¹ Pakujina tajjujjuaba Saúl nakua ira evetijitsia jjaina bajaraapakujina 30 pa vaibeje,pakujinae bajaraaponü baja peyanakua derenae kujinae 40 pa vaibeje Israel ya evetaponapona. ² Bajaraponü 3(tres)mil Israel pa peebibeje itapeta.2(dos)mil ponübeje barünuka Micmas javata Betel juma tsutoonü javata,1000(mil)ponübeje Jonatán barünuka Geba talia Benjanín iratalia.Wajabütsaü pijabojjiya itoroba,kaejivi pija tajjunae java. ³ Jonatán Filisteovi pija wajabütsaü Geba javata pe nubenaivi Filisteovi bajarajjua bajarapamonae jumetane.Nejjata Saúl trompeta oba dajjita java,neejjata jumaitsi:"Pajumetaema pa Hebreomi." ⁴ Israel pijivi jumetane Saúl pe amoneyabijava Filisteovi pija wajabütsaü,bitso Filisteovi pija wajabütsaü,bitso Filisteovi Israel pijivi itoya.Nejjata wajabütsaü junatatsi pe yanatsinejja Saúl Gilgal javaabelia. ⁵ Filisteovi nayanaba Israel barünabejitsia:3(tres)mil pa panabeemonü,6(mil)pa peebibeje pe derenaevinejja pekanabe moonüneejja,bitso ayaibütsaütonü wajabütsaü pakuenia be manuamene pija tajeta.Bajarapamonae juunaya pija tajjunaebetsia Micmas javata,itsa vetsina juameto ba pitsapaina Bet Avén vetsina. ⁶ Pakujinae Israel pebijivi najamatabü tane pe yaalivaisi javatsi neejjata jamatabü jai,vaju jjiya namatayaaba momotojjiya büjjüpana,ibo javajjiya,mera mütjüvajjiya itajjutejemaa mütjü javaa ata ⁷ Itsa Hebreo jivijji Jordán pija iraabelia ponalia Gad tomaraabelia Galaad javabelia ata.Itsiata Saúl Gilgal javata nuka dajjita pija tomara pijivi ya junaika püna ponatsi. ⁸ Kae kobe anijajava yaajava pa matakabibeje,Samuel pe rutsimatabi.Baitsi itsiata Samuel apo patsi Gilgal javaabelia,jivi vekua natsanatsi Saúl vekua. ⁹ Saúl jumaitsi:Pakaponaremena pane tsakiapae javaanü pane barüya kuene javaanü nejja ata."Nejjata bajaraaponü pe tsakiapaejavaanü Dioso javaabebetsia rajuta. ¹⁰ Aajena nakobevereta pe tsakiapaejava Dioso pe rajutsijava Samuel patojopa.Samuel bajaraponübeje kajjitaajaraba ponalia pe baja kobi nejja yaajava. ¹¹ Nejjata Samuel jumaitsi :"¿Itsa jjua ejjaneme?Saúl jumepita:"Pakujinae taniji dajita jivi tane naitajjuto jematsijava,jjamuata apo patsimü pakuenia jumaitsimü,Filisteovi nua Micmas javata nayaatajjunaeta, ¹² Nejjata jamü jamatabü janü:Filisteovi nesivaa ponainika Gilgal veerena,ayaikuenia apo wajükaenüPetuujjanenü pejjaniaa kuene tane ejjanae neejja.Nejjata namatajjainajû ta to tsakiapae neejja ta rajutsineejja. ¹³ Nejjata Samuel Saúl javabelia:"Jjamü saya be ne ajamatabü ütjü jibinü naejjaname.Jamü Petuujjanenü peka itorobijava apo ejjanaemü nija Dioso to. ¹⁴ Petuujjanenü kaajena ne mata kanukaenü nejja kanuta Israel tomara dajjita matakabi neejja.Baitsi ajena kujinae ne itorobikuene baja ka to ajibibaja.Petuujjanenü raabaja tsanü jaita pe jamatabü jjanepanaenü,Petuujjanenü yaajava tsata principe neejja pija tomara ya evetijitsia,tsipaji jjamü apo jumekowünütsimü jjua bajaraaponü ka itoroba". ¹⁵ Bajaraajjua kujinae Samuel nonotapuna Gilgal vetsia junaya Guibea javaabetsia Benjamín tomaraabetsia.Bajaraajjua kujinae Saúl namataajuta pamona yaajava nuka,be seisciento ponübeje. ¹⁶ Saúl,pejjunato Jonatán pamonae yaajaba nuka,nakopaba Geba javata Benjamín tomarata.Baitsi jane itsiata Filisteovi na yaa tajjunaeta Micmas tomara javata. ¹⁷ Pe yaa jematsivi ponarena Filisteovi tajjunae veerena akueyabi pa bütsaütojji.Kae bütsaüto Ofra ira veerena ponarena Saúl pija ira veerena. ¹⁸ Itsa bütsaüto pona Bet Horón javaabelia itsa bütsaüto Zeboim mujjunenia ponalia petusato javaabelia. ¹⁹ Dajjita Israel nakuajava kopai nakuenebijiviyo ajibi,tsipaji Filisteovi jumaitsitsabiabi:"itsajume hebreovi espada kuererebona tsakitsipa bajaraapamonae neejja". ²⁰ Dajjita Israel pijivi Filisteovi kuene evetabiaba pija escardilla,pico,pija sipali pija masetianü yaajaba. ²¹ Pijamatamo pikani anija terciobeje pa ciclo beje matamotabiabiaba pejjae jjua escardilla,yaajaba pico ata,bajarapakuenia kae tercio palata jju pe to ojobi yaabara pija sipali pe to jjanebi yaabara ata pija masetianü. ²² Bajaraapakoyaneta nejjata,pa matakabi barünabeejitsia,apo jjainae masetianü kurerebonü ata pekobeta kae wajabütsaünü kanakujitsia pamonae Saúl barünüka Jonatán beje;kaenü Saúl pejjunatobeje masete jjainabeje. ²³ Filisteovi pija wajabütsaü pitsapalia Micmas namutualia epanikabijitsia.