¹ Ndipo ine, babali,kuti nkhayowoya namwe nge nibanthu abo bali mmzimu chala,kwene nge mbanthu ba munthupi,nge mbana badoko mwa Khristu. ² Nkhamupani mkaka,kwene kuti chakulya chinono chala,pakuti mukaba bakunozgekela chala;Ndipo uli nanga nisono kuti ndimwe bakunozgeka chala. ³ Pakuti imwe muchali mu nthupi.Apo sanje na kulimbana vili pakati pinu,asi mukukhala nge ndimwe ba munthupi,ndipo asi mukwenda mu nthowa za banthu navmu bose bakukhalila? ⁴ Pakuti palla munyake wakuyowoya kuti, "Ine nkhulondezga Paulosi,"ndipo munyake wakuyowoya kuti, "Ine nkhulondezga Apolosi,"ndiko kuti mukukhala nge mbanthu waka yayi? ⁵ Ntheula kasi Apolosi ninjani?Paulo ni njiani?Batebeti abo imwe mukagomezgelamo, kwa iye namunyake uko Fumu yikapeleka milimo. ⁶ Ine nkhapanda,Apolosi wakanthilila, kwene Chiuta ndiye wakavikuzga. ⁷ Ntheula, uyo wakupanda panyake uyo wakunthilila walije kanthu.Pakuti ni Chiuta wakukuzga . ⁸ Ntheula uyo wakupanda na uyo wakunthilila mbamoza pela,ndipo wali yose wamupokela malipilo kulingana na nchito iyo wachita. ⁹ Pakuti ise tose tili banchito ba Chiuta. Imwe ndiwe munda wa Chiuta,Nyumba ya Chiuta. ¹⁰ Kulingana nawezi wa Chiuta uwo wakanipa nge nimumanyi kuzenga,nkhapanga lufula ndipo munyake wakuzenga pachanya pake.Kwene munthu wabe na chelu apo wakuzenga. ¹¹ Ntheula kulije wakapanga lufula kupambana na ilo lili kukhazikiskika kale, ilo ndi Yesu Khristu. ¹² Ntheula pala yunji wakuzenga pa lufula na Golide,Siliva,malibwe ghakung'animila,chikuni,uteka,panyake mapekesi; ¹³ Nchito yake yizamuwonekela,chifukwa ungwelu wazuba ndiwo uzamuwoneska ichi.Uzamuwoneska ichi mu moto.Moto uzamuyezga nchito zamunthu izo wakachita. ¹⁴ Pala nchito ya munthu yizamukhalilala, wazamupoka njombe; ¹⁵ Kwene pala nchito yamunyake yizamuwocheka,iye wazamutolapo kanthu chala,kwene iye mwene waza muponoskeka,nga nipala wachimbila kufuma mu moto. ¹⁶ Kasi imwe mukumanya yayi kuti ndimwe Tempile la Chiuta ndipo Mzimu wa Chiuta wakukhala mwa imwe? ¹⁷ Waliyose uyo wakunanga Tempile la Chiuta, Chiuta wakumunanga munthu yula, chifukwa Tempile la Chiuta ndi tuba, ntheula ndimo mulili. ¹⁸ Lekani munthu waleke kujipusika iye mwene. Pala yunji pakati pinu wakuganiza kuti ngwa mahala mumubadyo uwu, lekani wabe "Muzeleza"mwakuti wazgoke wa mahala. ¹⁹ Chifukwa - mahala gha chalo ichi mbuchindele kwa Chiuta.Pakuti chili kulembeka, "Ba mahala wakubakola mu ulyalya wabo." ²⁰ Ndiposo uli, "Fumu yikumanya kuti kuganiza kwa ba mahala kwa waka." ²¹ Pa chifukwa ichi,lekani waliyose waleke kujitukumula mu banthu. Vose vinthu vinu. ²² Panyake Paulosi,pake Apolosi,pake Kefasi,pake Chalo,pake umoyo,pake nyifwa,pake vinthu vilipo sono,pake vinthu ivo vingiza kunthazi. Vose vinthu vinu, ²³ ndipo imwe ndimwe ba Khristu, ndipo Khristu ngwa Chiuta.