¹ परमेश्वरा निवडुला विश्वासाखातोर आन खेरीज भक्तीनुसार वेला खेरो पुरा ज्ञानाखातोर होपलो येशुख्रिस्ता प्रेषित आने परमेश्वरा दास पौल इयाहीनु. ² जो अनंतकाला जीवन जियाल ठोग गोगता आवतो नाहा तिया देवाय दुनिया उबजावी तेहेकीज तियाहान देवनु वायदो केलो आथो, ³ तिया जीवना आशा होमजुणारो परमेश्वरा निवडुला लोकाहा विश्वासाखातोर आन खेरी भक्तीदेणारो खेरा ज्ञानाखातोर तियुज गोठी वचन तोंज आपु तारणारो परमेश्वर आज्ञाकी माल होपलो आथो त्यादियाहाम तियाय प्रगट केलो, ⁴ आपु सामाईक विश्वासाप्रमाणे मा खेरो पोयरो तीयायास पेरमेश्वराईहीनु आन आपु तोरणारो प्रभु येशु ख्रिस्त ईयाहीने कृपा आन शांमी मिलतीरे, ⁵ माय तुल क्रेत बेटाप ईयाखातोर थोवी आलो का तु पुऱ्या नाहा वेया ती गोठीही व्यवस्था केरो जोजे. ओन माय तुल आज्ञा देदली तेहेकीज तु प्रत्येक शेहेराम डायाहाने होपा जोजे. ⁶ जियाल होपलो हाय तो निर्दाष रा जोजे तो एकुज बाई कोवालो रा जोजे तिया पोयरे विश्वास केनारे रा जोजे तियाहाप बी हुकूम नेय माननु बद्दल आज खोटा कामांहा बद्दल केल्लोज दोष नेय लागवुलो रा जोजे. ⁷ अद्याक्ष ओ परमेशवरा मंडळी कारभारी हाय तियाहाल तो निर्दोष रा जोजे तो बिहिराहां गोठ नेय माननारो माहारुज ख्जिवाय उठनारो होरो पिनारो भानगुड्यो पोयराहा लोब केनारो नेया रा जोजे, ⁸ पेन खुशी की गोवांर चाकरी केनारो हारा कामाहाम साथे देणारो हुचार धर्मी पवित्र मोन ताबाम राखनारो, ⁹ आन देदलो शिक्षणाप्रमाणे जो विश्वासनारो वचन तियाल तिन रेणारो एहेंडो रा जोजे, ईया खातोर का तियाय हारी रिती शिक्षण दीन आन उलटे गोगणाराहान ताबामे केराविन शक्तीमान वेरा जोजे ¹⁰ ई महत्वा हाय काहाका खुब लोक बोकबोक केनारे हाय जे व्यर्थ गाठीबद्दल बडबड केतेहे आन लोकांकान फसवुतेहे, माय विशेषकीन जे सुंता वेले हाय तियाहान होमजाविन आखी रियो. ¹¹ तियाहा मुये बोंद केरा जोजे तियाहाय हिकवे नेय एहेड्या गोठ्या ते तियाहा फायदा खातोर हिकवुताहा आन बादा कुटूंबाहा नाश केताहा ¹² तियाहामनुज एका सेवकाय आखलो हाय का क्रेती लोक ए एहकीज लबाड जनावराहोस खतरनाक आल्याहा आण खादोड हायृ ¹³ इ साक्षी खेरी हाय ता तियाहाय विश्वासाम मजबुत रा जोंजे तियाहाल तु तियाहान विरोध केरा, ¹⁴ इया खातोर का तियाहाय यहुदी लोकाहा कथा आन काहाण्या आण खेरा होवेनु बोलवुणारा मांहा आज्ञाहोवे ध्यान नेय दा जोजे विश्वासाम मजबुत वेरा जोजे, ¹⁵ जे हारे हाय एहेंडा लोकाहान आख्या गोठ्या हाऱ्या हाय पेन जे माठे हाय आन जे विश्वास थोवते नाहा एहेंडाहान कायज हारो नाहा पेन तियाहा मोन आन विचार इंबी माठो हाय, ¹⁶ ते लोक आमा परमेश्वराल वोहकुताहा एहकी ते आखी देखावताहा पेन ते तियाल पोटे एहेंडेकामे नाहा केता, ते विचीत्र ओन अपमान केणारा केल्ला बी हारा कामा खातोर ते नक्काम हाय,