9 ¹ Davidmä̧ pä'inö̧: Saúl ahuaruhuä 'cotöttö yotute ka̧cuä̧tö̧ Jonatánrö̧ repedinö̧ ji̧nö̧nä̧ ppädäcuähuä chi̧jȩpa̧'a̧nö̧ huotö? ² Saúl ahuaruhuä 'cotöttö ya̧tȩ kö̧, cu̧mö̧huä̧ya̧ Siba pä'ö mi̧cua̧, ja̧u̧mä̧ Davidrö toa pä'ö huottinäcu̧. Ru̧hua̧mä̧ ja̧u̧rö̧ jä'epö ä̧ju̧cui̧nö̧: ¿Ucutä ja̧'a̧ Sibamä̧? Ja̧u̧mä̧ ädätinä̧cu̧, "A̧, ttötäsä cumöhuä̧ya̧mä̧". ⁷ Davidmä̧ ja̧u̧rö̧ pä'inö: "Yecuecuä, isopäi'önä̧tä̧ cuä'o Jonatán minärö̧ repedinö̧nä̧ adiunä jȩä̧cuä̧huä̧ chi̧jȩpä̧cua̧jä̧, ja̧'hua̧ta̧'a̧nö̧ cuä̧do̧ Saúl mi̧nä̧ i̧rȩjä̧ o'cajuiyönä ppa̧dä̧dä̧cua̧jä̧ ja̧'hua̧ta̧'a̧nö̧ 'cuäopönä̧tä̧ ttötäcu cucuäcua̧jä̧." ⁸ Mefibosetmä̧ ja̧rȩyö̧ pä'i'önö̧ pä'inö̧: "Ttömä̧ ähuiri 'cojuo'ächö jä̧'i̧nö̧'a̧nö̧ hua̧sä̧, ucu adiu jȩ'cua̧ pä'ömä huocösä." ⁹ Ja̧'hua̧nö̧ ja̧'a̧ ru̧hua̧mä̧ Saúl u̧mö̧huä̧ya̧ Sibarö huopäji'ca̧ pä'inö: O'cajuiyönä̧ Saúl'i̧nä̧ ja̧'hua̧ta̧'a̧nö̧ ahuaruhuä'i̧nä̧ tti̧rȩjä̧ ji̧nä̧jä̧mä̧, cu̧ru̧hua̧ ö̧do̧rö̧ ppa̧'a̧dö̧sä̧. ¹⁰ Ucu'i̧nä̧, cui̧tti̧mö̧'i̧nä̧ ja̧'hua̧ta̧'a̧nö̧ cu̧mö̧huäyotö'i̧nä̧ ja̧u̧ u̧cuȩ cuähuätä jö̧nä̧ ttu̧ju̧nä̧cuo̧tö̧, ja̧'hua̧nö̧ ku̧nö̧'cotö u̧huä̧ju̧ ttu̧ca̧ca̧tä̧cuo̧tö̧, cu̧ru̧hua̧ ö̧do̧ u̧cuȩ juiyö juiyönä kä̧cua̧'a̧nö̧. Ja̧'hua̧nö̧ ja̧'a̧ttö̧ cu̧ru̧ ö̧do̧ Mefibosetmä̧ 'cuäopönätä ttucutä u̧cuȩmä̧ u̧cuä̧cua̧". Ja̧'hua̧nö̧ ja̧'a̧ Sibamä i̧tti̧mö̧rö̧mä̧ 15nö huotörö ku̧nä̧ri̧nö̧ ja̧'hua̧ta̧'a̧nö̧ u̧mö̧huäyotörömä̧ 20nö jo̧mȩnä̧ huotörö.