¹ Pantu mwebo mwebene mulishibile, ba munyinane, ukweba ati ukwisa kwesu kuli mwebo takwali kwafye. ² Lelo, ngefyo mwishibile, nangu twalipitile mukucula no kusebana ku Filipi, twalipamine muli Lesa wesu ku kulanda kuli mwebo imbila nsuma yakwa Lesa mu kupilikita ukwingi. ³ Pantu ukukonkomesha kwesu takwali kwa mukuluba, nangu mukukowela, nangu mukulufya. ⁴ Lelo, ngefyo twasuminishiwa kuli Lesa kukuba aba cetetekelwa ku mbila nsuma, efyo tulanda, temukusekesha bantu, lelo ni Lesa. Ena eupima mitima yesu. ⁵ Pantu tatwaishile ne fyebo fya kunakilisha, ngefyo mwishibile, nangu akabepesho kakufimba pakaso - Lesa ekambone wesu. ⁶ Nangu tatwalikufwayo lulumbi ukufuma kubantu, nangu kuli mwebo nangu ku bantu bambi. Nga twalipokele amaka ngabantumwa ba kwa Kristu. ⁷ Pakuba na maka ya kufininina fwe batumwa bakwa Kristu. Lelo, twali aba kunakilila mukati kenu ngefyo nyina uukotalalika abana bakwe. ⁸ Muli iyi nshila twafulukile mwebo. Twali temenwe ukwakana nemwe tembila nsuma yakwa Lesa yeka lelo pamo ne myeo yesu ine. Pantu mwalishile kuba abatemwikwa kuli fwebo. ⁹ Pantu mwebo mukoibukisha, bamunyinane, ukucucutika kwesu no kucululuka. Ubushiku na kasuba twali kubomba pakweba ati twititikishapo nangu umo pali mwebo ulo twali kubila kuli mwebo imbila nsuma yakwa Lesa. ¹⁰ Mwebo muli bakambone, na Lesa pamo, ifyo twali no mushilo, ubulungami, na babula akalema efyali umusango wesu kuli mwebo mwe batetekela. ¹¹ Muli nshila imo ine mwebo mwalishiba ifyo fwebo twali na cila muli umo uwa muli mwebo, ngefyo wishi na bana fye bakwe, ¹² ukumikonkomesha mwebo no kumikoselesha no kweba mwebo ukwenda mu mibele iyo iya wamina Lesa, uumita mwebo mu bufumu bwakwe na mu bukata. ¹³ Pali uyu wine mulandu na fwebo tutasha Lesa lyonse fye, icakweba ati ulo mwebo mwapokelele imbila yakwa Lesa iyo mwebo mwaumfwile kuli fwebo, mwebo tamwaipokelele nge cebo ca muntu, lelo ngefyo cili ica cine, icebo cakwa Lesa, ico icikobomba muli mwebo mwe bakotetekela. ¹⁴ Pantu mwebo, bamunyinane, mwaishile kuba abakupashanya inkuta shakwa Lesa isha mu Yudea muli Kristu Yesu. Pantu nemwe mwaliculile fimo fine ukufuma kuba Luko lwenu, ngefyo bacitile ukufuma kuba Yuda ¹⁵ abo abaipeye bonse Shikulu Yesu na bakasesema, no kutamfya fwebo. Tabali kusekesha Lesa. Lelo, bali abankalwe ku bantu bonse. ¹⁶ Bali kukanya fwebo kulanda ku bena fyalo ukwebati bapusuke. Ififumamo fyakweba ati lyonse fye besushiwamo imembu shabo ku nshita pe. Lelo ubukali bukababangilila mu kulekelesha. ¹⁷ Lelo fwebo, bamunyinane, twali patukileko kuli mwebo pa kashita akanini, mu mubili te mu mutima. Twalifulukishe, no kukabilisha ukumone finso fyenu. ¹⁸ Pantu twalikufwaya kwisa kuli mwebo - lelo nebo, ne Paulo, libili libili - lelo Satana alitucilikisha. ¹⁹ Pantu isubilo lyesu nindo, nangu insansa, nangu icilongwe cesu icakutakishishapo cinshi ku cinso cakwa Shikulwifwe Yesu pakwisa kwakwe? Bushe tali nimwe bene? ²⁰ Pantu mwebo muli bukata bwesu kabili insansa shesu.