¹ Landa KUli ba ndume yobe, 'iwe bantu bandi!' Kabili nakuli ba nkashi yobe, 'namulangwa inkumbu.' ² Leteni ubupingushi kuli banyina, leteni ubupingushi pantu tali mukashi wandi, nangu ine nshili mulume wakwe. Lekeni aleke bacilende umwine eka, ne misango yabulalelale pakati ka mabele Yakwe. ³ Nga teifyo, nkamufula ubwamba no kulalnga ubwamba bwakwe nga filya ali pa bushiku afyelwe. Nkamupanga nge chiswebebe, nge mapanga iyapya, kabili nkamulenga ukufwa ku cilaka. ⁴ Nshakakwate uluse kubana bakwe, pantu bana bamubucende. ⁵ Pantu nyina ali ni cilende, kabili ilyo abemite cali ca nsoni sana. Atile ati, "nkakonka abatewmwikwa bandi pantu balampela umukate na menshi, ubutonge bwandi ne pula, amafuta no kunwa." ⁶ Eico nkapanga icimpusa nkacilike ne myunga. Nkakula icibumba pakuti ekakwata apakupita. ⁷ Akakonka abatemwikwa bakwe, lelo takabasange. Aka bafwaya, lelo takabasange. Elo akatile, "nalabwelela ku mulume wandi wa pakubala, pantu cali bwino kuli ine ukucila pali ino nshita." ⁸ Pantu ena taishibe ukuti nine namupe ingami, umwangashi upya namafuta, kabili uwafushishe silfere na golide ifyo balebomfya kuli Baali. ⁹ Eico nkapoka ingano pakusombola, no mwangashiuupya mu nshita yaiko. Nkapoka na masako yandi ya mpanga ifyo abomfeshe pakufimba pa bwamba bwakwe. ¹⁰ Elo nkamufula akashale ubwamba mu menso ya bacende bakwe, tapali nangu umo akamupokolola mu maboko yandi. ¹¹ Nkapwisha konse ukusangalala kwakwe-ifya imitebeto, ifyakusefya umweshi upya, na masabata, kabili na fyonse ifya kusefya fyonse. ¹² "Nkonaula amabala ya myangashi ne fimuti fya mikunyu, elyo asosa atai e malipilo yandi ayo abacende bandi bampele.' Nkabapanga impanga. ¹³ Nkamusunkila ku mutebeto wa nshiku shakwa Baali, ilyo akoca ifya cena kuli bena, ilyo aifwika imbala minwe ne fisamo kabili aile ku bacende bakwe nokusha ine-cisemo cakwa Yawe." ¹⁴ Eco moneni nkamubeleleka. Nkamuleta mumatololo kabili no kulanda mukunakilila kuli ena. ¹⁵ Nkabwesha kuli ena amabala ya myangashi, kabili no mupokapoka wa Akore ukuba umwinshi wesubilo. Akasuka ine kulya ngefyo acitile mu nshiku sha bumusepela bwakwe, nga filya cali mu snshiku afuminemo mu calo ca Egupti. ¹⁶ "Cikaba ni muli shilya nshiku-cisemo cakwa Yatwe-elyo ukanjita ine,'mulume wandi, ' kabili tawakanjite ine 'Baali wandi.' ¹⁷ Pantu nkafumya amashina yaba Baali mu kanwa kakwe; amashina yabo tayakebukishiwe nakabili. ¹⁸ Pali bulya bushiku nkapanga icipangano kuli bena ne fiswango mu mabala, ne fyuni mu mulu, kabili ne fikulika pa mushili. Nkafumyapo ubuta, ulupanga, no bulwi paco, nkakulenga ukwikala panshi mu mutende. ¹⁹ Ndelaya ukuba umulume obe umuyayay. Nalaya ukuba umulume mu bulungami, mu mulinganya, mu cipangano caicetekelo, kabili mu luse. ²⁰ Nkaipela nemwine mu cicetekelo, kabili ukeshiba Yawe. ²¹ Pali bulya bushiku, nkasuka-icisemo cakwa Yawe-nkasuka imyulu, kabili nabo bakasuka isonde. ²² Isonde likasuka ingano umwangashi upya na mafuuta, kabili bakasuka Yesreele! ²³ Nkabyala ena nemwine mu calo, kabili nkakwata uluse. Pali Lo-Ruhamah. Nkalanda kuli Lo-Ammi, 'muli bantu bandi,' Kabili bakalanda kuli ine, 'niwe Lesa wandi."