¹ Le caa dzooc u t'an leti yetel Saule', u pixan Jonatan taak tu pixan David, Jonatan tune tu yabita bey u yabitmilubae. ² Saul tu ch'aa David u kosinte ti le kin jeeloo; letie' ma' tu chau sut tu yotoch u tatai. ³ Beytuno' Jonatan yetel David tu nuup-utaano' ti yet polil men Jonatane tu yabita bey u yabil mil u cuxtale. ⁴ Jonatan ti tzela u nok u dzaamo', caa tu dza ti David yetel u armas, beyxan u espada, u arco yetel u kaxnac. ⁵ David cu bin jeen tux caa tuxtac men Saule', udz cu bin ti Saul tu dza yoko le maacoo cu bateiloo. Lelo maalo' yilal men le cajo, tac tu yich u meyajoo Saul. ⁶ Le caa sunajoo tu yotochoo le caa dzooc u jadzcoo le filisteoso, u cooleliloo tu lacal u cajiloo Israele taloo, tun kayoo tun yokoltoo, tial u yiloo ajau Saul, yetel tamborines, yetek quimac olal yetel u nuuculil musicaoob. ⁷ Le cooleloobo cu paxoo yetel cu cayoo tu batzilubaoo letioobe bey u kayooba:"Saul tu quinsa u miles, Davide' u diez miles". ⁸ Saule p'uuji ma' udz tu xiquin le kaya. Letie' tu yaala':"letioobe dzuu dzicoo ti David diez miles, baale ti tene chen miles cu dzicoo ¿Baax u jeel cun yantal ti wama' le ajawil? ⁹ Le cajic te kin jeelo bey binico tu yila' jelaani, David. ¹⁰ Tu jeel kine un tul pixan kas tu tuxta Dios luub yokol Saul, caa p'uu sacachtan ichil u nai. Beytuno' David tu p'axa u pax, jeen bix u meetic sansamale. Saule u machmu' lanza tu kab. ¹¹ Saul tu pul u lanza men tu tucla':"Quin loomic David ti le paka'". Baale Davie' p'uudz tu tan Saul caaten. ¹² Saul tu ch'aa saaquilil ti David, men yuntzile'tian yetele, baale minaan tu caaten yetel Saul. ¹³ Beytuno' Saule' tu tzela' tu tan caa tu dza nojchil ti mil huachoo. Beytuna David cu jokol cu jokol tu tan le cajo'. ¹⁴ David cu ch'ijil ti tu lacal u bel, men yuntzile' tian yetele'. ¹⁵ Le caa tu yila Saul tun muuklantle, tu ch'aa saquilil ti leti. ¹⁶ Baale tu lacal Israel yetel Juda' u yabiltma' caach David, men letie' cu yocol cu jookol tu taanoo. ¹⁷ Beytuno Saule tu yaala' ti David:"Jeel in ch'upupal nojocha' Merab. Quin dzic tech a watante. Chen in kat caa xich'aba ma a meleni' in tial caa baatet u bateiloo yuntzil. Men Saul cu tuclique:"Ma' ten quin quinsiqui, u kab le filisteoso'." ¹⁸ David tu yaala ti Saul:"¿Max xen ten, baax in cuxtal, wa max in laakoo ti in tata tee Israela', tial cu jaaninten le ajawo'? ¹⁹ Baale' le caa kuch u kin ti Merab, u ch'upubal Saul najmal u dzaabal ti Davie', letio' tu dzaa ti Adreil, meholatita u yatante'. ²⁰ Baale Mical u jel u ch'upupal Saul tu yabilta David. Aalaati' Saul, lelo' udz cha tu t'an. ²¹ Caa tun tu tucla:"Quin dzic ti leti, bey coon kal ti un taabsa letio, beytuno u kab filisteos cun luubul yokol". Beytuno Saul tu yaala' ti David tu caaten:"Teche' yan in jaanintqueech". ²² Saul tu tuchita' ti u meyajoo:"T'anenex yetel David chen tu juun, aaleex ti:"Pacte, le ajawo' cu tzicquech yetel tu lacal u meyajoobe u yabil mechoo. Bejla' tuna, metaba u jaan le ajawo." ²³ Beytuno' u meyajoo' Saul tu yaalo le t'ana ti David caa tu yaala':"¿Chan baala a tialeex, caa u jaaninten ajau, jeebix ten xiib itzilena yetel mix bal inbil? ²⁴ Uj meyajoo Saul tu yaalooti le baloo' tu yaala David. ²⁵ Beytuno Saul tu yaala':"Bey cana waaleex ti David:"Le ajawo mau' kat mix un p'el Dootei, chen cien u prepucios filisteos, tial caa suutque jadz ti u ch'ap'ecoo". Behoraa Saul tu tucla' u meetic u luubul David tu kab filisteos. ²⁶ Leu meyajoo caa tu yaaloo ti David le t'anooba, lela' luub utzil ti David tial cuu meetuba u jaan la ajawo'. ²⁷ Maili' dzooco le kinoo jeelo', David tal yetel u maacoo caa tu quinsa doscientos filisteos. David tu taasa u prepucios, caa tu dzaa tu chucanil ti ajau, men lelo' leti cun meetic u kuchul jaanil ti le ajawo'. ²⁸ Beytuno' Saule tu dzaa u ch'upupal Milca tial u yatante. Le caa tu yilaj yetel tu yojelta' yuntzile tian yetel Davie'; Mical xane' u ch'upupal saule' u yabiltma' caachi'. ²⁹ Saule' ch'ii u saaquilil ti David. Saul laili' u ch'aa p'ecma' David. ³⁰ Beytuno' u nuuctalil le filisteoso' jookoo baateil, jeen bix u yuuchul mantadz chen joocoobo', David tip'aan u jadz quet tu lacal u jel u meyajoo Saul, beytuno u kaba Davie' jach caanal-cha' u yilal.