¹ Ntheura, pakuti tazingiliskika na muzinda ukulu wa bakaboni,tiyeni titaye uzito bose na ivyo vikutikolera lubuto ku zakwananga.Tiyeni ticimbire chipharizhano icho chili panthazi pinthu na mtima wakuzika. ² Tibike mtima yinthu kwa Yesu,chiyambi na mutozgi,wachipulikano.Pakuti chimwemwe chikabikika pa iye uyo wakazizipizga mphinjika,kuyizomelezga kulengeskeka,wakakhala kuboko lamavyero gha mupando wa chifumu. ³ Sono ghanaghanilarupo pa iye uyo wakazizipizge bakwananga abo bakasuskananga naye,kuti mleke kuvuka mu mtima yinu nakulekelezga panthowa. ⁴ Mundakanepo panji kulimbalimbapo ku kwanananga kufikira kuthira ndopa; ⁵ nakuti, mwaluwa chikhudirizgo,chakunena imwe kuba bana: "Mwana wane,ungapepulanga kulanga,kwa Fumu,nanga nkuvuka para ukususkika na iye." ⁶ Pakuti Fumu yikulanga waliyose uyo yikutemwa,ndipo yikutyapura mwana yose uyo yapokera. ⁷ Khwimani nawo masuzgo kuti chibe chisambizgo cha nkaro yiwemi .Chiuta wakuchita na imwe umo wakuchitila nabana.Pakuti nimwana uli uyo wise wake wakuleka kulanga? ⁸ Kwene para mulije kulangika uko banthu bose bakupitamo,ipo kasi ndimwe bana bamuulebi ndipo ndimwe bana bake chara. ⁹ Mwakupitirizgapo,tikaba nabo badada bachimunthu abo bakatilanga ise ndipo tikabachindikanga iwo.Nkhwakuruska nadi kuti timuchindike uyo ni Dada wa vya mizimu na kuba na umoyo? ¹⁰ Ba dada binthu bakatilanga ise kwa nyengo yifupi kulingana na umo bakachigaruzila nchakwenelera.Kwene Chiuta wakutilanga ku uwemi winthu,mwakuti tisangane naye mu urunji wake.Kulije ¹¹ kulije kulanga kwakuoneka kwakukondweleska panyengo yila,kwene nchakubada.Kwene panthazi pake chikubala chipaso cha mtende mu urunji kwa abo basambizgika mu ichi. ¹² Sono khozgani mawako ghinu agho ngakulendela na makongono ghakulefuka. ¹³ Nyoloskani nthowa ya mayendero ghinu mwakuti abo mbakulemara baleke kugweduka kwene bachiliskike. ¹⁴ Penjeskakani mtende na watiyase,na urunji chifukwa kwambula ichi kulije najumoza uyo wangakaona Fumu. ¹⁵ Bani ba tcheru kuti nanga njumoza wasobe uchizi wa Chiuta,ndipo kubovye msisiwambuto yiheni iyo yingakula kakwiza na suzgo,mwakuti banandi baleke ku tangwanika nayo. ¹⁶ Bani ba tcheru,kuti paleke kuba munthu muheni muchiwele-wele panji kuleka kuchindika Chiuta ngati ni Esau,uyo wakagulisa mazaza gha wala wake na mbale yimoza ya sima. ¹⁷ Pakuti mukumanya kuti pamanyuma pake,apo wakakhumba kuhara chitumbiko chake,wakakanika,chifukwa wakabevye mwabi wakulopa,nangauli wakachipenjeseska na kulila masozi. ¹⁸ Pakuti mwiza ku phiri ilo mungalikhwaska chara,phiri lakubuka moto,mudima,chofyo,na kavumba. ¹⁹ Mundize uko mbata yikulilamnesi uko lizgulikuyowoya mazgo agho bakubapulika bakapempha kuti kuleke kubaso lizgu linyake kuyowoyeka kwa iwo. ²⁰ Pakuti wkatondeka kuzipizga icho chikalangulika: "para nanga ni chibeto chakhwaska phiri,chikwenela kudinika na malibwe."** Malembo ghanyake ghakale ghakubelengeka,para nanga nchibeto chakwaska phiri chikwenela kudinika na malibwe panji kulasika na muvwi.** ²¹ Kaonekelo aka kakaba kakofya chomene mwakuti Mozesi wakati,"Nafyeka ndipo nkunjema." ²² Kwene,mwiza ku phiri la Ziyoni na ku msumba wa Chiuta wa moyo,Yelusalemu wakuchanya,naku bangela banandi-nadi masauzande abo bali pa phwando. ²³ Mwiza ku ungano wa bana bakwamba mu banja,abo mazina ghaba ghalembeka kuchanya.Mwiza kwa Chiuta.Mweluzgi wa bose, na ku mizimu ya barunji abo batozgeka kwakufikapo. ²⁴ Mwiza kwa Yesu muphemaniski wa phangano lipya,na ku ndopa zakumijika izo zikuyowoya makola kuluska ndopa za Abelu. ²⁵ Wonani kuti mukumukana chara uyo wakuyowoya.Pakuti usange bakaleka kuponoskeka apo bakakana uyo wakabachenjezga pano pa charo,kwakuluskaso tizamuponeskeka yayi para tikulabiska kunyake kufuma kwa uyo wakutichenjezga kufuma kuchanya. ²⁶ Panyengo yimoza lizgi lake likagwedezga charo,kweno sono walipangana nase ndipo walikuti,"Nyengo yinyakeso nizamukuwedezga charo cha pasi pera yayi,kwene na charo cha kuchanya wuwo." ²⁷ Mazgo agha,"Nyengo yinyakeso,"ghakung'anamula kufumyapo kwa vinthu ivyo vingasunkhunyika,icho nikuti,pavinthu vyakulengeka,mwakuti,mwakuti vinthu ivyo vingasukhunika yayi vizakhalilila. ²⁸ Ntheula,kupokera ufumu wambura kusunkunika,tiyeni mukuonga na mukobilo aka tisope Chiuta kumuchindika na kumuopa. ²⁹ Pakuti Chiuta winthu ni moto wakumyangura