¹ Efraimu ekishiwa no mwela no kusupila no mwela wa ku kabanga atwalilila ukusandulula ubufi nelyo ne fyongo. Balapanga icipangano na Ashuri no kusenda amafita ua miofe ku Egupti. ² Yawe nao ali nomulandu pali Yuda ali no kukanda Yakobo pafyo acita; akamulipila pa micitile yakwe. ³ Munda Yakobo aikete munyian wakwe ku citende, na mubukalamba bwakwe alishombweke na Lesa. ⁴ Alishombweke na Malaika no kucimfya. Akumene na Lesa pa Betele; palya Lesa alandile nankwe. ⁵ Uyu e Lesa, Lesa wa milalo; "Yawe" eshian ali nokwitwa. ⁶ Eico bweleleni kuli Lesa wenu. Sunga icipangano cabucishinka no mulinganya no kutwalilila ukulolela Lesa obe. ⁷ Uwa makwebo ali nefyakupiminako ifya bufi mu maboko yakwe; batemwa nokucita ifyabucenjeshi. ⁸ Efraimu atile, "icine cine nimba uwacindamisha; ninsanga ubunonshi nemwine. Conse ica mukubomba kwandi tabakasangemo amampulu ayali yonse muli ine, ico conse icili lubembu." ⁹ "Nine Yawe Lesa obe ukufuam mu calo ca Egupti. Nkakulenga nakabili iwe ukwikala mu mahema ngefyo cali mnshiku shasontwa isha mitebeto. ¹⁰ Nasosele kuli bakasesema nalibapela nefimonwa pali imwe. Mukuboko kwaba kasesema napele imilumbe. ¹¹ Ngamulimo ububifi muli Gileadi, tabali abacindama. Mu gilgali batula bacilume ba ngombe amalambo; ne fipailo fyabo fikaba nge mina ya mabwe mumikowa ya filime. ¹² Yakobo alifulumukile mu calo ca Aramu; Israeli ali bombele mukukwata umukashi; kabili alesunga umukuni wa mpanga pakukwata umukashi. ¹³ Yawe afumishe Israeli mu Egupti na kasesema, na kasesema alibasakamene. ¹⁴ Efraimu alikalifye Yawe pamaka. Eico shikulu wakwe akasha umulopa wakwe pali ena elyo akapilibuka pali ena no musebanya wakwe.