¹ Quiriat Jearim pija peebijivi ponarena Petuujjanenü itsajota ekabiaba pijabo yaabara, kaponalia Abinadab pijaboyaabelia petsuto juma javaabelia. Bajarapamonae Eleazar pejjunato najjaniavaetsia ejjana peyaa evetsinejja Petuujjanenü pija bo. ² Bajaraa pamatakabi kujinae, Petuujjanenü pija bo Quiriat Jearimta eeka, bajaayajebi eeka, veinte pa vaibeje kuenia. Dajjita Israel pijivi aüaüjai Petuujjanenü javaabelia jamatabü nakanaviaba. ³ Samuel jumaitsi Israel tomara javaabelia´´Itsa pajjamü Petuujjanenü javaabelia panajamatabü pünüyorobianame pane jamatabü ütjütoveerena, itsa panavekua penetsianame pe aitotjia diosonü Astarot panetuatuajüta, itsa panajamatabü kopatame Petuujjanenü javaabelia kaenü bajaraa ponü panemata bakabüta pato nubenaename, paka kapanepaena Filisteovi pe kobe vekua.´´ ⁴ Neejjata, Israel pijibi Baalmonae peneta Astarot ata navekua jjuaba kaenü Petuujjanenü pemata bakata to nubena. ⁵ Bajaraa jjua kujinae Samuel jumaitsi´´ Pakaetuare dajjita Israel pijivi Mizpa javata, jjanü neejjata paka to wajütsianatsi Petuujjanenü javaabelia.´´ ⁶ Bajaraa pamonae Mizpa javatalia, mera juka Petuujjanenü pitabarata epaka. Bajara pamatakabi najaniibota ma jumaitsi.´´ Wajjaitsi Petuujjanenü javaabelia nanekonitatsi. Bajara joota Samuel neekoni jjainaevi nanekonitsi ejjana. ⁷ Pakujinae Filisteovi jumetane Israel Tomara pijivi nakaetuata Mizpa javata, Filisteovi sivaa nawajabütsaüta Israel pijivi. Juya itsa jumetane Israel pijivi bajara pa livaisije, bajaraa pamonae Filisteovi kujunava. ⁸ Neejjata Israel pijivi jumaitsi Samuel javaabelia.¨ Pütsa kopatame ne wajükaejava pajjanü yaabara Petuujjanenü javaabelia, bajara ponü patane kapanepae neejja Filisteovi vekua. ⁹ Samuel peejana corderoyo mitoapanüyo Petuujjanenü to tsakiapa.Bajaraajjua kujinae Samuel Israel pijivi pijaTuujjanenü javaabelia wojuka,petuujjanenü jumekanaviatatsi. ¹⁰ Abajjü Samuel Petuujjanenü pe to tsakiapaenukae javata,Filisteovi bitso naimojjoyota Israel pe barü nabe nejja;baitsijane itsiata Petuujjanenü be yaamajjü jumeta ayaikuenta najumeta bapamatakabi Filisteovi benajakaejitsia,bajarapakuenia Israel pijivi amoneyaba. ¹¹ Israel pija pebijivi Mizpa vekua poneka,Filisovi pü baraajina Bet Car jatalia beyejeba. ¹² Samuel iboto pita Mizpa Senbeje tuatuajuta buata.Bajaraaponü wünüruta bajarajjua Ebenezer,ma jumaitsije bajarajjuta:´´Ma jotaje kopiaruka Petuujjanenü waja naka yanenonaejava´´. ¹³ Nejjata Filisteovi kuene amoneyabatsi bajarapamona nejjata Israel pija ira itsajota to kopia patatsi apo to jjenetsi nejjata.Petuujjanenü pekobe Filiusteovi to matononobi ejjanatsi dajjita pa matakabi Samuel asaü ¹⁴ Filisteovi Israel pija tomaraanü peyakijirübi jawanü Israel pijivi to kanaviaba,Ecron javavelia kujinae Gat javata kopiapata;Israel pija ira to kanaviabatsi Filistovi peyakijiribi jawaanatsi. ¹⁵ Samuel matakanuka Israel tomara dajjita pavaibeje asaü tsaponaponae. ¹⁶ Kae vai kanakujitsia Betel velia Gilgaljababelia sivajjainabiaba Mizpa javata kopia rutabiaba.Bajara ponü matakaponapona Israel tomarapijivi baraajjuajjiya. ¹⁷ Neejjata,bajaraaponü Roma javaberia naviata,tsipaji bajarajootalia pijabo to eekatsi;bajarajotalia nua Israel pijivi neekoni livaisi to derenanuka.Bajaraaponü matatsinüa,Petuujjanenü pe ekabo to nakueneba.