12 ¹ Ja̧hua̧ta̧'a̧nö,TÖ̧Ä̧NÄ̧HUA̧ Natanrö̧ hueinö David ö̧jö̧mȩcu̧.Ja̧u̧mä ja̧u̧ ö̧jo̧mȩ ichiö jä̧u̧rö̧ päinö; ''yautenä u̧mä̧tö̧ ta̧ju̧ ka̧cui̧nä̧tö̧ Ötahuiyä rö̧o̧mȩ.Yä̧tȩmä järe ru̧hua̧ ja̧hua̧ta̧'nö̧ ka̧ra̧mä usuräi̧sa̧. ² Ya̧tȩ järe ru̧hua̧ ku̧nä̧nä̧ri̧nö̧ Ohueja̧tö̧ recuätörö ja̧hua̧ta̧'a̧nö päcäyö̧rö̧'i̧nä, ³ Jahuanö ja̧'a̧nä ya̧te usurä'i̧sa̧mä yorö'iso to'inö , to̧'a̧ ja̧'a̧nä Ohueja isaju a̧u̧cuajuru, mitäu ȩmi̧näcuä̧, ku̧cuä̧ iyö u'utädinäcuä̧. Jahuäjumä ja̧u̧tä̧cu̧'i̧nä̧ ja̧hua̧ta̧'a̧nö̧ i̧tti̧mu̧cu̧'i̧nä kä̧nö̧ bu'ajuoinäju̧. Ohueja'isajumä cuänö'inä ja̧hua̧ta̧'a̧nö̧ au'inä chutäcu jinäyo̧mȩtȩnä̧ cuinäju̧, ja̧hua̧ta̧'a̧nö̧ öjo ppäepu chu̧tä̧ ittiju jäinöa̧nö äepinäcua̧ . ⁴ Ya'ute mo̧ro̧ ya̧tȩ do'ächö cueächäcuähuä ttö̧ja̧sa̧ ya̧tȩ ru̧hua̧ ö̧jo̧mȩ rȩbȩhui̧pi̧nö̧, ja̧'hua̧nö̧ ja̧'a̧nä̧ ja̧u̧ ru̧hua̧mä̧ ä̧ji̧mö̧ ovejastö̧ttö̧mä̧ ja̧'hua̧ta̧'a̧nö̧ pä̧cä̧yu̧ttö̧mä̧ 'chu'ädö u̧cuȩmä̧ ucuäjetamä pä'ocö pinö. Ucuäjeta pä'ömä, usurä i̧sa̧ ajisaju oveja kittijuttötä 'chu'ädäji'ca̧ da'opo'ö do'ächö ichäjirömä u̧cuȩmä̧ iyinö." ⁵ Davidmä ja̧u̧ ru̧hua̧rö̧ rö̧ä̧nä̧ ra̧huä̧ri̧pi̧nö̧ ja̧'hua̧nö̧ päi'äcumä Natánrö huopi'inö. "Ttömä pä'ösä TÖ̧Ä̧NÄ̧HUA̧ 'cuäopönätä̧ kö̧ i̧mi̧nä̧, ja̧u̧ ttö̧ja̧sa̧ ja̧'hua̧nö̧ jȩpä̧ji̧mä̧ 'corujuoächa pä'ötä hua̧. ⁶ Ja̧'hua̧nö̧ jȩä̧ji̧ micuämä oveja isaju kittiju kimicuähuomettömä̧ pa̧ja̧cuä̧nö̧ mitähuome jo̧mȩnä̧ imita pä'ö ja̧'a̧, juhua'amä usurä i̧sa̧rö̧ rȩrö̧jö̧nä̧ tooca'a jä̧ja̧'a̧ttö̧." ⁷ Ja̧'hua̧nö̧ päji o'ca'a Natánmä Davidrö pä'inö: "¡Ja̧u̧mä̧ ucu ja̧'a̧! TTÖ̧Ä̧NÄ̧HUA̧ Israel ttö̧ja̧ TTÖ̧Ä̧NÄ̧HUA̧mä̧ pä'ö: Ttömä Israel ttö̧ja̧ ttu̧ru̧hua̧ päi'önä a̧dȩja da'epä 'quȩ'ȩpö̧ chu̧ju̧ni̧nä̧cu̧, ja̧'hua̧ta̧'a̧nö̧ Saúl umöttö̧ rä'epö chicuinäcu̧jä̧. ⁸ Ucurumä̧ cu̧ru̧hua̧ ojusode iyinösä̧ ja̧'hua̧ta̧'a̧nö̧ cu̧ru̧hua̧ irecuamä ucu cujohuiyä ja̧'a̧. Ja̧'hua̧ta̧'a̧nö̧ Israel ttahuaruhuärö'inä ja̧'hua̧ta̧'a̧nö̧ Judá ahuaruhuärö'inä chiyinäcu̧jä̧. Ja̧'hua̧ta̧'a̧nö̧ ja̧u̧ chiyinö a̧'u̧cu̧nä̧tä̧ jä̧ji̧ttö̧mä̧, ttömä koro'inä yabonänö rö̧ä̧nä̧ chiyö'anö̧ huä̧ji̧jä. ¹⁹ ja̧'a̧ David topinö u̧mu̧huätö jitötäcutä pätächäcuähua'a, Davidrö rä̧bȩhui̧pi̧na̧'a̧ ji̧'qui̧cha̧hua̧ 'coru juoächäja'a. Ja̧u̧mä̧ pä'inö u̧mu̧huäyotörö; '' ¿Ji'quicha̧hua̧mä 'corupäi'äji?'' jahuätö ädätinä̧tö̧: "ja̧u̧mä̧ 'corupäi'äji." ²⁰ Jahuanö ja̧'a̧ David rȩjȩtö̧ ä̧rä̧mi̧ö̧ ja̧hua̧ta̧'a̧no̧ töcähuopoinö, ajiya'inä toähuo'inö ja̧hua̧ta'a̧nö̧ ö̧ka̧tä̧huäti̧yu̧'i̧nä̧ pärohuopoinö. Ja̧u̧mä̧ chi̧nö̧ Diosrö ucuocuäcuähuo̧ca̧ra̧'a̧ U̧RU̧HUA̧Rö̧ ucuo teähuinö̧ juhuorötä.Ja̧u̧nö̧ o'ca'a ppa̧'a̧chä̧chi̧nö̧ chutä ruhuo hueodera̧'a̧.ja̧u jäepomenä, jäepäu̧mä u̧cuä̧ ö̧o̧me tu̧ju̧niniyä̧cu̧, ja̧u̧nu̧ o'ca'a u̧cuä̧cuinö. ²¹ Ja̧u̧nö̧ o'ca'a, umuhuäyotö pättinäcu̧: "¿tta̧'a̧nö̧ pä'ö jahuönö jecuä̧tö̧ pa̧'a̧nö̧mä̧? Ucumä cu̧cuä̧ a̧do̧chö̧ ja̧hua̧ta̧'a̧nö̧ ji̧'qui̧cha̧hua̧ 'corujuhuoächäcua'a ä'cajitä ajahuächinöjä,jahuanö ja'anä ji̧'qui̧cha̧hua̧ 'corujuhuoächäji o'camä,ucumä ä̧rä̧mi̧ö̧ ja̧hua̧ta̧'a̧nö̧ cu̧cu̧ä cuäjijä" ²² David ädätinö: ji'quicha̧hua̧ 'corujuhuoächäcua'a ä'cajitä chu̧cuä̧ a̧do̧chö̧ ajahuäijösä. TTö päösä: ¿Ditä'qui̧ huo̧jua̧mä CHU̧RU̧HUA̧ ttörö repeöttömä jahuata'anö ji̧'qui̧hua̧mä̧ 'corujuächoca'a ö̧jä̧cua̧? ²³ Ja̧hua̧nö̧ ja̧'a̧nä jitämä 'corujuoächäji, ¿juhuamä dä̧bu̧ tu̧cuä̧ ta̧do̧chö̧a̧no̧ ja̧'a̧tö̧? ¿ttömä ppa̧dä̧dö̧a̧nö̧ hua̧sä̧tȩji̧? ttö juhua chi̧chö̧tö̧'i̧nä̧, ja̧u̧mä̧ yoröisotä ppa̧huächi̧yä̧cua̧ tucumä. ²⁹ Ja̧'hua̧nö̧ ja̧'a̧ttö̧ Davidmä umöhuäyotö su̧ro̧da̧u̧ o'catoi'önä ca̧ca̧ti̧nö̧ ja̧'hua̧nö̧ ja̧'a̧ 'chi̧nö̧ Rabára̧'a̧, juȩnȩ ötahuiyä ttö̧ja̧cu̧ rohuäu ja̧'hua̧ta̧nö̧ 'chuä̧di̧u̧. ³⁰ Davidmä ȩmi̧nö̧ jitö ttu̧ru̧hua̧ u'uttähuä isobu, juhua'amä amäquina̧'a̧ ya'ute kilo oro jo̧mȩnä̧, ja̧'hua̧ta̧'a̧nö̧ ki̧na̧'a̧ ido'qui adihuo'qui juäkänämä. Juhuäcä coronacämä David unä huȩni̧nä̧tö̧, ja̧u̧nu̧ o'ca'a ja̧u̧mä̧ rä'opinö juhuorö ötahuiyättö rö̧ä̧nä̧ pärätä. ³¹ Ja̧u̧mä̧ pporädinö o'catoi'önä ttö̧ja̧ ötahuiyänä ka̧cuä̧tu̧cu̧, ja̧'hua̧ta̧'a̧nö̧ hueinä̧u̧ rö̧ä̧nä̧ ttaditönä serruchonä, pico cuoräu 'quiyöjuei jähuänä ja̧'hua̧ta̧'a̧nö̧ ö̧da̧pä̧'kȩ'i̧nä̧; ja̧u̧mä̧ ja̧'hua̧ta̧'a̧nö̧ huenäu̧ redä'quiyö ȩttä̧huä̧nä̧ ttaditönä. David hueinä̧u̧ ötahuiyä o'cajuiyönä Amon ja̧u̧ ttadita pä'ö. Ja̧u̧nu̧ o'ca'a David ja̧'hua̧ta̧'a̧nö̧ o'catoi'önä su̧ro̧dsu̧cu̧ ppa̧'ä̧chi̧nö̧ Jerusalénra̧'a̧.