¹ A dlama ankal, kwa dlama wana adalta i ri ndawa bai gaɗa daiki kun, kwa dlam kasən nin, kwa bi tumanja da ri afakun mi a kun dəsku bai. ² Gaɗa kasən, kwaye bari sadakta nin, kwa fiya gazhi/shilabai, (or kwa dlama daura gaɗa tike da kəmi bai), kakə mi mənafəkaucin a dlamau i kun ləma ri cacpa yahudaucin na aɗak tarbo, gada akshi da bi sakərta da ri ndiwa. Jire na ramekun, akshi bana tumanjakshi serram. ³ Amman, kwa bari sadaka nin, kwaiva amikun kə madlawai da zegi bee warra amikun kə mataa a təka dlamau bai . ⁴ Gaɗa kwa bari sadaka kun i kun ashərr nin, Afakun mi a lawangu i kun ashərr ke a bari kun tumanja. ⁵ Zam, kwaye magita nin, kwa dlaɓa kakə menafekaucin bai. Akshi rro, a ntuta dlam magita darr'i, i kun ləma ri cacpa yahudaucin , na miya tarrbobin mi beru shirin, gaɗa ndiwa daikakshi. Katanas, jirre na ramekun, akshi gən na tumanjakshi sərram. ⁶ Amman kun, kwaye magita nin, a təfina i dlakwɗak kun. A cimina na miyak səsu kun, kwa dlam magita i afakun mi akun ashərr. Afakun mi a lawangu i kun ashərr ke, a bari dikun tumanja. ⁷ Zam kwa magita nin, kwa jəba saana telam adau-adau bai ke vatku, kakə warra ndiwa mi zəga Seku bai a dlamau, gaɗa aksha tumangu ma, nda kəmu na akshi gaɗa gawa ramakshi. ⁸ Gaɗa kasən, kwa dlaɓa kakə akshi bai, gaɗa afakun zəga na betawanke mi kwa mərradu, damba kwa jayi aci. ⁹ Gaɗa kasən, a dlamina magita kasau: 'Afaja mi a dəsku, dlugunci da dlaba go aipu. ¹⁰ Garvaci danna, a dlam kelele ci duniya kakə mi a dəsku ko ( a dlam nupaci duniya kakə mi a dəsku) ¹¹ A bari ja bik ta ja kə gusku, mi ka baru gafa tawanke. ¹² Atəpti dija aipapinja, kakə mi ja ke ja teptau, i ndawa mi ja ɗəgagshi basa. ¹³ Ka nina na ja i kun jarrapta bai, amman ari ja, da ri kelaɗo tənu. ¹⁴ Gaɗa kwa tupti ndawa aipapinshi nin, afakun ke dəsku ye a tupta na kukun. ¹⁵ Amman kwa tuptu apapinshi binin, afakun ke a tupte kun aipapinkun bai. ¹⁶ Kasən ke, lakwtu mi kwa aasham nin, kwa tərrɓəna janpel kun bai, kaabe nda dlamikun mutu, kakə mi kəlaɗoɗin a dlamau; a tərrbəna na jampelshi lakwtu mi akshi a aasham, gaɗa ndawa da zəgi ma aksha aasham. Jirre na ramekun, akshi gən na tumanjakshi sərram. ¹⁷ Amman kun, kwa aasham nin, a viyina na aɗakun na jampel kun, kwa zuwu dawu merak. ¹⁸ To kasənu, kwa tatke ndawa bai ma kwa aasham, amman i afakun rrugəri mi a kun ashərr. Afakun mi a lawangu i kun asherr ye, a bari dikun tumanja. ¹⁹ Kwa cacpa ləmankun i duniya bai, ri warra kəshashkin na maguraucin a dləmtadu, na ri mi akəraucin a vəgi da dlam kəra. ²⁰ Da miyakasən, ngalko a cacpina ləman kun i dəsku, ri warra kəshashkin ko maguracin a dləmtau bai, ri mi akəraucin ke a dəmu vəgi da dlam kəra bai. V 21 Gaɗa ri mi ləmankun a kunu/riwu, geshakun cam/ke rro a dlaba riiwu. V 22 Daa rro, pətəle teka. Gada kasən, daa ci bəlan nin, təka ci mak a niyan gara na ɓidla ²³ Amman daa ci bəlan binin, təka ci mak aiwa pələk. Gaɗa kasən, bədla warra a kuna cu aiwa pələk nin, gawa pələkgu nanaa! ²⁴ Go nən mi a dəmu guzapəna i nda wənduwa shirin, ko da muwi/kuri na gayi da ntuci/degi na gayu. Na hal bai! Kwa dlam guzapena i Kakasəku na ləman ke i lakwtu gayi. ²⁵ Gaɗa kasən na rame kun, kwa jikta bai gaɗa arro kun, i ɗak bee mi kwaye tau, ko bee mi kwaye sau-ko gaɗa təka kun, i ɗak karre mi kwaye ta'yu. Kane arro ɗəka abən bai, təka ke ɗəka na kacum? ²⁶ Aikina ɗutatin mi a guva desku. Ai akshu a zəgəm bai balle karam, ke aksha cacpau bai i kun gadladlin, amman afakun ke dəsku a dawakshi/barikshi ta. Kane kwa ɗəkakshi bai i marrtapa? ²⁷ To tai da kuna kun gaɗa ndelam geri, a demu na səkuna gawa aman mi Seku mpeci(barrewagenai geri), ko rap dagi yaye? ²⁸ To! gaɗa gəmo kwa ndəlam /kalɓe gaɗa kacum? A dlamina darrurra, i ɗak bəlalimin tlayi petlayayin kun pata ba. Akshi a wana bai, ke a cakau bai. ²⁹ Dək na kasən, na ramekun, ko sulemanu ngun, bau/dlam bedladu kake gayi da kunakshi bai ,i kun saksakta gəri mak. ³⁰ Kakasəku a dlama jage i azum pata, warra a bədladu gusku amman amzharu nda vərkədu i aka nin, to zada jage tawan aye dlame kun, kun nda gangam bari jirewa? ³¹ Gaɗa kasen, kwa dlama ndəlam bai, kwa jəb ramau ma, 'Ja taa gəmo?' ko, 'Ja sa gəmo?' ko, 'Zada kacum tawan ja ta'yu?' ³² Ai, ndiwa mi zəga Sǝku bai ngun a bədiya/maka zada bayangu, afakun kə dəsku rro, zəgadu kun na mərradu. ³³ Amman səkurr a makina garva gəri, na adalta gəri, to bayangu mark nda bari dikun. ³⁴ Gaɗa kasən, kwa dlama ruwawaɗ bai, gaɗa amzharu,amzharu rro a dlama na ruwawaɗ gaɗa aɗagara. Ai gafa tawanke na ngənəpu/ravan gara.