¹ Icimonwa cakwa Obadia. Shikulu Yawe asosa ifi ukulola kuli Edomu; Natumfwa akasebo ukufuma kuli Yawe elyo ne nkombe nakutumine kufyali fyonse. Ukutila, "imeni! Aleni twiminine pali ena ku bulwi!" ² Mona, Ndekulenga ukucepa kunko; we wasulwa apakalamba. ³ Icilumba ca mutima obe na ukubepa, we waikala icakubamo cabe icilibwe, mu nganda iya tumpuka; uwatile mu mutima obe, "Ninani akantentemusha panshi?" ⁴ Nangu walela mu mulu nga kapumpe kaili nangu icisansala cobe caba mukati kantanda, nkakutentemusha panshi ukufuma kulya-Ici ecebo cakwa Yawe. ⁵ Nga cakutila abapupu baishile kuli iwe, nga cakutila baishile ubushiku-yangu we busanso we! Bushe tabaibe ifyo bafwaile ukwiba? Nga abakasenda imyangashi baishile mu kukolonganya baishile kuli iwe, Bushe tekuti bashe ifimono? ⁶ Nga Esau ali uwa kutapwa, ifya Sungwa fyakwe fyali tapwa ukusendewa! ⁷ Bonse abaume abauminkana naiwe bali noku kutamfisha ku shinta naku mupaka. Abaume abali mumutende naiwe bali kubepa, kabili babika iciteyo pali iwe, kabili abo abalya umukate obe babike iciteyo pali iwe. Tapali ukumfwikisha muli ena. ⁸ "Bushe nshili no kuba muli bulya bushiky"- Cisemo cakwa Yawe-"uwa onawile aba mano ukufuma ku Edomu no kumfwikisha palupili lwakwa Esau? ⁹ Abaume ababulamba bali no kutentemuka, Temani, eico icakutila cila mwaume ali nokuputulwa ukufuma palupili lwakwa Esau ukwipaiwa. ¹⁰ Pamulandu wa nkansa iya citilwe kuli munonko Yakobo, uli no kufimbwa ne nsoni, elyo uli no ku fuminishiwako umu pwilapo. ¹¹ Ubushiku mwaiminine fy, ubushiku abeni basendele ifyuma fyakwe; elyo abena fyalo baingile mu mpongolo shakwe, elyo no kupendula pa Yerusalemu, wali umo pali abo. ¹² Nomba nga tawatembile pa bushiku bwakwa munonko, ubushiku bwa bulanda bwakwe, kabili wikasansamuka pa bantu bakwa Yuda mu bushiku bushiku ku bwakonaulwa, wisansamuka ubushiku bwa kumanama. ¹³ Mwiingila pa mpongolo ya bantu bandi mu bushiku bwa Kayofi; kabo mubushiku bwa ku bongoloka mwisampa ifyuma fyakwe mu bushiku bwa kayofi kabo. ¹⁴ Wiiminina apa mansansa ya nshila ukuputula imbutushi shakwe, elyo mwitwala uko abapusuka bakwe mu bushiku bwa kumanama. ¹⁵ Pantu ubushiku bwakwa Yawe buli mupepi pafyalo fyonse. Nga fintu wacita, fikacitika na kuli iwe; ificitwa fyobe fikaba pa mutwe obe. ¹⁶ Pantu nga fintu wa nwa pa lupili lwandi ulwa mushilo, eico fyonse ifyalo fikanwe mu kukonkanyapo. Kabili bakanwa no kumina elyo cikaba nga abantu aba shaliko. ¹⁷ Pantu pa lupili lwa Sioni pakaba abo ababutwike, elyo cikaba ica mu shilo, elyo ne mganda yakwa Yakobo ikakwta ifyuma fyaiko. ¹⁸ Inganda yakwa Yakobo ikaba umulilo, elyo ne nganda yakwa Yosefe ici mbilimbili, elyo ne nganda yakwa Esau ikaba ifisoso, elyo fikocewa, elyo no ku minwa. Takwa kabe uwa mweo ku nganda yakwa Esau, pantu Yawe nasosa. ¹⁹ Abantu ukufuma ku Negebu ba kapokolola ulupili lwakwa Esau, elyo abantu ba kua samba bakapokolola impanga yaba Pelishiti. Bakapokolola impanga yakwa Efraimu elyo ne mpanga ya bena Samaria, elyo Benjamini akapokolola Gileadi. ²⁰ Ba nkole ba mu bashilika ba bantu bakwa Israeli bakopoka impanga ya Kenani no kwenda ukutali ukufika naku Sarefati. Ba nkole ba mu Yerusalemu, abali mu Separadi, bakapokolola imisumba yaku Negebu. ²¹ Ukupokololwa kukaba ukufika ku lupili lwa sioni ukuteka ukucila ku tupili twa calo cakwa Esau, elyo no bufumu buli noku ba kuli Yawe.