¹ Umo uusalanganya aleisa pali iwe. Cingilileni ifi bumba fya musumba, moneni imisebo, kosho umusana, kosha capamo amaka yobe. ² Pantu Yawe alebwesesha ukupulama kwakwa Yakobo, kwati kupulama kwa kwa Israeli, nangu aba kubongolola ukubabweshamo no konaula imisambo ya myangashi yabo. ³ Ifya kusokelako abaume ba bulamba fili ifya kukashika elyo na bashilika nabafwala kashika ce; ama celeta yabeka nefyela fya mukuba pa bushiku ba ebwa ukuopekanya, naba kafwalo na mafumo baleya sumbula ukusunsha mu mwela. ⁴ Amaceleta yalebutuka mu misebo; yale butuka mu kwangufyanya ukubwelela yalebutuka mu misebo yalemoneka nga amalaiti, elyo yalebutuka nge myele ya nkuba. ⁵ Alebukisha abakankala bakwe; baipununa pali cila umo no mubiye mu kuya kwabo; ba langufyanya ukuya mu ku sansa icinga lya musumba. Inkwela ikalamba yapekanishiwa iku cingilila abo abakusansa. ⁶ Impongolo sha pa mumana sha patikishiwa ukwisula ne sano lyawa. ⁷ Na mfumu Husab afulwa elyo no ku sendwa; aba bomfi bakwe abanakashi ba losha nge nkunda, baleumaula pa mabele yabo. ⁸ Ninibe ali nge cishiba ca menshi cilesuma, abanhtu bakwe ukubutuka nga amenshi yalebutuka Bambi balepundisha, "iminina, iminina" takuli naumo alebwelela. ⁹ Tapeni ifipe fya silfere, tapeni ifipe fya golide, pantu takuli impela ku fipe fyonse ifya pekanishiwa, kubukata bwa fyonse ifya wama. ¹⁰ Ninibe ali uwa bulwa; ukubulwa noku citwa ama popo. Umutima wa uuli onse uwa sunguluka, uuli onse amakufi yakwe ya tutuma pamo, elyo yashikitika mu misana yonse; ifinso fyabo finso fyawa. ¹¹ Ilikwi nomba inimba sha nkalamo, icifulo uko abana ba nkalamo ukwa kulilako, icifulo ico inkalamo ne nkalamo nkota shenda, no twana twa nkalamo, uko tabaletina nangu kamo? ¹² Inkalamo yalepaula abalwani baiko tupimfya tupimfya ku bana baiko; yalitakanya abalwani baiko ku nkalamo nkota yaiko, elyo ukwisusha ubwendo bwaiko ifya kutakanya umwa kulala mwa iko isha lepailwa imipusa yanama. ¹³ "mona, nakwalukila iwe-ici cisemo cakwa Yawe wa milalo. Ndo no koca ba kafwalo bobe mu cushi, elyo ulupanga lu kepaya abana ba nkalamo. Ndi no kuputula ne cakutakanya cobe nka cifumya mu mpanga, elyo na mashiwi ya nkombe yobe taya komfwike kabili.