1
Kolá a tó gende suto, i má kambibante i autorirá, oberesé ané i pa tá praparao pa tó obra kaiko,
2
suto nú polé chitía kusa malo ri narié, ni polé epepitá kú gende, suto tén ke motrá umildá a tó má gende.
3
Pokke ri nbe ke suto memo sé grosero i nú sendá oberiente, i tánba pelé i ri manela ri eklabo pó un chochá ri pasió i chuchumeko ri kanne, suto a bibí endi kusa malo i endi inbiria, suto a proboká ke má gende nú kutá ri suto i tá odiar endi suto memo.
4
Poro kuandí la boldá ri Rioso suto Salbaró i gongorokó pó tó má gende a aparesé,
5
nú sendá pó obra ri juttisia ke suto memo asé, sinú pó miserikordia ke Éle a sabbá a suto, pó merio ri labao ri nuebo nasimiendo i renobasió pó Epiritu Sando.
6
Rioso a ndá a suto Epiritu Sando pó merio ri Jesuskrito salbaró ri suto,
7
Pó é regalo Rioso a chitía ke tó tá bié endi Elé i suto. Polé sé ererero si a tén eperansa ri mbila eterna.
8
É regao sendá ri belá belá. I kelé ke siguí insistiendo endi é kusa, pa ke aké ke a kofiá endi Rioso poleba mantné okupao endi obra kaiko. É kusa sendá kaiko i sendá ri benefisió pa tó má gende.
9
Poro apattá ri epepitá kusa sin sentiro, i ri lucha i botrokolo ke sendá ri ley. É kusa nú tén baló ni tén benefisio.
10
Negá a kuakié ke tá kausá un chochá sepalasió endi enú, repué ri lingó o bilingó adbetensia,
11
i kunosé ke un gende kú elé a tá desbiá ri kaddume kaiko i a tá endi pekaro i pó é kusa tá kondená a elé memo.
12
Kuandí I a mandá a Artemas o Tíkito, asé lo mejó pa miní a mí i a la siurá ri Nikópolis, andi a residí pasá tiembo ri yubia.
13
Mové tó lo ke poleba i kaminá kú bilanté a Senas, abogao i Apolos, ri manela ke nú a fatta ri ná.
14
Gende suto tén ke aprendé a okupase endi obra kaiko ke polé atendé má nesesirá ri uto gende si ané asé etto a lográ fruto pa Rioso.
15
Tó e gende ke tá kú bo a tán salurá. Salurá a má gende ke a kelé endi fé. Grasia sendá kú tó enú.