¹ Mu buku lakwamba nkhalemba Theophilusi,nkhayowoya vinthu vyose ivyo Yesu wakamba kuchita na kusambizga, ² mupaka zuba ilo wakatolekela kuluta kuchanya,apo wakati wapereka langulo kupitila mwa mzimu mtuba kwa Bapositoli abo wakachema. ³ Pakujumpha visuzga vyake,wakajipoleka yekha wamoyo kwa iye na ukabono unandi.Pa mazuba 40 wakawonekala kwaibo na kuyowoya za Ufumu wa Chiuta. ⁴ Apo wakakumanaga pamoza nawo, wakabalamulila kuti baleke kufuma mu Yelusalemu, Kwene balindizye phangano ya Adada, pa ivo wakayowoya, "mukapulika kwa ine ⁵ kuti Yohane nadi wakabatiza na maji, kwene imwe mubatizike na mzimu mutuba mumasiku yadoko." ⁶ Apo bakaungana pamoza bakamfumba kuti,"Fumu, kasi iyi ndiyo nyengo mwamku uskila Ufumu kwa Bayisalayeli?" ⁷ Wakati kwaiwo, "Nkhwa imwe chala kumanya zinyengo panji mzauba ivyo badada bali kukhumba mu nkhongono zabo. ⁸ Kwene mwamkupokela nkhongono pala mzimu mutuba wafika pa imwe,ndipo mwamukuba bakaboni bane mu Yerusalemu na muyudeya yose na mu samariya, na kuwumalilo wa chalo. ⁹ Äpo Fumu Yesu wakati wayowoya ivi, apo bakabekanga kuchanya,wakatolekela kuchanya,ndipo bingo likamubisa kumaso kwaibo. ¹⁰ Apo bakaba bakulabiskiska kuchanya apo,wakalutanga,mwamabuchi,banalume babili ba kimilila pamoza nawo mu vyakuvwala vituba. ¹¹ Bakati, Imwe madoda ba ku Galileya kasi mukwimililachi apa apo mukulabiska ku chanya?Yesu iyo mukumuwona wakutolekela ku chanya, wa zamkwizaso chimoza pela umo mukamuwonela wakukwela ku chanya. ¹² Ntheula bakawelela ku Yerusalemu kufuma ku lupili la Maolive ila lili pafupi na Yerusamu,ulendo wa zuba limoza la sabata. ¹³ Apo bakafika bakakwelela pa chipinda chapachanya,apo bakakhalanga.Bakaba Petrosi,Yohane,Jemusi,Andreya,Philipi,Thomasi,Batholomoyo, Mateyo,Jemusi mwana wa Alifeyo,Simoni muziloti,na Judasi mwana wa Jemusi. ¹⁴ Bose bakaba bakukolelezgana kuba yumoza,ndipo bakalutilizga mu kulomba.Banakazi nowo bakabapo,Mariya nyina wa Yesu,na babale bake. ¹⁵ Mumazuba ghala Petrosi wakayimilila pakati,pa babale bake,abo bakaba izo,wakati, ¹⁶ "Mwababale,chikaba chakuzirwa kuti malemba ghafiskike,kuti mzimu mtuba wakayowoya kale na mulomo wa Davide vya Judasi,uyo wakalongozga abo bakakola Yesu. ¹⁷ Chifukwa wakaba yumoza waise ndipo naye wakapokela chigaba chake cha vyakuphindula vya nchito iyi." ¹⁸ (Ntheula mwanalume uyu wakagula munda pa ivyo wakapokela pa uheni wake,na kuwa chamutu,na thupi lake likasweka nakululika,na matumbo ghose pawolo. ¹⁹ Baso bakukhala mu Yerusamu bakapulika ichi,ntheula bakachema munda ula muchiyowoyelo chawo."Akeldama," icho chikung'anamula kuti " munda wa ndopa.") ²⁰ " Chifukwa chilikulembeka mu buku la Masalimo, Lekani nyumba yake yizgoke mayiyi,muleke kuzomelezga munthu waliyose kukhalamo; 'lekani munthu munyake watole malo ghake gha ulongozgi. ²¹ Nchakuzirwa,ntheula,kuti mwanalume yumoza uyo wabanga nase nyengo zose Fumu Yesu wakalutanga na kufuma pakati pinthu. ²² Kwambila pa ubatizo wa Yohane kufika pa zuba ilo wakatolekela kufuma pakati pithu,vikwenela kuba ukaboni withu wa chizguka chake." ²³ Bakabika panthazi banalume babili,Yosefu wakuchemeka Barsabbasi,uyo wakachemekangaso Jusitusi, na Mathiyasi. ²⁴ Bakalomba na kuti,Imwe,fumu,mukumanya mitima ya banthu bose,ntheula vumbulani kuti pakati pa bawili kasi ninjani iyo mwasankha ²⁵ Kutola malo mu nchito iyi na upositoli uwo Yudasi wakauleka nakuluta kumalo ghake." ²⁶ Ndipo bakachita Mayele,ntheula mayele ghakawila Mathiyasi,ndipo naye wakapendekela pamoza na Bapositoli 11.