¹ Un p'el kine Jonatan u pal Saul, tu yaala' ti u tanquelen canampach:"Cooten, cox tu lak un tzelilo', tee tux yanu pasel le filisteoso'". Baale letie' ma tu yaala ti u tatai. ² Saule' tian tu xul Guibea, yaanal un u cheil granadas tian caach Migrone'. Yetel letie' yan caach min seiscientos xiiboo. ³ Tacpajaan Ahias, u pal Ahitob, u pal Finees, u pal Eli, le yunkinti yuntzil tee Silo caachilo', u buquintma' u nokil yunkinoo. Le cajo' mau yojel caachi wa Jonatan dzuu bini'. ⁴ Ti le tux cu maan maac, letux cu yootic Jonatan u xoylte le tux yan u pasel le filisteoso' yan un p'el Jonlemcab tok tunich tu tzel yetel u jel joomlembac tok tunich tu laun tzel. U kaaba un p'el jomlemcabo Boses u kaaba' u laak un p'elo' Sene. ⁵ U p'el le jomlemcabo' chinchin cu liikil caach tu xaaman u xul u luumil Micmas, u jeelo tu nojol actanti' Geba. ⁶ Jonatane' tu yaala' ti le tanquelen canampacho'."Cooten, coox maan ichil u pasel le leloo' ma sujuykuptaanoobo' in waaque' yuntzile' juu meya' udztoone, men mix baa juu peedzic yuntzil tial cuu tocoon tu k'ab yaab wa' un p'it maacoo'". ⁷ Uh canampache' tu nuuca':"Meet le yante pucsikalo'. Cooxtani, tene' tianen ta wetele' tial quin uuyma't'ante tu lacal le ca waaco'. ⁸ Jonatan tu yaala':"Toone yan tadzmansic le tux yan le xiibobo', yetel yane eesquecba tioo'. ⁹ Wa letioo' cuu yaatoon:"Pa-ateex teelo' tial caa kuchcoon te tux yaneexo' beytuno' toone' quec p'atal tec cuchil mah tun tan c-tadzmansic letioob. ¹⁰ Baale wa letioo cu nuuc-co:"Cootenex tec ic nal; tton tune' quec tadzmanscoo letioo: Men yuntzile' dzuu kubic tec kab. Lela' leti u chiculal ec tial toon. ¹¹ Le caa tu yeesubao' tu caatulilo' ti u huachoo le filisteoso'. Le filisteoso' tu yaaloo':"Pacteex, le hebreoso' tun jookloo' tu actunoo le tux letioo u taac mubaoo' caachi'." ¹² Beytuno' u xiibili le cu bateiloo' tu yahutoo' Jonatan, yetel u caanampach, caa tu yaaloo':"Cootenex le tux yanoona', cssc eesteex baal"> Jonatane' tu yaala' ti u canampach:"Cooxtin pach men yuntzile' dzuu kubic tu kaabo Israel". ¹³ Jonatane' tinchena'h yetel u kab yetel u yok, u canampache bin tu pach. Le filisteoso tun luubul quimentacoo tu tan Jonatan, u canampache' cu quinaic le binoo pachiltio'. ¹⁴ Ti le yax quinsanajic Jonatan yetel u canampach tu meetoo, tu quinsoo ol caalajun xiibo ti un p'el chichan cuuchil min quince metros tu cantuukil tee luumo'. ¹⁵ Peecna'yoloo tac tux cu jeeleloo' tu paselo', tee kaaxo' yetel tac ichil le cajo. Tac le huachoobo yetel le mantadz tun binoo baateilo tu ch'ao' saaquilil. Le luumo' tiitbanaji, caa yancha' un p'el nojoch saaquilil. ¹⁶ Beytuno', leu cananoo Saul tee Guibea ti Benjamino' tu yiloo le yaacach huachoo ti filisteos dzuu tiitbesaloo,. Letioobe tan caach u binoo un tzeli yetel tu laa' tux. ¹⁷ Beytuno' Saul tu yaala' ti le caj yan caach yetelo':"Xoquex caa wileex max minaan ichiloon". Le caa tu yocoobe, Jonatan yetel u canampach minaan. ¹⁸ Saul tu yaa'lati Ahias:"Tas u Arca Dios waye'" (Le kin jeelo u Arca Diose tian yicnal le Israelitasoobo)". ¹⁹ Caliquil Saul tun t'an yetel le yunkino, u jaak-olil tux cuu jeltal le filisteoso laile tun jach yaabtal. Beytuno' Saule' tu yaala ti le yunkino', "Joosa' kaab". ²⁰ Saul yetel u lacal le caj yan yetelo', tu much'ubao caa binoo' bateil. Jujump'el u chohuac mascab le filisteoso luu' yokol le u yetmanoo tee bateiloo', p'aat bey muu kaoltmubaoobe. ²¹ Le hebreosoo yanoo caach yetel le filisteoso', yetel dzoocxan u binoo yeteloo tee tux cu jeeleloobo, ma' chen lelo', dzuu much'cubao' yetel le Israelitaso le yanoo cach yetel Saul yetel xan Jonatan. ²² Le tun tu lacal u xiibiloo Israel le tu taacubao paachil le buutunoob nadz ti' Efrain, caa tu yuuboo tun pudzul caach le filisteoso, tac letioo aalcapachtoo tu pach le bateilo'. ²³ Beytuno' yuntzile' tu toca' Israel tee kino, le bateilo' kuch paachil ti Bet Aven. ²⁴ Le kin jeelo u xiibilo' Israele tun ya' olalo' caachi men Saul tu dzaa le caj yanal jalachchit'an beya':"Conol chibil le maac cun janal maili aka'ch'aque' tene quin vengartal yokol in ch'ap'eecoo". Beyo' mix maac ti u huachoo yu jantoo wa'. ²⁵ Beytuno' tu lacal le cajo' octee kaaxo' yan caach caab te luumo'. ²⁶ Le caa oque caj tee kaaxoo', tun tul le caabo', baale mix maac tu dzau kaa' tu chi men le cajo saajac ti le conolchio' ²⁷ Baale Jonatane' ma' tu yuuba caach leu tata tu dzaa le cajo yanal jalachchitan. Letie' tu tuch'a u punta le lanza' le yan ru kabo' caa tu jula' ichil le caabo. Caa tu dzaa u kaa tu chi', u yiiche' p'iili yetel ledzbanaji'. ²⁸ Beytuno' un tul ti le cajo' tu nuuca':"A tatae' tu dzaa bey u jadz chaac ti le cajo' yanal jalacht'an beya':"Conol chibil le maac cun janal ti le kina, tac wa' le caj mah muuk men wii". ²⁹ Jonatane' tu yaala':"In tatae' dzuu tasic baaloo istic ya' ti le luuma'. Pacteex bix in wich dzu p'aatal lelemquiloo men tin jaant'ah u p'iit le caaba. ³⁰ ¿Cuxtun wa' le caj cuu jant caach ma' weeti bejla' le tu ch'aoo' ti' u ch'ap'ecoobo? Men bejlae' le quinsajilo' ma' maaloo' ichil le filisteoso'". ³¹ Letioobe tu ch'inubao u jadzoo le filisteoso ti' le kino cajoo Micmas tac Ajalon. E cajo' jach sen canaan caachi'. ³² Tu lep'uyoloo tun dzibolcoo le bal yan ch'aabilo', tu ch'aoo taman, caparbihuacaxoo' yetel xiibil tamanoo', caa tu quinsoo tee luumo. Le cajo' tu janta paatee yetel u kikel. ³³ Cu dzoocole letioob tu yaalo' ti Saul:"Ile', le cajo tun kebantal ti' yuntzil men tun jaanlo p'aate yetel kik". ³⁴ Saule' tu yaala':"Dzuu meetcoo baa jach kaas. Bejlae' balakteex un p'el nojoch tunich tac waye' in tial."Saul tu yaala:"Jookenex ichil le cajo aalextioob, "tu lacal xiib u tas u caparbihuacax yetel u taman, quinseex waye', jaanteex. Ma' caa kebantaleex ti yuntzil le caa jaanaleex paate yetel kik". Beytuno' jujuntulil ti le cajo tu taasa' u caparbil huacax yetel leti ti le akabo caa tu quinsoo teelo'. ³⁵ Saul tu meeta un p'el altar ti Yuntzil, lela' letie' yax altar tu meeta leti' tial Yuntzil ³⁶ Cu dzoocole Saul tu yaala':"Ti le akaba' maan c-p'atqueex u pach le filisteoso quec la tzel baltioob tac chen sasac, ma' ec patic mix untul u cuxaanil tioobi:"Letioobe tu nuucoo:"Meetaac jeebix utz a wuique'."Baale le yunkino tu yaala':"Nadzecbaon ti' Dios waye". ³⁷ Saule tu yoota' katchi' ti Dios yetel u jeeloo katchioo, ¿Kanaana in aalcapachtic le filisteoso? ¿Yan wa' a kuubcoo tu kab Israel? Baale diose ma' tu nuuca ti le kin jeelo'. ³⁸ Beytuno' Saule' tu yaala:"Nadzubao' tu lacal le tip'aantacoobo tee cajo'; u kaoltoo' yetel cuu yiiloo bix uchic le keban bejlae'. ³⁹ men cuxaan yuntzil maxtoquic Israel, quex wa' le kebana' tian ti in pal Jonatan, letie' mau'n jechic le quimmilo'. "Baale mix un tul le xiiboo yanoo ichil tu lacal le cajo tu nuucoo. ⁴⁰ Cu dzoocole leti aalti tu lacal Israel:"Teexe' tianeex ti un tzelile' ten yetel in pal Jonatan yan ec yantal ti un laun tzelil. "Le cajo' tu yaala' ti Saul:"Meet jeebix maalo' a wique'". ⁴¹ Le olale' Saule' tu yaala' ti yuntzil, u Diosil Israel: "Ees le tumino'" Jonatan yetel Saul tetaabo ti bulil, le cajo' tu jecha u teta. ⁴² Saultune' tu yaala:"Buleex ichil in pal Jonatan wa' ten. "Beytuno' Jonatane' yeyaab yetel bul. ⁴³ Beytuno' Saule tu yaala' ti Jonatan:"Aaten le baax dzaa metico'". Jonatan tu yaala':"Dziin jaantic un p'it caab yetel u nii le vara yan tin kabo'. Jeelena' quimquen". ⁴⁴ Saul tu yaala':"Dios cuu meet lela', cu tip' intialii', watech mah a quimil Joonatan". ⁴⁵ Beytuno' le cajo' tu yaala' ti Saul:"¿Kaanaan u quimil Jonatan, le max chucaam cunt le nojoch jadz tu meeta Israel?. Ma' u yuuchul beyo'. Jeen bix cuxaan yuntzilo' mix un cul u tzotzel u pol luubuc luum men letie' dzuu meyah yetel Dios bejlae'. "Beytuno' le cajo tu tocah Jonatan yo-lal leti mau' quimi. ⁴⁶ Beytuno' Saule' tu p'ata u aalcapachtic le filisteoso, le filisteoso binoo tu luumo'. ⁴⁷ Le caa caj Saul u ajawi yook Israele, batetan yetel tu lacsl u ch'a p'eecoo' tu jujump'elil u cuchil. Letie' tu baate'ta' Moab, u cajil Amon, Edom u ajawilo' Soba yetel le filisteoso'. Jeen tux cuu sutubac, letie' cu meetic loob tioob. ⁴⁸ Letie' tu much'a yaa' huachoo caa tu jaadza' le Amalecitaso'. Leti tox Israel tu kab le maacoo ocoltic caacho. ⁴⁹ U palal Saule' letio' Jonatan, Isui yetel Malquisua' u kaba' u caatul xch'upupalale' letioob, Merab, u nojochil, yetel Mical u chichnil. ⁵⁰ U kaba u yatan Saul leti Ahinoami; letie' u pal Ahimaas. U kaba' u nojchil u huachoobe Abner u pal Ner, u tzeyum Saul. ⁵¹ Cistatataab men Saul, Ner u tata Abner, u yaabil caach Abiel. ⁵² Yancha' nucuch baateiloo tial caa jaadzac le filisteoso tu lacal u kinil Saul. Saul chen u yil un tul maac muukaane' wa' maac dziique' cu ch'ic u tialte.