¹ Usange yumoza wa imwe watondana na munyake,kai wangacicizga wali kuluta kumphala ya bakuwalo pamaso pa mweluzgi wambula kupulikana mumalo mwa batuba ba Chiuta? ² Kasi mukumanya chala kuti bakupulikana bamukuyeluzga chalo?Pala ni ntheula,mwamukuyeluzga chalo,kasi muli bambula ³ kwenelela kuti muyeluzga milandu yakuzirwa kudoko? Kasi mukumanya yayi kuti tamukuyeluzga bangelo?Pa chanya pa ichi,ntheula tingatondeka kuyeluzga milandu ya zuba na zuba? ⁴ Pala ntheula mweruzgenge milandu uwo ngwa pa siku na siku, chifukwa uli mukupeleka milandu nga ni iyi panthazi pa banthu abo balije udindo mu Chalichi? ⁵ Nkhuyowoya ichi kuti mukhozgeke soni kasi palije na yumo pakati pinu mweneuyo wali navinjelu vyakupitilila kuti beluzge mphindano pakati pa babale? ⁶ Kweni nga niwumo kulili,wakupulikana yumoza wakuluta kumphala na kumumanga wakupulikana munyake,ndipo mulandu uyo ngwambula kupulikana! ⁷ Unenesko wakuti pali mphindano pakati pa ba Kristu chikulongola kuti ndimwe bakutondeka kale.Asi nchuwemiko kuzizipizga pa uheni? ⁸ Asi nchiwemi kuzomerezga mwabene kuti mupusikike? kweni mwabanangila na kupusika banyinu,ndipo aba mba bali binu nadi! ⁹ Kasi mukumanya chala kuti bambula ulunji bamukuhala yiyi wufumu wa Chiuta?Mungagomezganga maboza.Bazaghali,ba kusopa vikhozgo,ba lebi,mahule banalume, abo bakutolana banalume pela, ¹⁰ bakawalala balyezi,balobevi,bakugetya balyalya palije na yumoza wa abo bamukuhala Ufumu wa Chiuta. ¹¹ Ndimo banyake ba imwe mukabila kweni sono muli kusukika,muli kuphotoleka,muli kubikika mnthowa na Chiuta mu zina la Fumu Yesu Kristu ndipo na mzimu wa Chiuta winthu. ¹² "Chili chose nchakuzomelegeka kwa ine,"Kweni ni vyose chala ivyo ni vya mphundu.Chili chose nchakuzomelezgeka kwa ine,"Kweni kuti nibengepo muzga wa Chimoza cha ivyo chala. ¹³ Nchakulya nchanthumbo,ndipo nthumbo nayo ni nchakulya,"Kweni kwa Chiuta vilije mphindu vose vibili.Thupi kuti ndakuchitilamo wulebi chala.Mumalo mwake,thupi nda kwa Fumu,ndipo Fumu yipelekenge vya kukhumbikwila ku thupi. ¹⁴ Chiuta mu vyose vibili wakuwuska Fumu nakutiso wazakutiwuska ise na nkhongono zake. ¹⁵ Kasi mukumanya chala kuti mathupi ghinu ni vibalo va Kristu?Kasi sono nditolenge vibalo va Kristu kuti vibili kane na hule?Chala nadi! ¹⁶ Kasi mukumanya chala kuti uyo,wakubalikana na hule wakuba thupi limoza na iye?Nga niumo malemba ghakuyowoyela, "Babili babenge thupi limoza." ¹⁷ Kweni uyo wakubatikana na Fumu wakuba yumoza mumuzimu na iye. ¹⁸ Fumaniko ku wulebi!Kwananga kunyake kuli kose uko munthu wangachita wakuchita kuwalo kwa thupi,kweni munthu mulebi wakunangila thupi lakena lake. ¹⁹ Kasi mukumanya chala kuti thupi linu tempile la Muzimu mutuba,uyo wukukhala mwa imwe, mwene uyo muli naye kufuma kwa Chiuta?Kasi mukumanya chala kuti muli ba imwe mwabene chala? ²⁰ Pakuti muli kugulika na mutengo wukulu.Ntheula muchindikeni Chiuta na mathupi ghunu ** malemba ghanyake ghakale ghakusambilika kuti ntheula muchindikeni Chiuta na mathupi ndipo na mzimu winu ivyo nja kwa Chiuta.Kweni malembekelo ghawemi chomene ghalije kabazgikilo aka.