¹ Filisteovi kaetuata pija wajabütsaü pe barü nabe neejja.Bajarapamonae nakajjibaajaraba Soco javata,Judá pijajava.Bajarapamonae nayaa tajjunaeta Soco javata javata Azeca yaajava pa tuatuajuta ,Efes Damin. ² Saúl israel pijivi yaajava nakaetuata nayaatajjunae ejjana Ela büjjüpjoto javata,kae kuenia nakorobotsi ejjana pebarü nabe neejja Filisteovi. ³ Filisteovi nubena otjopa petsuto mujjunenenania bajarapakuenia Israel pijivi itsa nania tsuto veeria nubena otjopa,bajaraa pa tuatuajuta ayai pjoto natajüyootsi ejjanatsi. ⁴ Filisteovi pija tajjunae veerena ayainüjjanetonü jivitonü pitsaparena bajaraaponü pewünü Goliat Gat pijinü,bajaraaponü tres pa metronü pe jjainainü. ⁵ Bronce yoorai na matajjatata,nayaa karajutsia namiipabü jjatata be malla kuenia .Penamüpabü karantsi maya areve be sesenta kilos bronce java. ⁶ Bajaraa pakuenia nayaa tjaü karanta bronce javata kae kuererebo bronce naebo wütakaraaponapona. ⁷ Bajara pa kuererebo tomakato apia,pakuenia be bü peyaa kue naebo.Pija espada upi areve be siete pa kilobeje jiero java.Peyaa evetsinütsi namatajjainanajetaruka. ⁸ Bajara ponü nuka jopa Israel pija wajabütsaü matajunatajjuaba:"¿Itsa jjujitsia pajjamü papitsapame pane nawajübütsaü neejja?¿Jjamü tsipaji apo Filisteonünü,juya pajjamü Saúl apo paneto nakuenebivi ?Pa itapere jjanü javaaberena pa koparemena. ⁹ Itsa bajara ponü kapanepa tane barünabeejava itsa jume tane beyajjuabijava yaajaba,nejjata pajjanü paka to piani tsanetsi:Juya jjanü itsa amoneyabianajû beyajjuabianajû neejjata pajjamü pataja pianivimü tsane neejjata pa tane to nakuenebivimü tsane. ¹⁰ Ikatsia Filisteonü jumaitsi:"Ajena Israel pija wajabütsaü junatajû pataka barünabe nejja.Kaenü pebi pane rajure ta barü nabee neejja. ¹¹ Dajjita Israel pijivi jumetane Saúl yaajava jjua Filisteonü jumaitsi,bajarapamonae jamatabü bü jai bitso ayai kuene nua junava. ¹² David kaajena Efrateo Belén pijinü judá nakua pejjinato,bajaraaponü pewünü Isaí.Bajaraaponü ocho ponübeje jjaina pejjinatobeje.Isaí kajena baja perujun Saúl pija matakabita,bitso perujun dajjitapeebijivi vekua. ¹³ Akueyabi ponbeje ayainüanü Saúl pünapona penawabiitsaütsaütsivi bajarapamonae pewün Eliab pepo matapijinü,pepünarükaenütsi Abinadab,juya bajaraaponü pepüna rükaenü pewünü Sama. ¹⁴ David juya pepo juyapijinü.Bajarapa akueyabinübeje ayaijivi Saúl pünapona. ¹⁵ David ria rena tsabiabi Saúl pija wajabitsaü tuatuajavaaria pajja pija ovejavi Beléntalia nubena.pe naabani ejjanae nejja. ¹⁶ Kae juemeto (40 dias)ayainü jjanetonü Filisteonü na imojjoyotabiabarena,kea bajaikunua kae kaniviyo,pe namatajjainae nejja pe nabeejava neejja. ¹⁷ Neejjata Isaí jumaitsi pejjunato javaaberia David:"Nematapijivi to kaponare kae efa pe tajatsi jju anija kobe pan kuenia,bepijiayo riamüre nematapijivi itsa jota nayatajjunaqeta. ¹⁸ Bajarapakuenia anija kobe kuenia pa queso beje mil pe matakanubenaivi nejja.Nematapijivi taema itsakuenejava kae jivi pijajava tayapütae neejja itsa apo itsakuene. ¹⁹ Nematapijivi raja Saúlta jinavanapa dajjita Israel yaajava nubena Elá büjjüpjoto javataria,Filisteovi barünabia". ²⁰ David bajaikunua naükota pija obeja bitsaüto itsa obeja evetsinü evetsia ejjana.Bajaraaponü pejjaejava pita nejjata pona,pakuenia Isaí itorobatsi.Bajaraponü paria pija tajjunae javaria aajena wajabitsaü penabe neejja vavajai wajabitsaü kuenia. ²¹ Nejjata Israel pijivi Filisteovi yaajava penabe neejja namataenetsia nakorobo piita,ü wajabitsaü beje namataenetsia nukabeje. ²² David nejjata pejjaejava pekaponaponaejava peyaaevetsinüta puentabijirava,kujinae rukaponaria itsa beria nakorobotanubena penabe neejja pematapijivi bajakoba. ²³ Abajju pebarü kuikuijai tsanukae javata ayai jjanetonü,Filisteonü Gat pijinü Goliat pejainütsi,Filisteovi penakorobotsi java veerena pitsaparena,pajume namatajjainaya jumaitsi ikatsiajumaitsi,David nejjata jumetane. ²⁴ Itsa Israel pijivi taerüküpa bajara ponü jjaneto,vekua rüküpeka bitso kaajena ayaikuene junava. ²⁵ Israel pijivbi jumaitsi:"¿Taneme ponü pitsaparena?Bajaraponü pane atiaba otjo otjopa pa Israel pijivinü.Juya ira evetsinü rajutsiana pekobe kobü ayaikuene,nakijji rajutsiena pijava nejja,bajarapakuenia pajja Israel javaaberia apo matamotsitsane pajiviyo bajara ponü itsa beyajjuaba". ²⁶ David jumeitsi penkaenübeje javaaria:"¿De itsitsanetsi ponü,Filisteonü beyajjuabiana Israel tomara vekua?¿Jipatsa raja pa Filisteonü apo pe navi upi tjaabinü,Diosonü pe asaünü pija wajabitsaü pija atiabi nunukae?Neejjata bajarapamonae tsipaebatsi jua bajarapamonae kuikuijai tsipaebatsi nua: ²⁷ Bajarapakuenia raja itsitsanetsi ponü beyajjuabiana." ²⁸ Pematapijinü Eliab David jumetanitsi pakujinae bajaraaponü barü kuikuijai.Eliab bitso ayaikuenia david baraa anaepanatsi majumaitsitsije:"¿Itsajjujitsia runaimika?¿Jipatsata obejajji puentame petusatota?Jjanü kajamatabü livaisi ne taenajamatabü jjamü;tsipaji sayarunaimika pe nabevi ne tae neejja. ²⁹ David jumaitsi:"¿Pebisiajava tsaja ejjanajû?¿Saya kajena tsipaji apo yanijiobinü? ³⁰ Nejjata bajaraponü vekua natijjita itsamonae javaberia bajaraapakuenia ikatsia barükuikuijai.Bajarapamonae jume kanaviabatsi jjua namatajjainaya tsipaebatsi. ³¹ Pakujinae David jjua jumaitsi jumetanetsi ,wajabitsaü Saúl javaberia tsipaeba,bajaraaponü itoroba David pe pitsi neejjariatsi. ³² David jumaitsi Saúl javaaberia:"Pütsa kopatame itsajiviyo pe aitejepaebijava Filisteovi yaabara;nija pianinü riatsane bajaraaponü javaberia barünabeejitsia. ³³ "Saúl jumeitsi David javaaberia:"Jjanü apo kapanepaemü neponaejava ne barünabejava Filisteonü tsipaji ra´abajjüpejewajjinümü,bajaraaponü peruju nabenü pejewajjinümükujinae". ³⁴ Itsiata David jumaitsi Saúl javaaberia:"Nija pianinünü tajja pija obeja ta evetsinü.Pakujinae newütjü itsajume oso wününü ata neto waetabiaba kae obeja ata, ³⁵ Jjanü püna ponabiabajû beyajjuababiabajû,nejjata pekuibo vekua yaküjürütabiabajû.Itsa pakujinae namatakota tane itsakuene binejja,pe wüsi nae veria waetababiabajû,konitabiabajû bajaraapakueniabeyajjuababiabajû. ³⁶ Nija pianinünü león wününü bajaraapakuenia oso wününü beyajjuababiabajû.Ma pa Filisteonüje pe akujiribejenüje bajaraapakuenia ajjanaenajû,tsipaji raja Dioso bitso pe asaünü pija wajabitsaü atiaba nunuka". ³⁷ David jumaitsi :"Petuujjanenü nekapanepa newütjü león wününü bajaraapakuenia oso wününü pekobe tserpa vekua.Bajaraaponü nekapanepaena Filisteonü Filisteonü pekobe vekua."Nejjata Saúl jumaitsi David javaaberia:"Riamüre,Petuujjanenü kayaajatsane. ³⁸ Saúl juma jjatata David wajabitsaü kuene pakuenia najjatatabiaba.Bajaraaponü bronce java matajjatata bajaraapakuenia miipaebü jjata. ³⁹ David espada naepaküta,itsiata apo ponaponae jjaniavaetsia,tsipaji apo nakujaruabi bajarajuata.Nejjata David jumaitsi Saúl javaaberia:"Jjanü ma pakuenia akuenebi ta pitsapaejavariaje ta jumaa nabe neejja,tsipaji apo juma nakujarubinü:"Nejjata penayaa karantsinajjatatsijava najonota. ⁴⁰ Jjua kanamajjivaitabiaba pita itapeta kae kobe pa ibotobeje pe najatota pebebenaejavaa nü pekonijai ibotootonü;pija pastor dorota jia.Pija honda kobenanukapona Filisteonü kujitanajetarukaenü. ⁴¹ Filisteonü David imojjoyotatsi,nayaakaranta najetaruka pija escudota. ⁴² Filisteonü itsa tane matatoyorotsia ü David saya tane,anaekuenta tane,tsipaji tsita penakuetotsi,pematanaa tsaunaenü `peyaajjaniavaetsinü. ⁴³ Filisteonü jumaitsi David javaaberia:"Tsipaji jjanü katsita aviritsi,naejava tanetsi kaponaenü?"Filisteonü pibisia jume to kuikuijai pija dioso pewünüta. ⁴⁴ Filisteonü jumaitsi David javaaberia:"Najatsi,jjanü takavi rajutsinejja kekere bajaraapakuenia dajubi kavijjaejitsia." ⁴⁵ David jume kanaviata Filisteonü:"Jjanüne mataenename espada kobena,kuererebo kobena javalina yaajava.Baitsi juya jjanü ka kujitatsi Petuujjanenü Israel pija wajabitsaünü ,ponü jjanü atiabame. ⁴⁶ Petuujjanenü ne rajutsiana tasaü jjamü ta ka amoneyabi nejja,jjamü kabeyajjuabianatsi kawüsi ukutsianatsi ne peerabüto vekua.Ajena jjamü Filisteovi pija wajabitsaüvi rajutsianajû kekere bajarapakuenia irata pe jinavana paevi ata,dajjita ira pijivi yapütaejitsia Israel Dioso peyaajatsi. ⁴⁷ Ma jota nuaje penubenaevi yapütaejitsia Petuujjanenü ü espadata itsajume kuererebota apo ba amoneyabi ejjanae .Tsipaji rajaPetuujjanenü sivaa nawabitsaüta bajaraaponü naka yavenonaena wajaamoneyabi neejja": ⁴⁸ Pakujinae Filisteonü nonotapüna David imojjoyoria;David bepijia kujinaerukalia pekueye wajabütsaüjavaria Filisteonü pe barünabe neejja. ⁴⁹ David pija doruareka nakobejeka,iboto pita bijjanaria,Filisteonü itapa tjinajjuabaria.Bajaraa pa iboto Filisteonü pita pata pükaevaria,nejjata bajaraaponü pitabaraanenia jopa irata. ⁵⁰ David amoneyaba Filisteonü hondata ibotota sayabaja.Bajaraaponü upajjuaba beyajjuaba.David pe kobeta ajibi espada. ⁵¹ David kujinaeponaria Filisteonü jumaveereka nuka pija espada pita funda vekua juta,beyajjuaba,wüsi ukutajjuaba.Filisteovi itsa tane petsita ayaainütsi pe tüpanükaejava,bajaraapamonae rikupeka. ⁵² Nejjata Israel pijivi juda ata nayoba rüküpa wawajai,Filisteovi baraajina pepjoto kopia ruka javaria Ecrón baüpa javaaria ata.Saaraim namutualia Filisteovi petupaevi saya bobena,dajjita natua Gat javalia kopia ruka Ecrón javataria kopia ruka. ⁵³ Israerl tomara naviaba Filisteovi pepübarajinae kujinae,bajaraapamona pija tajjunaeta to nota pekobe kowü. ⁵⁴ David Filisteonü mataboko piita Jerusalén javaberia karia,Filisteonü pe nayaa müpabi karantsijava pija tajjunaeta ruta. ⁵⁵ AajenaSaúl David tane Filisteonü petsimajju riajava,bajaraapo0nü Abner javaberia jumaitsi,wajabitsaü matabokotonü:"Abner,¿jipatsa raja pejjunato ma papewüjüatoje?"Abner jumaitsi;"Pakueneta asaümü,ira evetsinü,jjamü apo yapütaenü. ⁵⁶ Ira evetsinü jumaitsi:"Yanijiobare peyapütaevita,jipatsa pejjinatokuenia ma pape wüjuato je". ⁵⁷ David Filisteonü pe beyajjuabi kujinae pe naviatsijavata,Abner waetaba,Saúl pitabaraaberia barüpona Filisteonü pe matabokoto kobena. ⁵⁸ Saúl jumaitsi:"¿Jipatsa jjamü pejjunatomü,pewüjuato?David jumepita:"Jjanü raja nija pianinünü Isaí Belén pijinü.