1
وقتی عیسی ای دَستوران وِ دوازده تا شاگردش دا، اِز اوچو رَه مین شهرهای دیِه که تعلیم بِه و موعظه بُکُنه.
2
وقتی یحیی مین زندان، کارا مسیحِن فَهمی شاگردا خوشِن فِرستا.
3
تا بِپرسِن آیا تو هامونی که واسکِی بیاهِه یا وا مَندیر کسی دیه بوییم؟
4
عیسی گُو بِرین و هرچِه ایبینین و هرچِه ایشنِوین وِ یحیی بُوگُوین.
5
که کوریَل ایبینِن و لَسما وِ رَه ایرِن جُزامیا پاک وُوینه، کَرا ایفَهمِن مُردیَل زنده ایبون وِ فقیریَل هم بشارت داده ایبو.
6
خوش وِ حال کِسی که مین مُو نَلَغزِه.
7
تا شاگردا یحیی هِی ایرَن، عیسی سی یحیی شروع وِ صحبت کِرد و وِ جِماعت گُود رَهدین سی چه مین بیاوُون؟ سی دیَن یَه نِی که باد هِی تِکونِش ایِه؟
8
اَیَر نَه پَ سی دیَن چه رَهدین؟ سی دیَن میره ای که لَواس نَرم ُ نازک وَرِش بی؟ اونویی که لَواسا نَرم و نازُک وَرِشونه مین کاخ پادشاهیِن.
9
پَ رَهدین چه بینین؟ پیامبرِن بینین؟ ها وِ ایشا ایگُوم که هُو اِز پیامبر بالاتَر بی.
10
چونکه هُو هامُونه که سیش نِوِشتِنه، حالا پیام آور خُومِن جِلُو تو ایفرِستُم که رَهن سیت واز بُکُنِه.
11
آمین وِ ایشا ایگُوم کِه گَفتَر اِز یحیی تعمید دهنده اِز دا نَزاییه ، اما کوچکترین مین پادشاهی آسِمون اِز هُو گَفتَرِه.
12
اِز زمان یحیی تعمید دهنده تا حالا، پادشاهی آسِمون پُر قدرت هِی ایرِه جلو و زورآوَرا هُون ایگِرِن.
13
چونکه همه پیامبرا و تورات تا زمان یحیی پیشگویی ایکردِن.
14
و اَیَر نَخوین بِپَذیرین، یحیی هامو الیاس که واسکی بیاهِه.
15
هَرکی گوش شنوا دارِه ایشنِوِه.
16
ای نَسلُون بُگُوم عِین چِنیِن؟ عِین بَچیَلی هِستِن که ایشینِن مین کیچه و بازار، و وِ یَک وِ دُورن جارایزنن
17
ایگُون. سی ایشا نِی زِیدیم، نَرَقصِستین غَمونه خُوندیم سینه نَزِیین.
18
چونکه یحیی اِوی که نه ایخَرد و نه اینوشی ،گُودِن دیو داره .
19
پسر انسان اِوید که ایخوره واینوشه ایگُون یَ میرهِ کُم پرست وشراوخوارورفیق خِراجگیراوُگُنه کارایه اما حقیقت،حکمته کاراشِن ثابت ایکونه
20
اوسو عیسی سرزَنِشت کرد او شهرایین که بیشترمینشون معجزه کرد بی اماتوبه نکردن بی،
21
اُف وتر خورزین !و اُف وتوبیت صیدا ! چونکه اَیر ای معجزه هایی که مین ایشا بی مین صوروصیدون وُویهء مردمون اوچو خیلی وقت پیش مین هُل و پلاس توبه ایکردن.
22
اما مطمئن بووین مین روز قیامت مجازات صوروصیدون آسونتراز ایشا ایبوه.
23
وُتو کفرناحوم که تا وِ فِلک سر بلند کِردیه،مین جهنم سرنگون ایبویی چونکه معجزاتی که مین تو ووی اَیر مین صدوم بیهء تا امروز باقی ایمند.
24
اما یُن بدونین که مین روز قیومت مجازات صدوم بهتراِز تو تحمل ایبو.
25
هاموسوعیسی گو:ای پدر مالک زمین وآسمون تون شاکرُم که ای حقایقن اِز خردمندا و دونایون پنهون کردی وُ وِبَچیل نشون دادی.
26
ها پدر چونکه شادی تو مین یُو بی.
27
پدر همه چین داده و مووُهیچکس پدرن نیشناسه جز پسر،هیچکسم پسرن نیشناسه جز پدر،وُ کسونین که پسر بخوهه وش نشون ایه.
28
بین تی مو ای کسونی که زحمتکشین و باراتون سنگینه که مو ایشان آسایش ایوم.
29
یُرُکِ مُون وِخوتون بِگرین واِزمو درس بِگرین چونکه ساده و اُفتاده دلوم وُمین جونهای خوتون آسایش پیداایکونین.
30
چونکه یُرُک مو راحته وُ بار مو سِوِک.