¹ Pakujinae Samuel baja perüjanü,bajaraaponü pejjunatobeje Israel tomara pe evetsinejja beje nuta. ² Pejjunato matapijinü Joel pewünü,juyapijinü pewünü Abias.Bajaraapajivibeje neekoni livaisi to namunaa evetabiababeje Berseba javata. ³ Baitsijane pejji apo livaisi jüpae pajja Dioso apo jume kowünvtsibeje,saya ü pena penamataamotsi javaanü itajjutaajina beje pebisiakueneta pitabiababeje jua jitsipabeje apo livaisi neekoni jumetaebiabibeje. ⁴ Nejjata dajjita Israel pija perujuvi Samuel barü nakaetuata Rama javatalia. ⁵ Bajaraapamonae jumaitsitsi:´´Taema,jjamü perujunümü,nejji apo kakoyene jupae pekuenia jjamü tsita ponaponame.Nakua ira evetsinü panerajure pane livaisi neekoni jumetaebiabijitsia pakuenia dajjita nakuajava ejjana´´. ⁶ Bajaraa palivaisi Samuel amujjujitsibi pakujina jumaitsi:´´Panerajure ira nakua evetsinü patane nekoni livaisi najjuevetsinü nejja´´.Nejjata Samuel Petuujjanenü javaabelia wajüta. ⁷ PetuujjanenüSamuel Samuel jumaitsitsi:´´Rajure jjua nija tomara ka wajüka;tsipaji raja jjamü apo ka atsobi,jjamü raja ne atsoba ta matakaponaponaenü. ⁸ Bajara pamonae,kuenejupa pamonae Egipto veerena pakujinae jutajû,neatsaba itsa dioso pematabakata to nubena,bajaraa pakuenia atajjanü neejjana. ⁹ Saya jume kowünüre;baitsijane mujjujiobare yapütae ejjanare yaajava pakuenia ira nakua evetsinü matakaponaponae jitsiatsi bajaara pamonae. ¹⁰ Juya,Samuel dajjita Petuujjanenü jume livaisi paeba ira yanakua evetsinü neejjatsi yaabara. ¹¹ Ma jumaitsije:´´Ma pakueniaje ira nakua paka yaa ira mata kanükaenaje.Bajaara ponü paka vekua notsiena panejjitsanaena pija peka natsekonaenü javaabelia,peto jumaa enae nejjatsi pija kabayo itsajume petsiwajûnae kujina najetarabenae nejja pe pe natsekonae javaabelia tsabiabi. ¹² Kapitanavi tsatsiana mil pamonae nejja wajabütsaü,kapitanavi´´cincuenta´´(50)pajivibeje pe mata kaponaponaenü nejj.Bajaara poinü itorobiana itsamona ira peto tapjunukae nejjatsi,itsa monae pe kanatsekonae nejja ejjanaejitsia jjua pekanabe mo namataavena to yaa kaüjünae jitsiatsi. ¹³ Pakavekua notsiana,panija peejanavaanü putujjuvirianü ejjanaejitsia,pesetsiwaanü nejja,pan pe sebinejja. ¹⁴ Dajjita jjua ira jjaina paka vekua notsiana,panija viña,olivo paabianü,peto nakuenebivitsi rajutsiana. ¹⁵ Pakavekua notsiana diez jjuabeje cien javavekua kae pejjujava bajaara pakuenia viñedojava rajutsiana pija wajabitsaü Tujjanenü pe to nakuenebivi ata. ¹⁶ Pakavekua notsiena peebijivi petiriavi ata pakuene saüvi penakuenebi nejja,peebijivi pewüjuavi pekuene saüvi,pija buruaanv,bajaaraponü nejja nakuenebi ejjanaena. ¹⁷ Bajaraaponü panija baka bütsaü veerena anija kokekuenia pa porciento kuenia.Juya pajjamü paneto nakuenebivitsane. ¹⁸ Nejjata bajaarapamatakabi,pajjamü pajamatabü bü jamütsane pa nuename yaajava panijakuata pane nutsijjae papeka matakanukaenü ira nakua evetsinv pajjamü neejja:itsiata Dioso bajaraapamatakabi apo paka jumepitsitsane. ¹⁹ Baitsijane itsiata bajaarapamonae apo namujjunae evetsitsi Samuel:Saya jumaitsije:´´i jume !´´Ira nakua evetsinü pajitsipajû patane matakanukae nejja. ²⁰ Pajupae jitsianü itsa nakua tamaraanü,jematejema patane jumetae nejja pataja neekoni bajaara pa ira nakua evetsinü pata wajünaya najetaruka biabijitsia itsa belia panawajabitsaütajû. ²¹ Samuel pepua jumetae jjua jumaitsi bajaraa pa tomara,bajaraaponü najumenotsiaya Petuujjanenübarvkuikuijai. ²² Petuujjanenü nejjata Samuel jumaitsitsi:´´jumekowünüre to itapere bajaarapomonae nejja´´nejjata Samuel Israel tomara javabelia jumaitsi:´´Dajjita peebijivi panija tomarajjiya panaviabare jai.