¹ Bajayaatami ponapona Benjamin irianü,Petuujjanenü .Bajaraaponü pewünü Cis,Abiel pejjunato Zeror pejjunato Becorat pujjunato,Afia pejjunato,Benjamita yajuninü. ² Bajaraaponü kaenü pejjinato pewünü Saul,peyajjaniavaetsi pewüjuato.Ajibi itsajiviyo Israel tuatuajûta pejjanianü bajaraa ponü nataatojjenetsia.Pekopjia vetsia bajaraaponü itsmonae mataatojjeneba itsa monae vekua. ³ Cis pija burianü,Saul pajja,to ajibi tsarubenaitsi.Nejjata,Cis jumaitsi pejjunato Saul javabelia:´´Pekayavenonaenü barüponare;panajjaqniavaere paponare buruvi peyapüjaire. ⁴ Nejjata Saul Efrain pija tomaraajava pija jumatsutoonüjava pona bajaraapakuenia Salisa ira java pona,baitsijane itsiata apo kajjitaajarabi.Bajarajjua kijinae Saalim pija iraajava pona,bajarajoota ata apo kajjitaajarabi.Bajaraajjua kujinae bajaraaponü Benjamitas pija irajava pona,itsiata apo kajjitaajarabi. ⁵ Pakujinae bajaraapamonae Zuf pija iraabelia palia,Saul jumaitsi pija pianivi javabeliapeyaajava nubenaevi:´´Najjatsia,nabiabatsi,belia raja tajja buruvi yaabara najamatabü kopatsipa juya raja wajjaitsi naka sivaa bü jaitsipae. ⁶ Itsiata pija pianinü jumaitsitsi:´´jametaema,Dioso raja pija jivitonü ma pa tomarataje.Bajaraaponü pe yeiyataenütsi;jjua bajaraaponü jumaitsi ba jjaniajai.Panekopare bajaraabelia pataponaejava,belia raja naka jumaitsitsipae pa namuto wajaponaenejja.´´ ⁷ Bajaraajjua kujinae Saul jumaitsi pija pianivi javaabelia:´´Itsa bajaraabelia ponatsi,¿itsajjua to kaponaejitsipatsi bajaraaponü?Tsipaji raja pejjaejeva nakato ajibibaja,apo jjainaitsi itsakuenejavayo waja rajutsinejja Dioso pija jivitonü?´´.¿Dejjua jjainatsi wajjaitsi?´´ ⁸ Pijapianinü jmekanavita Saul majumatsije:´´Jjamü jjainajû akueyabi pa gramo palatajava ta rajutsinejja Dioso pija jivitonü,waja naka jumaitsinejja pa namutua ponaejitsiatsi´´. ⁹ (Bajayaami Israelta,pakujinae Dioso pija jivitonü,jumelivaisi jaita,bajaraaponü jumaitsitsabiabi:´´Najatsia,ponatsi pekanaüjübünü javaabeliaponatsi.´´Dioso jumelivaisi paebinü ajenata pekanaüjübünü jaitsabiabitsi.) ¹⁰ Saul nejjata jumaitsi pija pianinü javabelia:´´Jjaniavaetsia jumaitsimü.Najatsia,ponatsi.´´Nejjata,bajaraapamonae tomaraabetsia junaya itsa jota Dioso pija jivitonü ponapona. ¹¹ Pakujinae bajaraapomonae junaya pejumatsuto tomara,bajaraapamonae pejanavi petiriavi kujinae naviaba najetarubena;Saul pija pianivi yaajava jumaitsi,´´Ma jotaje ponaponaje pekanaüjübünüüje? ¹² Bajaraapowaanü jumepitatsi:´´jaja´a,jota ponapona;pataema,bajaraaponü panewajünae taenuka.Panajjainare,bajaraaponü tomaraabelia raabaja ponaejitsia,tsipaji raja dajjita jiviyo Dioso to tsakiapanubena atjubüjumatatsia. ¹³ Aajena tomara pa jonename,pa kajjitajarabianame,ponae neejava atjübüyo javabetsia nabanüjitsia.Dajjita jivi apo nabanitsane pepatsijavaabelia bajaraaponü,tsipaji raja bajaraaponü wajütjüjitsia pesebünü yaabara Dioso pe to tsakiapaenü;bajaraajjua kujina nabaniana petsiwü nakaetutsivi.Paponamelia,panekajjitajarabinajja. ¹⁴ Nejjata bajaraapamonae junaya tomaraabetsia.Pejonejavata tomarata,tane Samuel pe kujitsi najetarukae javatsi,pe junaeneejjatsi atjübüabetsia. ¹⁵ Juya,pamatakabi Saul pe rena wajünaya Petuujjanenü majitsinaebota Samuel tsitajütatsi: ¹⁶ ´´Meravia mapa kanakujitsia matakabi jjanü kato itorobianatsi Benjamin pija ira nakua pijinü,jjanü mata ejjanabianame kopiaya nüjitsia taja tomarata israel javata.Bajaraaponü Filisteovi pekobe vekua pekapanepanü tsane.Tsipaji raja utajjuto bijiobiatanijû taja tomara,tsipaji raja tanewajukaejava jjanü javata pata´´. ¹⁷ Itsa Samuel Saul tane,Petuujanenü jumaitsi:´´Bajaraajane ponü nukaje takayaabara jainü !.Bajaraaponü penamatakanukaenütsane taja tomarata´´. ¹⁸ Nejjata,Saul Samuel imojjoyota baupa javata jumaitsije:´´Netsipaebare:¿Dejota pija bo eeka amajitsinaebota petaenü? ¹⁹ Samuel jumepita Saul ma jumaitsije:´´Jjanü raja amajitsinaebota ta taenü.tawajunaya petsuto javatsia junaima,tsipaji raja ajena wajjaitsibeje jjaenatsibeje.Bajaikunua kakopatsianatsi neponaeneejja,katsipaebianatsi jjua nejamatabü utjüta kato eeka. ²⁰ Pütsa jamatabü jamü nija buruanü yaabara pe kato najjuabivi tsipaji akueyabi pa matakabibeje baja jjaina pe kajjitaajarabi kujinae. ²¹ Saul neejjata jumepita ma pakuenenaje:´´Jjanü kajena apo Benjamitanünü,bitso tsikiri tomarayo Israel tomara vekua?¿Taja monae tsipaji apo pe kopia vereverekae monae Benjamin viriavi?¿Itsajjujitsia neejjata ma pakueniaje ne barkuikuijamü? ²² Nejjata Samuel Saul pija pianinünejja pita,pe enae javata tsabiabi namatajjainaya eekae ejjana pe tsivüjunatsivi vekua,be (30)treinta pajivibeje kuenia. ²³ Pesetsinü javaabelia jumaitsi :´´´Karenamure jjua karajutatsi,jjua kajumaitsitsi:´´saikaya buare´´. ²⁴ Nejjata pesetsinü petopa piita jjua pikani Petuujjanenü to seba pamonae barüpona ata,Saul pitabarata to juteta.Bajaraajjua kujinae,Samuel jumaitsi:´´Taema jjua pa pe kato buatsijava jjamüneejja kato buata,pa matakabineejja;pakujinae jumaitsinüje:´´Tomara tsiwüjunatajû.Nejjata Saul naabane Samuel bejebajaraapapamatakabi. ²⁵ Pakujina runaika tomara betsika,Samuel Saul barukuikuijai bo matatsinütatsia. ²⁶ Neejjata bajaikunua,Samuel Saul jamata bo matatsinutatsia ma jumaitsije:´´Nonotapunare,nenapijiobinejja´´.Neejjata Saul nonotapuna,bajaraapajivibeje,bajaraaponü Samuelbeje pitsapaliabeje vayapjuayabelia. ²⁷ Pakujina abajju tomara pepünuya pona Samuel jumaitsi Saul javabelia:´´Jumaitsimüre nija pinini pe namata jjainaenejja(nejjata bajaraponü namatajjaina),baitsijane jjamü abajjü nuukare,jamatejema livaisi katsipaebijitsiatsi jjua Dioso kato najume itoroba.´´