¹ Nejjata Nahas Amonitanü Jabes jababelia lia nejjata Galaad mataatotoyororonajjuaba neejjata jabe pijivi jumaitsi Nahas javaabelia,"yeiya taeya panena jume livaisi rajure neejjata panija pinivinü tsane. ² Nahas Amonitanü nejjata jumepita:"Ma jjua yaabaraje pajjamüta ta livaisi tsaneje,paka itajjuto jukaenatsi pa dajjitamü pane kujuanenia,nejjata Israel pebijiakuenianenia,nejjata Israel pebijia kuenia jinavanapaejitsia. ³ Perujuvi Jabe pijivi jumekanaviata ma pakueniaje:"siete pa matakabibeje patajaepato panekopare,pata itorobinejja livaisi dajjita Israel tomaraanü java.Nejjata,itsa ajivi itsajiviyo patane yaabara nabeejiviyo nejjata jjamü javaabelia panarajubiana jû. ⁴ Livaisi jume kaponaevi Guibeá jabavelia pata,itsajota Saúl ponapona,nejjata jumaitsi dajjita jivivaabelia jjua ejjanatsi:Dajjita ayaikuene aüaûka ⁵ Saúl wayapjo weerena buey monae püna najetaruka.Saúl jumaitsitsi jjua Jabe pija peebijivi paeba. ⁶ Saúl itsa jumeta jjua bajarapamonae jumaitsitsanubenae,Dioso pija yatibepijiayo tsijamatabü junuatsi,bajaraaponü nejjata ayaikuenia anaepana. ⁷ Anijanü beje boka pita,tsikiri vi tjaaba tsanae ejjana dajjita Israel iraajavajjiya livaisi paebivita.Bajaraaponü jumaitsi:"Pajiviyo Saúl Samuel beje apo pünaponaetsane penabee javaabelia,ma pakuenia pija baka."Nejjata Petuujjanenü ayai kuenia tsijoopatsi bajaraapatomara neejjata be kae peebi nakaetuatajjuaba. ⁸ Pakujinae Saúl na mataajuta Bezec javatalia,Israel pijajivi kaajena trecientos mil ponü beje,Juda pijajivi saya treinta mil. ⁹ Bajara pamonae jumaitsi livaisipaebivirena:"Jabe Galaad pijivi pajumaitsimütsane:"Merevia,aajena atajutsinatsane juameto paka sivaa ponaeliatsi paka jutijitsiatsi bajaraapamonae vekua."Nejjata livaisi pejume paebivi paebalia Jabes pija peebijivi javaalia bajaraapamonae barüya. ¹⁰ Nejjata Jabe pijivi jumaitsi Nahasmonae javaabelia:"Meravia panakaevibianajû pajjamü javaabelia,neejjata jjua pa jitsipame sayabaja pa ne ejjanaename." ¹¹ Itsa matakabi javaabelia,akueyabi pa monae kunia Saú tsana.Matakabi wüpata tsimajju junua Amanitavi pebeyejebinejja neejjata amoneyaba pe ataju java javaabelia.Pamonae asaü abajju navekua tsana,itsijiviyo apo najjua nukaebeje nejjata bajarapakuenta. ¹² Bajara pomonae Samuel javabelia jumaitsi:"¿Jipatsa ra jumairsi?¿Saúl naka matakanukaena jai?"bajarapamonae pakaponaremena petüpae ejjanae nejja. ¹³ Ikatsia Saúl najume jai:"Ajena itsajiviyo apo be tüpae,tsipaji ajena Israel (tomara kapanepa). ¹⁴ Nejjata Samuel jumaitsi bajaraa pa tomaraa belia:"Najjatsia Gilgal javaabelia ponatsi bajarajootalia ikatsia matako matakotsianatsi waja nakua". ¹⁵ Gilgal javaabelia neejjata Saúl ira nakua evetsinü ejjanatsi Petuujjanenü pitabüta Gilgal javatalia.Bajarajotalia Petuujjanenü pejumali jjanepanae nejja to tsakiapa Saúl dajjita jivi yaajava ayaikuenia barüya.