1
Aora pedro i juan tando pa masiruma endi tiembo ri orasio, endi ma nilingó ola.
2
Un ombe, ke a tá mankuleko denje nasimiento si asé yebao tó ma ria pa ma puetta ri masiruma, ñamao ma ermosura, pá éle pirí limoná a ma gende ke a bae a masiruma.
3
Asi ke kuandi éle a guatiá a pedro í juan pó lendrá endi masiruma, éle a pirí limoná.
4
pedro, ku juan, a guantiá a éle i chiatiá:" miná a suto."
5
Mankuleko a guatia ané, kumo eperando un kusa ri ané.
6
Poro pedro a chitiá a éle: ború i rungusú í ten nu, poro lo ke í ten, í tan dá bo. Endi e nomble ri Jesukrito ri Nazaret, jarrieá."
7
Pedro angalalo po mano ri recha si, i a palalo; ri un be ma pié ri éle i ma ojo ri pie si a resibi kutú.
8
Mankuleko a palá blinkando i á kaminá; i éle a lendrá ku pedro i juan endi masiruma, jarriando,blinkando i kantando a Rioso.
9
To ma gende a guatiá a éle jarriando i kantando a Rioso.
10
Ané a miná ke a sé e ombe ke a pirí limoná endi puetta ri masiruma, ma ermosa i ané a kelá fundio ri enkanto i anmilasio po kusa lo ke a pasá a éle.
11
Miendla éle a tá poyá ri pedro i juan, to ma gende kolé a ané pá endi pórtiko ke a ñamá ri Salomón, mu asomblao.
12
Kuandi pedro a guatiá e kusa, éle a chitiá ma gende:" Enú, ma ombe ri Israel, ¿pokké enú a kelá enkantao? ¿pokké a poné ojo si endi suto, kumo si suto a sé éle jarriá po memo kutú suto o pierá?"
13
Éle Rioso ri Abraham, ri Isaac, ri Jacob, éle Rioso ri tatá suto, a glorifika Moso ri éle, Jesús. Éle sendá akien enú a entregá iá negá endi flede ri Pilato, kuandi éle keleba rejá Jesús suetto.
14
Enú rechasá a éle Sando i Jutó, i enbe ri énú sabba a Éle, enú a sabba un kitámbila.
15
Enú a kitámbila a prinsipe ri bila, a kien Rioso a palá ri entle muetto; i suto senda perito ri e kusa.
16
Aora, po ma fe endi nomble ri Jesús, e ombe a kien suto a guatiá i kunuse, memo nomble ri Jesús andá kutú a éle. Fe ke a sendá po merio ri Jesús a saná éle flende ri tó enú.
17
Aora, numano, í sabe ke enú asé e kusa pó ignoransia, kumo tabien ma kamkamanan si.
18
Poro ma kusa ke Rioso a chitiá pó boka ri tó ma chakero, ke kristo ri Éle teneba ke suflí, Éle a kumplí e kusa aora.
19
Asina ke enú ten arrpentí i kambia, pá ma pekaro si sea borrao, pá enú pulé bae a tiembo ri refrigerio flede ri Ño;
20
Éle puela mandá a Kristo, kien jueba ñamao pá enú, Jesús.
21
Éle sendá ke ansulú ten ke risibi hata tiembo ri retaurasio ri tó ma kusa, ri kua Rioso a chitiá a tiembo pó boka ri ma chakero sando ri Éle.
22
Moisés bela balá a chitiá:" E ÑO RIOSO A PALÁ UN CHAKERO KUMO Í RI MERIO NUMANO SI. ENÚ TÁN KUCHÁ TÓ LO KE ÉLE CHITIÁ.
23
ASINA KE MA JENDE KE KUCHÁ NU A E CHAKERO TA SE RITRUIO RI TERUÑO."
24
Asina, i tó ma chakero Rioso denje Samuel i ma tó lo kean miní ripue ri éle, tó ané a chitiá i a ndá fecha ri é rias.
25
Enú sendá moná ri ma machakero i rié patto ke Rioso asé ku ma tatá si, kumo Éle a chitiá a Abraham:" ENDI SIMIENTE SI TÓ MA FAMIA RI TIELA ASÉ BENDITA."
26
Ripué ki Rioso a resusitá moso si; primol Rioso a mandá Éle a enú, pá bendesí a enú kuandi ten rejá tó mal."