwara acine suku jawa ɗa tike, ³⁷ Kum na aɗakun kosgana biwakatu, ilardi ɗa Yahudiya, miwara bandeu da Galili, Aku Baptisma mi Yahai dlam wazikgu; ³⁸ wato labar Yǝso kǝ Nazarat, mi suku peci nunuwagǝri da karmai gǝri iɗa gǝri. Da rakinyi atka dlamma herr na gata nata ndawa na di zuuwawun da kak ndawa, gada suku adagayi naaci. ³⁹ Ja saida bidku gid mi aci dlamu i ɗa Yahudaucin na ikun Urshalima, acine Yǝso wara dadki, dak kumaci iɗa dumdliga. ⁴⁰ Acine nin mi suku dla dli da mutu i ɗa yuwan makwan da ɗawaci da dlam gazigayak, ⁴¹ idawa gid bai, se i dawa mi aci cikɗeu da blaɓa saida tun waci, wato ja kenan, mi jatau jashi na a ci aku dlayigǝri da mutu. ⁴² Aci da rami ja ma jayi kun duniya, jadla wazik idawa na jabari seda iɗa aci ne mi suku cikɗeu gada da dlamigǝri baci sharia i ɗa dǝk aro na gamtak. ⁴³ I da gǝrine gid nabaucin barr seida, gaɗa duk nin barjire na cinin abina tupta aipapin shi i kun dlugungǝri. ⁴⁴ Loktu mi Biturus atka ramatku, senunu wasuku dafuwai iɗa ndawa mi a kǝrimtagǝri. ⁴⁵ Se Yahudaucin dak ɗiga mi deu na Biturus da dlam jabta, gaɗa birinunuwa suku fuwen gara i ɗa ndawa mi Yahudaucin bai. ⁴⁶ Gaɗa kǝma ndawa mi Yahudaucin aram na miya dama a sakǝrita suku. Se Biturus dauri ma, ⁴⁷ "Na nin mi wara a dumu dabta am gaɗa da dlami idangu babtisma bai, ndawatku gina nunuwasuku kakija?" ⁴⁸ Se da dlam rama da dlamaikshi baptisma ikun dlugun Yǝso. Se dajayaci da dlam yuwan jiwan jigab irikshi.